പ്രകൃതി ഒരുക്കിയിരിക്കുന്ന ഒരുകൂട്ടം അത്ഭുതങ്ങളുടെ നാടാണ് ലഡാക്ക്. കാണുന്നതെല്ലാം തരിശായി കിടക്കുന്ന ഭൂമിയാണെങ്കിലും അതില്പോലും കാഴ്ചക്കാരില് അത്ഭുതം കൊണ്ടുവരുവാന് ലഡാക്കിനു കഴിയും. ബൈക്ക് യാത്രകരും റോഡ് ട്രിപ്പേഴ്സും സാഹസികരും സോളോ യാത്രികരുമെല്ലാം വീണ്ടും വീണ്ടും പോകുവാന് ആഗ്രഹിക്കുന്ന ലഡാക്ക് ഒരു സ്വപ്നഭൂമിയായി മനസ്സില് സൂക്ഷിക്കാത്ത ആരുമുണ്ടാവില്ല. 'ഉയർന്ന ചുരങ്ങളുടെ നാട്' എന്നു വിളിക്കപ്പെടുന്ന ലഡാക്ക് വടക്ക് കുൻലൂൺ പർവതനിരകൾക്കും തെക്ക് ഹിമാലയത്തിനും ഇടയിലാണ് സ്ഥിതി ചെയ്യുന്നത്. ലഡാക്കിലേക്കുള്ള യാത്രകള്ക്ക് ഏറ്റവും യോജിച്ച മാസങ്ങളിലൊന്നായ സെപ്റ്റംബറില് ഇന്ത്യയുടെ വിവിധ ഭാഗങ്ങളില് നിന്നും ഐആര്സിടിസി മികച്ച ചില ലഡാക്ക് പാക്കേജുകള് ഒരുക്കിയിട്ടുണ്ട്. ഐആര്സിടിസിയുടെ സെപ്റ്റംബര് മാസത്തിലെ ലഡാക്ക് പാക്കേജുകളെക്കുറിച്ചും അതിന്റെ പ്രത്യേകതകളെക്കുറിച്ചും വായിക്കാം
ഖൊരക്പൂരില് നിന്നുള്ള ലഡാക്ക് പാക്കേജ്
ഒന്പത് രാത്രിയും, 10 പകലും നീണ്ടു നില്ക്കുന്ന ടൂർ പാക്കേജ് ഗൊരഖ്പൂർ സ്റ്റേഷനിൽ നിന്ന് ആരംഭിച്ച് ന്യൂഡൽഹി വഴി ലേയിലേക്ക് പോകും. പര്യടനത്തിൽ ലഖ്നൗവിലേക്കുള്ള രാത്രി യാത്രയും തുടർന്ന് ഡൽഹിയിലേക്കുള്ള ട്രെയിൻ യാത്രയും ഉൾപ്പെടുന്നു. സെപ്തംബർ 20 മുതൽ ഗോരഖ്പൂരിൽ നിന്ന് ആരംഭിക്കുന്ന യാത്രയ്ക്ക് 43900 രൂപയാണ് ടിക്കറ്റ് നിരക്ക്.
സെപ്റ്റംബർ 14, 21 തീയതികളിൽ ബറേലിയിൽ നിന്ന് ആരംഭിക്കുന്ന മാജിക്കല് ലഡാക്ക് (Magical Ladakh ex-Bareilly) പാക്കേജ് 7-രാത്രിയും 8-ദിവസവും നീണ്ടു നില്ക്കുന്നതാണ്. 43900 രൂപയാണ് ടിക്കറ്റ് നിരക്ക്