കണ്ണൂരിന്റെ മലയോരങ്ങള്ക്ക് എന്നും വേറൊരു വൈബാണ്. അതു മഴക്കാലത്താണെങ്കില് പറയുകയും വേണ്ട...മഴയ്ക്കൊപ്പം കൂട്ടായെത്തുന്ന കോടമഞ്ഞില് കാടും മേടും കയറി പോകുവാന് ഇഷ്ടംപോലെ ഇടങ്ങള് ഇവിടുണ്ട്. ഇതുവരെ ആഗ്രഹിച്ചിട്ടും കണ്ണൂരിന്റെ സ്വന്തം പാലക്കയവും പൈതല്മലയും പോകുവാന് സാധിക്കാത്തവര്ക്കും ആനവണ്ടിയില് മലയോരം എക്സ്പ്ലോര് ചെയ്യുവാന് താല്പര്യമുള്ളവര്ക്കുമായി കണ്ണൂര് കെഎസ്ആര്ടിസി ഒരു കിടിലന് പാക്കേജ് ഒരുക്കിയിട്ടുണ്ട്. കെഎസ്ആര്ടിസിയുടെ 'എക്സ്പ്ലോര് മലയോരം' പാക്കേജിനെക്കുറിച്ചു് വിശദമായി വായിക്കാം...
ഏഴരക്കുണ്ട്
കണ്ണൂരിലെ ഏറ്റവും അണ്എക്സ്പ്ലോര്ഡ് ആയ പ്രദേശങ്ങളിലൊന്നാണ് ഏഴരക്കുണ്ട് വെള്ളച്ചാട്ടം. പൈതൽമലയിലേക്കു കയറുന്നതിനു മുൻപ് മലയടിവാരത്തായാണ് ഏഴരക്കുണ്ട് സ്ഥിതി ചെയ്യുന്നത്. എട്ട് തട്ടുകളിലൂടെ താഴേക്ക് പതിക്കുന്നതിനാലാണ് ഈ വെള്ളച്ചാട്ടം ഏഴരക്കുണ്ട് എന്ന പേരിൽ അറിയപ്പെടുന്നത്
ടിക്കറ്റ് നിരക്ക്
ഉച്ചഭക്ഷണവും ചായയും പ്രവേശനഫീസുമടക്കം ഒരാളില് നിന്നും 750 രൂപയാണ് ടിക്കറ്റ് ചാര്ജ് ആയി മേടിക്കുന്നത്. 45 പേര് ഉണ്ടെങ്കില് അവരവരുടെ സൈകര്യത്തിനനുസരിച്ച് പാക്കേജ് ബുക്ക് ചെയ്യുവാനും പോകുവാനും സാധിക്കും, കൂടുതല് വിവരങ്ങള്ക്ക് 9496131288, 8089463675, 9074165915 എന്നി നമ്പറുകളില് ബന്ധപ്പെടാം. എല്ല ഞായറാഴ്ചകളിലും കണ്ണുര് കെഎസ്ആര്ടിസി സ്റ്റാന്ഡില് നിന്നും യാത്ര പുറപ്പെടുന്നതാണ്. താല്പര്യമുള്ളവര് മുന്കൂട്ടി ബുക്ക് ചെയ്യുക.