ലോകത്തിലെ ഏറ്റവും മനോഹരമായ റോഡ് യാത്രകളുടെ പട്ടികയിൽ ഇടം നേടി യുഎഇയും. അബുദാബിയിലെ ജബൽ ഹഫീത് റോഡ് യാത്രയാണ് ലോകത്തിലെ ഏറ്റവും മനോഹരമായ മൂന്നാമത്തെ റോഡ് യാത്രയായി തിരഞ്ഞെടുക്കപ്പെട്ടിരിക്കുന്നത്. അന്താരാഷ്ട്ര വിനോദ സഞ്ചാരരംഗത്ത് പുതിയ സാധ്യകളിലേക്ക് വാതില് തുറക്കുന്ന യുഎഇയ്ക്ക് ഇതില് അഭിമാനിക്കുവാന് ഏറെയുണ്ട്. ജബൽ ഹഫീത് റോഡ് യാത്രയെക്കുറിച്ചും അതിന്റെ പ്രത്യേകതകളെകക്കുറിച്ചും വായിക്കാം
കാഴ്ചകളിലേക്ക്
അൽ ഐൻ നഗരത്തിന്റെ പ്രാന്തപ്രദേശത്താണ് പർവ്വതവും ഇതിനെ ചുറ്റിയുള്ള 7 മൈല് ദൂരത്തിലുള്ള റോഡും സ്ഥിതി ചെയ്യുന്നത്. . നഗരം തന്നെ വളരെ മനോഹരവും ഇൻസ്റ്റാഗ്രാമിൽ വളരെ ജനപ്രിയവുമാണ്. പുരാതന ശവകുടീരങ്ങൾ, വന്യജീവികൾ, ഗ്രീൻ മുബസാറയിലെ ചൂടുവെള്ള ഉറവകൾ എന്നിവ ഉൾപ്പെടുന്ന അവിശ്വസനീയമായ ആകർഷണങ്ങളിലേക്കാണ് റോഡ് നയിക്കുന്നത്.
ലോകത്തിലെ ഏറ്റവും ഉയരമുള്ള ഗതാഗത പാതയായി വിശേഷിപ്പിക്കപ്പെടുന്ന ജെബൽ ഹഫീത് 1980 കളിലാണ് നിര്മ്മിക്കുന്നത്. ജർമ്മനിയിലെ സ്ട്രാബാഗ് ഇന്റർനാഷണൽ കൊളെംഗ് ആണ് ഇതിന്റെ നിര്മ്മാണത്തിന് നേതൃത്വം നല്കിയത്. ആകെ 7.7 മൈല് (11.7 കിലോമീറ്റർ നീളമാണുള്ളത്. അതില് തന്നെ 21 വളവുകളാണ് കയറുവാനുള്ളത്. മലയിലേക്ക് കയറുന്നതിനായി രണ്ടുവരി പാതയും ഇറങ്ങുന്നതിന് ഒറ്റവരി പാതയുമാണ് ഇവിടെയുള്ളത്. 2.5 മണിക്കൂര് നേരമാണ് ഈ പാത പിന്നിടുവാനായി വേണ്ടത്. ഇവിടുത്തെ സൂര്യാസ്തമയ കാഴ്ചകളാണ് ഏറ്റവും പ്രസിദ്ധം.
ജബൽ ഹഫീത്തിന്റെ താഴ്വാരത്തിലാണ് ഗ്രീൻ മുബാസാറ സ്ഥിതി ചെയ്യുന്നത്. ജബൽ ഹഫീത് റോഡ് ട്രിപ്പിലെ മിക്ക യാത്രകളും ഗ്രീൻ മുബാസാറ ലക്ഷ്യമാക്കിയുള്ളതാവും. ഗ്രീൻ മുബാസാറയിൽ നിന്നുള്ള ചുടുനീർ ഉറവകളാണ് ഇവിടുത്തെ പ്രധാന ആകര്ഷണം. ചെറിയ അരുവികളായി ഒഴുകുന്ന ഈ നീരുറകള് അവസാനം ഒരു തടാകമായി രൂപം കൊള്ളുന്നു. നീന്തൽകുളങ്ങളും കുളിപ്പുരകളും ഇവിടെ ധാരാളം കാണുവാന് കഴിയും.
PC:Michael Peter Glenister