ഹിമാലയത്തിലെ ഉയർന്ന കൊടുമുടികൾക്കിടയിൽ സ്ഥിതി ചെയ്യുന്ന ചാർ ദാം ക്ഷേത്രങ്ങൾ വിശ്വാസികളുടെ ആശ്രയ കേന്ദ്രമാണ്. ജീവിതത്തിലൊരിക്കലെങ്കിലും ചാർ ദാം ക്ഷേത്രങ്ങള് സന്ദർശിക്കണമെന്നും മോക്ഷഭാഗ്യം നേടണമെന്നും ആഗ്രഹിക്കാത്ത ഹൈന്ദവ വിശ്വാസികൾ കാണില്ല. നാല് പുണ്യ നദികളുടെ തീരത്ത് സ്ഥിതി ചെയ്യുന്ന ഈ ക്ഷേത്രങ്ങളുടെ വിശ്വാസങ്ങൾക്ക് പുരാണങ്ങളോലം തന്നെ പഴക്കവുമുണ്ട്. യമുനോത്രി, ഗംഗോത്രി, കേദാർനാഥ്, ബദരീനാഥ് എന്നിവയാണ് ചാര് ദാമുകള് എന്നറിയപ്പെടുന്നത്. ഓരോ വർഷവും പതിനായിരക്കണക്കിന് വിശ്വാസികളാണ് രാജ്യത്തിന്റെയും ലോകത്തിന്റെയും വിവിധ ഭാഗങ്ങളിൽ നിന്നും തീർത്ഥാടനത്തിനായി വരുന്നത്.
പദ്ധതിയിങ്ങനെ
ഏറ്റവും പുതിയ റിപ്പോർട്ടുകള് അനുസരിച്ച് ഈ പദ്ധതിക്ക് വനം പരിസ്ഥിതി മന്ത്രാലയം അനുമതി നൽകി. പിഡബ്ല്യുഡിഎൻഎച്ച് (പൊതുമരാമത്ത് വകുപ്പ് ദേശീയ പാത), ഇന്ത്യാ ഗവൺമെന്റും റോഡ് ഗതാഗത മന്ത്രാലയവും തമ്മിലുള്ള കരാർ തീർപ്പുകൽപ്പിച്ചിട്ടില്ലെങ്കിലും അതിന്റെ അവസാന ഘട്ടത്തിലാണ്. ബദരീനാഥ് ഹൈവേയെയും കേദാർനാഥ് ഹൈവേയെയും ബൈപാസുമായി ബന്ധിപ്പിക്കാൻ പിഡബ്ല്യുഡിഎൻഎച്ച് പദ്ധതിയിട്ടിട്ടുണ്ട്. ഇത് രുദ്രപ്രയാഗ് നഗരത്തെ ഗതാഗതക്കുരുക്കിൽ നിന്ന് ഒഴിവാക്കും.
900 മീറ്റർ
900 മീറ്റർ നീളമുള്ള ഈ തുരങ്കത്തിന്റെ നിർമാണം പൂർത്തിയാകുന്നതിന് രണ്ടര വർഷമാണ് കണക്കാക്കിയിരിക്കുന്നത്. പദ്ധതിയെ രണ്ട് ഘട്ടങ്ങളായി തിരിച്ചിരിക്കുന്നു - ആദ്യത്തേത് മന്ദാകിനി നദിയിലെ ജവാദി ബൈപാസിന്റെയും പാലത്തിന്റെയും നിർമ്മാണമാണ്. തുരങ്കം നിർമിക്കുന്ന രണ്ടാം ഘട്ടം ഇനിയും തുടങ്ങാനുണ്ട്. മുഴുവൻ പദ്ധതിയുടെയും ഏകദേശ ചെലവ് 1.56 ബില്യൺ രൂപയാണ്.