ലേയുടെ മനോഹാരിതയും ലഡാക്കിന്റെ ഭംഗിയും സ്വന്തം കണ്മുന്നില് ഒരിക്കലെങ്കിലും കാണണമെന്ന് ആഗ്രഹിക്കാത്ത സഞ്ചാരികളുണ്ടാവില്ല. ചിത്രങ്ങളിലൂടെ അറിഞ്ഞ ഒരു നാട്ടിലെത്തി നേരിട്ടോരോയിടവും പരിചയപ്പെടുക എന്നതിനേക്കാള് ഓരോ സഞ്ചാരിയെയും സന്തോഷിപ്പിക്കുന്ന മറ്റൊന്നില്ല. ഇപ്പോഴിതാ അങ്ങനെയൊരു മികച്ച അവസരം നിങ്ങള്ക്കായി വന്നിരിക്കുകയാണ്. ഹിമാലയത്തിന്റെ ഏറ്റവും മനോഹരവും പരിശുദ്ധവുമായ കാഴ്ചകള് സഞ്ചാരികള്ക്ക് സമ്മാനിക്കുന്ന ലേയും ലഡാക്കും തുര്തുക്കും നേരിട്ടുകാണുവാന് പോയാലോ... ഐആര്സിടിസി ഹൈദരാബാദില് നിന്നും ആരംഭിക്കുന്ന ലേ-ലഡാക്ക് പാക്കേജിനെക്കുറിച്ചും അതിന്റെ പ്രത്യേകതകളെക്കുറിച്ചും വായിക്കാം
ആറാം ദിവസം
പാന്ഗോങിന്റെ തീരത്തെ സൂര്യോദയ കാഴ്ചകളിലേക്കാണ് സഞ്ചാരികള് യാത്രയുടെ ആറാം ദിവസം കണ്ണുതുറക്കുന്നത്. പ്രഭാതഭക്ഷണത്തിനു ശേഷം നേരെ ലേയിലേക്ക് യാത്ര തിരിക്കും. വഴിയില് തിക്സെ ആശ്രമവും ഷേയ് പാലസും കാണുവാനുള്ള സൗകര്യങ്ങളും ഒരുക്കിയിട്ടുണ്ട്. ഉച്ചകഴിയുന്നതോടെ ലേയിലെത്തും. അന്നത്തെ ദിവസം മുഴുവനും നിങ്ങള്ക്ക് ലഡാക്കും ഇവിടുത്തെ മാര്ക്കറ്റും കാണുവാനുള്ള സൗകര്യങ്ങളുണ്ടായിരിക്കും. രാത്രി താമസം ലേയില് തന്നെയാണ്.
ഏഴാം ദിവസം രാവിലെ പ്രഭാത ഭക്ഷണത്തിനു ശേഷം വിമാനത്താവളത്തിലേക്ക് പോകും. ലേയില് നിന്നും ഡല്ഹിയിലേക്ക് ഉച്ചയ്ക്ക് 1.40നാണ് വിമാനം. അത് 3.10ന് ഡല്ഹിയിലെത്തും. ഡല്ഹിയില് നിന്നും ഹൈദരാബാദിലേക്ക് വൈകിട്ട് 6.00 മണിക്ക് വിമാനമെടുക്കും. അത് രാത്രി 8.10ന് ഹൈദരാബാദിലെത്തും.
യാത്രയില് സിംഗിള് ഒക്യുപന്സിക്ക് 46910/- രൂപ ആയിരിക്കും. ഡബിള് ഒക്യുപന്സിക്ക് 41965/- രൂപയും ട്രിപ്പിള് ഒക്യുപന്സിക്ക് 41360/-രൂപയും ആയിരിക്കും. 5-11 വയസ്സ് വരെ കുട്ടികളില് ബെഡ് ആവശ്യമുള്ളവര്ക്ക് 39480/-
രൂപയും ബെഡ് ആവശ്യമില്ലാത്തവര്ക്ക്36290/- രൂപയും ആണ്. ബെഡ് ആവശ്യമായി വന്നേക്കില്ലാത്ത രണ്ടു മുതല് രണ്ടു മുതല് നാല് വയസ്സ് വരെ പ്രായത്തിലുള്ള കുട്ടികള്ക്ക്36290/- രൂപയും ആണ് ടിക്കറ്റ് നിരക്ക്.
PC:SOURAV BHADRA
യാത്രാ തിയതികള്
നിലവില് ഓഗസ്റ്റ്, സെപ്റ്റംബര് മാസത്തിലെ യാത്രകളാണ് ഷെഡ്യൂള് ചെയ്തിരിക്കുന്നത്. ഓഗസ്റ്റ് 25, സെപ്റ്റംബര് 8, സെപ്ങ്ങംബര് 23 തിയ്യതികളിലാണ് ഇനി ഹൈദരാബാദില് നിന്നും യാത്ര പുറപ്പെടുന്നത്.
കൊച്ചിയില് നിന്നും സെക്കന്തരാബാദിലേക്ക് എല്ലാ ദിവസവും ശബരി എക്സ്പ്രസ് പുറപ്പെടുന്നു. രാവിലെ 11.20ന് എറണാകുളം ടൗണ് സ്റ്റേഷനില് നിന്നുമെടുക്കുന്ന ട്രെയിന് 25 മണിക്കൂര് സഞ്ചരിച്ച് പിറ്റേന്ന് 12.20ന് സെക്കന്തരാബാദിലെത്തും. ഇതിന് സെക്കന്ഡ് സിറ്റിങ്ങിന് 350 രൂപയും സ്ലീപ്പറിന് 575 രൂപയും ത്രീടയര് എസിക്ക് 1545 രൂപയും ടൂ ടയര് എസിക്ക് 2235 രൂപയുമാണ് ടിക്കറ്റ് നിരക്ക്.ഇതു കൂടാതെ ശനിയാഴ്ചകളില് മാത്രം ERS SC SPL എറണാകുളം ടൗണ് സ്റ്റേഷനില് നിന്നും സെക്കന്തരാബാദിലേക്ക് പോകുന്നുണ്ട്. ശനിയാഴ്ച രാത്രി 11.25ന് എടുക്കുന്ന ട്രെയിന് ഞായറാഴ്ച രാത്രി 11.30ന് സെക്കന്തരാബാദിലെത്തും. ഇതിന് സ്ലീപ്പറിന് 755 രൂപയും ത്രീടയര് എസിക്ക്1930 രൂപയും ടൂ ടയര് എസിക്ക് 2680 രൂപയുമാണ് ടിക്കറ്റ് നിരക്ക്.