»ബാംഗ്ലൂരില് നിന്നും കെഎസ്ആര്ടിസിയില് ജോഗ് വെള്ളച്ചാട്ടം കാണാന് പോകാം... പോക്കറ്റ് കാലിയാകാതെ പോയി വരാം
ബാംഗ്ലൂരില് നിന്നും കെഎസ്ആര്ടിസിയില് ജോഗ് വെള്ളച്ചാട്ടം കാണാന് പോകാം... പോക്കറ്റ് കാലിയാകാതെ പോയി വരാം
Travel Guide
oi-Elizabeth Joseph
ബാംഗ്ലൂരില് നിന്നും ജോഗ് വെള്ളച്ചാട്ടത്തിലേക്കും സമീപത്തെ പ്രധാന ആകര്ഷണങ്ങളിലേക്കും പോകുന്ന കെഎസ്ആര്ടിസിയുടെ ജോഗ് ഫാള്സ് പാക്കേജിനെക്കുറിച്ച് വായിക്കാം...
കാടിനു നടുവില് ആര്ത്തലച്ചു പതിക്കുന്ന ജോഗ് വെള്ളച്ചാട്ടം... കാടിന്റെ നടുവില് നിന്നും പതഞ്ഞൊഴുകുന്ന ഈ വെള്ളച്ചാട്ടം ഒരിക്കലെങ്കിലും കാണണമെന്ന് ആഗ്രഹിക്കാത്തവരുണ്ടാവില്ല, പ്രത്യേകിച്ച് ബാംഗ്ലൂരിലുള്ളവര്.. എത്തിച്ചേരുവാനുള്ള ബുദ്ധിമുട്ടും നേരിട്ടുള്ള ബസ് സര്വ്വീസുകളുടെ അഭാവും ഒക്കെയായി പലപ്പോഴും പലരും ജോഗ് യാത്ര വേണ്ടന്നുതന്നെ വെച്ചിരിക്കുകയാണ്. എന്നാലിതാ ജോഗിലേക്ക് ഒരു മികച്ച യാത്രാ പാക്കേജ് അവതരിപ്പിച്ചിരിക്കുയാണ് കര്ണ്ണാടക സ്റ്റേറ്റ് റോഡ് ട്രാന്സ്പോര്ട്ട് കോര്പ്പറേഷന്. ബാംഗ്ലൂരില് നിന്നും ജോഗ് വെള്ളച്ചാട്ടത്തിലേക്കും സമീപത്തെ പ്രധാന ആകര്ഷണങ്ങളിലേക്കും പോകുന്ന കെഎസ്ആര്ടിസിയുടെ ജോഗ് ഫാള്സ് പാക്കേജിനെക്കുറിച്ച് വായിക്കാം...
ഇക്കേരിയും കേലടിയും
സാഗരയില് നിന്നും ആറ് കിലോമീറ്റര് അകലെയായാണ് കർണാടകയിലെ ചരിത്രഗ്രാമങ്ങളിലൊന്നായ ഇക്കേരി സ്ഥിതി ചെയ്യുന്നത്. കേളടി നായകരുടെ പഴയ തലസ്ഥാനമായിരുന്നു ഇത്. കന്നഡ ഭാഷയിൽ ഇക്കേരി എന്ന വാക്കിന്റെ അർത്ഥം 'രണ്ടു തെരുവുകൾ' എന്നാണ്.
വിജയനഗര സാമ്രാജ്യത്തിന്റെ ഭാഗമായ നായകർ ഭരിച്ചിരുന്ന പട്ടണമാണ് കേളടി. കേളടി രാമേശ്വര ക്ഷേത്രം ഇവിടുത്തെ പ്രസിദ്ധമായ നിര്മ്മിതിയാണ്. ദ്രാവിഡ വാസ്തുവിദ്യയുടെ അസാധാരണമായ ഉദാഹരണമാണ് ഈ ക്ഷേത്രം.