കേരളത്തിലെ കാഴ്ചകളുടെ ഉള്ളറകളിലേക്ക് ഒരിക്കെങ്കിലും ചെന്നെത്തണമെന്ന് ആഗ്രഹിക്കാത്തതായി ഒരു മലയാളിയും കാണില്ല! അത് ആലപ്പുഴയിലെ കായലും നെല്പാടങ്ങളും കണ്ട് രാവും പകലും ഹൗസ് ബോട്ടില് യാത്ര ചെയ്താണെങ്കില് പറയുകയും വേണ്ട. കേരളത്തിലെ ഈ കാഴ്ചകളിലേക്ക് സഞ്ചാരികളെ എത്തിക്കുക എന്ന ലക്ഷ്യത്തോടെ ഐആര്സിടിസി റിവര് ക്രൂസ് പാക്കേജുകള്ക്ക് തുടക്കം കുറിച്ചിരിക്കുകയാണ്.
തോട്ടപ്പള്ളി -ആലപ്പുഴ റിവര് ക്രൂസ് യാത്രാ തിയ്യതി
2022 ല് ഒക്ടോബര് 19, നവംബര് 30, 2023 ല് ജനുവരി 4, ഫെബ്രുവരി 1, മാര്ച്ച് 1, ഏപ്രില് 12 എന്നീ തിയ്യതികളിലാണ് യാത്ര ഷെഡ്യൂള് ചെയ്തിരിക്കുന്നത്.
ആലപ്പുഴ- തോട്ടപ്പള്ളി റിവര് ക്രൂസ്
തോട്ടപ്പള്ളി-ആലപ്പുഴ പാക്കേജ് പോലെ തന്നെ ആലപ്പുഴ തോട്ടപ്പള്ളി പാക്കേജും ലഭ്യമാക്കിയിട്ടുണ്ട്. രണ്ടു രാത്രിയും മൂന്ന് പകലുമാണ് ഈ പാക്കേജിന്റെയും ദൈര്ഘ്യം. യാത്രയില് സന്ദര്ശിക്കുന്ന സ്ഥലങ്ങളും ഒന്നു തന്നെയാണ്. യാത്പ ആരംഭിക്കുന്നതും അവസാനിക്കുന്നതുമായ സ്ഥലങ്ങളില് മാത്രമേ വ്യത്യാസമുള്ളൂ.
ടിക്കറ്റ് നിരക്ക്
യാത്രയില് തിരഞ്ഞെടുക്കുന്ന ക്ലാസിന് അനുസരിച്ചാണ് ടിക്കറ്റ് നിരക്കില് വ്യത്യാസം വരിക. സുപ്പീരിയര് ക്ലാസില് രണ്ടു പേര്ക്കുള്ള ഒക്യുപന്സിയില് ഒരാള്ക്കുള്ള ചാര്ജ് 30450/- രൂപയും സിംഗിള് ഒക്യുപന്സിയില് ഒരാള്ക്കുള്ള ചാര്ജ് 53288/-രൂപയും 5-12 വയസ്സു വരെയുള്ള കുട്ടികളില് രണ്ടുപേര്ക്കുള്ള പ്രത്യേക ക്യാബിനില് ഒരാള്ക്ക് 15225/- രൂപയും ഇതേ പ്രായത്തില് ഒരാള്ക്കുള്ള ക്യാബിനില് 26644/- രൂപയും ആകും.
ഡീലക്സ് ക്യാബിനില് രണ്ടു പേര്ക്കുള്ള ഒക്യുപന്സിയില് ഒരാള്ക്കുള്ള ചാര്ജ് 43050/- രൂപയും സിംഗിള് ഒക്യുപന്സിയില് ഒരാള്ക്കുള്ള ചാര്ജ് 75338/--രൂപയും 5-12 വയസ്സു വരെയുള്ള കുട്ടികളില് രണ്ടുപേര്ക്കുള്ള പ്രത്യേക ക്യാബിനില് ഒരാള്ക്ക് 21525/-രൂപയും ഇതേ പ്രായത്തില് ഒരാള്ക്കുള്ള ക്യാബിനില് 37669/- രൂപയും ആകും.
ആലപ്പുഴ- തോട്ടപ്പള്ളി റിവര് ക്രൂസ് യാത്രാ തിയതികള്
2022 ല് ഒക്ടോബര് 7, നവംബര് 18, ഡിസംബര് 23, 2023 ല് ജനുവരി 20, ഫെബ്രുവരി 17, മാര്ച്ച് 31 എന്നീ തിയ്യതികളിലായിരിക്കും യാത്ര ഉണ്ടാവുക.