»തിരുവനന്തപുരത്തു നിന്നും പോയിവരുവാന് കന്യാകുമാരിയിലെ കാളികേശം
തിരുവനന്തപുരത്തു നിന്നും പോയിവരുവാന് കന്യാകുമാരിയിലെ കാളികേശം
Travel Guide
oi-Elizabeth Joseph
കാടുകളും മലകളും പിന്നെ അതിസുന്ദരിയായ ഭൂമിയെയും വെള്ളച്ചാട്ടങ്ങളും ഇഷ്ടപ്പെടുന്നവര്ക്ക് ധൈര്യമായി കണ്ണുംപൂട്ടി തിരഞ്ഞെടുക്കുവാന് പറ്റിയ കാളികേശത്തിന്റെ വിശേഷങ്ങളിലേക്ക്!
കന്യാകുമാരിയും ചിതറാലും തൃപ്പരപ്പും തക്കലയുമെല്ലാം മലയാളികള്ക്ക് പ്രത്യേകിച്ച് തിരുവനന്തപുംരകാര്ക്ക് പരിചയമുണ്ട്. എന്നാല് ഇതിനോടൊപ്പം തന്നെ നില്ക്കുന്ന, എന്നാല് മിക്കവാറും യാത്രാ പ്ലാനില് ഉള്പ്പെടാത്ത ഇടമാണ് കന്യാകുമാരിക്ക് സമീപമുള്ള കാളികേശം. കന്യാകുമാരി വൈല്ഡ് ലൈഫ് സാങ്ച്വറിയുടെ ഭാഗമായ കാളികേശം മനോഹരമായ കാഴ്ചകള്കൊണ്ട് സമ്പന്നമാണ്. കാടുകളും മലകളും പിന്നെ അതിസുന്ദരിയായ ഭൂമിയെയും വെള്ളച്ചാട്ടങ്ങളും ഇഷ്ടപ്പെടുന്നവര്ക്ക് ധൈര്യമായി കണ്ണുംപൂട്ടി തിരഞ്ഞെടുക്കുവാന് പറ്റിയ കാളികേശത്തിന്റെ വിശേഷങ്ങളിലേക്ക്!
ട്രക്കിങ്ങും വട്ടവഞ്ചി യാത്രയും
മറ്റെങ്ങും സഞ്ചാരികള്ക്ക് ലഭിക്കാത്ത തരത്തിലുള്ള അനുഭവങ്ങളാണ് കാളികേശം നല്കുന്നത്. ട്രക്കിങ്ങും കൊട്ടവഞ്ചിയിലെ യാത്രയും. ചുറ്റോടു ചുറ്റും തിങ്ങി നിറഞ്ഞു നില്ക്കുന്ന പച്ചപ്പിനു നടുവിലെ കൊട്ടവഞ്ചി യാത്ര വ്യത്യസ്തമായ മറ്റൊരു അനുഭവമായിരിക്കും. പ്രകൃതിയോടൊപ്പം നടക്കുന്ന അനുഭവമാണ് കാളികേശം ട്രക്കിങ് സമ്മാനിക്കുന്നത്. ട്രക്കിങ്ങിനൊപ്പം തന്നെ ക്യാംപ് ഫയറും പുഴയിലെ കുളിയും എല്ലാം ഇതിന്റെ ഭാഗമാണ്. കാടിനുള്ളിലൂടെയുള്ള യാത്രയാണ് ഇവിൊുത്തെ ആകര്ഷണം,
കാളികേശം വെള്ളച്ചാട്ടം
കാളികേശത്തെ പ്രധാനപ്പെട്ട മറ്റൊരു കാഴ്ചയാണ് കാളികേശം വെള്ളച്ചാട്ടം. സംരക്ഷിത വനത്തിന്റെ ഉള്ളിലായി സ്ഥിതി ചെയ്യുന്ന ഇവിടെ എത്തിച്ചേരുവാന് വനംവകുപ്പിന്റെ മുന്കൂട്ടിയുള്ള അനുമതി ആവശ്യമാണ്. നദിയുടെ തീരത്തായി സ്ഥിതി ചെയ്യുന്ന ഒരു ചെറിയ കാളി ക്ഷേത്രത്തില് നിന്നുമാണ് വെള്ളച്ചാട്ടത്തിന് ഈ പേരു ലഭിച്ചത്. കന്യാകുമാരിയിലെ തുവരന്കാട് ഗ്രാമത്തിനു സമീപമാണ് വെള്ളച്ചാട്ടമുള്ളത്.
തിരുവനന്തപുരത്തു നിന്നും ഏകദേശം 8 കിലോമീറ്റര് അകലെയാണ് കാളികേശം സ്ഥിതി ചെയ്യുന്നത്. പല വഴികളും ഇവിടേക്ക് തിരഞ്ഞെടുക്കാമെങ്കിലും സ്വാമിയാർ മഠം - തടിക്കാരക്കോണം റോഡ് തിരഞ്ഞെടുക്കുന്നതായിരിക്കും നല്ലത്.