പൗരാണിക ക്ഷേത്രങ്ങളുടെ കാര്യത്തില് കേരളത്തോളം സമ്പന്നമായ മറ്റൊരു നാട് ഉണ്ടാവില്ല. ആയിരം വര്ഷത്തോളം പഴക്കമുള്ള ക്ഷേത്രങ്ങളും പ്രതിഷ്ഠയിലും വിശ്വാസത്തിലും ഒന്നിനൊന്ന് വ്യത്യസ്തവുമാണ് നമ്മുടെ നാട്ടിലെ ഓരോ ക്ഷേത്രങ്ങളും. അത്തരത്തിലൊന്നാണ് എറണാകുളം ജില്ലയില് സ്ഥിതി ചെയ്യുന്ന കാർപ്പിള്ളിക്കാവ് ശ്രീ മഹാദേവ ക്ഷേത്രം. പ്രത്യേകതകള് ഏറെയുണ്ട് അത്യപൂര്വ്വമായ ഈ ശിവക്ഷേത്രത്തിന്. ദൂരദേശങ്ങളില് നിന്നുപോലും വിശ്വാസികള് തേടിയെത്തുന്ന കാർപ്പിള്ളിക്കാവ് ശ്രീ മഹാദേവ ക്ഷേത്രത്തെക്കുറിച്ച് വിശദമായി വായിക്കാം.
കാർപ്പിള്ളിക്കാവ് പൂരം
കാർപ്പിള്ളിക്കാവ് ശ്രീ മഹാദേവ ക്ഷേത്രത്തിലെ വാർഷിക ഉത്സവത്തോടനുബന്ധിച്ചാണ് പൂരം ആഘോഷിക്കുന്നത്. മലയാള മാസമായ മകരം മാസത്തിൽ (ജനുവരി -ഫെബ്രുവരി) 8 ദിവസമാണ് ഉത്സവം നടക്കുന്നത്. ഈ ഉത്സവ ദിവസങ്ങൾ വളരെ പ്രധാനപ്പെട്ട ദിവസങ്ങളാണെന്ന് വിശ്വസിക്കപ്പെടുന്നു, കർശനമായ താന്ത്രിക രീതികളിലാണ് ആഘോഷമുള്ളത്. ആറാം ദിവസം ക്ഷേത്രത്തിൽ ഉത്സവബലി ഗംഭീരമായി നടത്തപ്പെടുന്നു. ശിവന്റെ പടയാളികളായ ഭൂതഗണങ്ങൾക്ക് നൽകുന്ന പൂജാ വിരുന്നായ ശ്രീഭൂതബലി എന്ന പ്രത്യേക ആചാരമുണ്ട്. ഉത്സവത്തിന്റെ ഏഴാം ദിവസം, ക്ഷേത്രത്തിൽ നിന്ന് വിഗ്രഹം പുറത്തെടുക്കുന്നു.
പൂരത്തിനെത്തി പ്രാര്ത്ഥിച്ചാല്
കാർപ്പിള്ളിക്കാവ് പൂരത്തിനെത്തി ശിവനോട് പ്രാര്ത്ഥിച്ചാല് ഫലം വേഗത്തില് ലഭിക്കുമെന്നാണ് മറ്റൊരു വിശ്വാസം മകര മാസത്തില് എട്ടുദിവസം നീണ്ടു നില്ക്കുന്നതാണ് ഇവിടുത്തെ പൂരം. ഈ സമയത്ത് ഇവിടെയെത്തി പ്രാര്ത്ഥിച്ചാല് ശിവന് പ്രസാദിക്കുമെന്നും എന്താഗ്രഹവും സാധിക്കുമെന്നുമാണ് വിശ്വാസം.