കൊവിഡ് കാലത്ത് വീട്ടിലിരുന്ന് പണിയെടുത്തു മടുക്ക് പ്രൊഫഷണലുകള്ക്കായി കിടുക്കന് ഓഫറുമായി ഐആര്സിടിസി. ജോലി സമയം ആനന്ദകരമാക്കുവാനായി വര്ക് ഫ്രം ഹോട്ടല് പാക്കേജ് ആണ് ഐആര്സിടിസി അവതരിപ്പിച്ചിരിക്കുന്നത്. ആദ്യ ഘട്ടത്തില് കേരളത്തലെ തിരഞ്ഞെടുത്ത വിനോദ സഞ്ചാര ഇടങ്ങളിലാണ് ഇത് പ്രവര്ത്തിക്കുക. വര്ക് ഫ്രം ഹോട്ടല് പാക്കേജിന്റെ വിശദാംശങ്ങളിലേക്ക്..
വൈ-ഫൈ മുതല് യാത്രാ ഇന്ഷുറന്സ് വരെ
ഈ പ്രത്യേക സാഹചര്യം മനസ്സിലാക്കിയുള്ള സൗകര്യങ്ങളാണ് പാക്കേജില് ഉള്പ്പെടുത്തിയിരിക്കുന്നത്. അണുവിമുക്തമാക്കിയ മുറികൾ, ദിവസം മൂന്ന് ഭക്ഷണം, രണ്ടുതവണ ചായ / കോഫി, കോംപ്ലിമെന്ററി വൈ-ഫൈ, വാഹനത്തിന് സുരക്ഷിതമായ പാർക്കിംഗ് സ്ഥലം, യാത്രാ ഇൻഷുറൻസ് എന്നിവ ഇതില് ഉള്പ്പെടുന്നു.
എന്നാല് കൊവിഡിന്റെ സാഹചര്യത്തില് പാക്കേജില് സൈറ്റ് സീയിങ് ഉള്പ്പെടുത്തിയിട്ടില്ല.
ബുക്ക് ചെയ്യുവാന്
ഐആർസിടിസി വെബ്സൈറ്റ് അല്ലെങ്കിൽ ആൻഡ്രോയിഡിലും , ഐഒഎസിലും പ്രവര്ത്തിക്കുന്ന ഐആർസിടിസി ടൂറിസം മൊബൈൽ ആപ്ലിക്കേഷനുകൾ എന്നിവ വഴി പാക്കേജുകൾ ഓൺലൈനായി ബുക്ക് ചെയ്യുവാന് സാധിക്കും.