Click it and Unblock the Notifications
യാത്രകള്‍ പഴയ ഫോട്ടോകളിലേക്കും വീഡിയോകളിലേക്കും ഇപ്പോള്‍ മാറിയിരിക്കുകയാണ്. കൊവിഡ് മഹാമാരിക്കാലത്ത് യാത്രകള്‍ ആഢംഹരമായി മാറിയപ്പോള്‍ പിന്നെ സമയം ചിലവഴിക്കുന്നത് വീടുകളില്‍ തന്നെ ഒതുങ്ങിയിരിക്കുകയാണ്. സെലിബ്രിറ്റികളുടെ ജീവിതവും ഇങ്ങനെ തന്നെയാണ്. വീട്ടിലിരിക്കുന്നത് ആസ്വദിച്ചും പാചക പരീക്ഷണങ്ങള്‍ നടത്തിയും ഡാന്‍സും പാട്ടും തൊട്ടടുത്ത ഇടങ്ങളിലേക്കുള്ള യാത്രയുമായി അവരും സമയം ചിലവഴിക്കുന്നു. ഈ കൂട്ടത്തിലേക്ക് ഏറ്റവും പുതിയതായി വന്നിരിക്കുന്നത് നടി അമലാ പോളിന്‍റെ ഒരു ചെറിയ വീഡിയോയാണ്. ഏറ്റവും ലളിതമായി ജീവിതം ഇത്രമേല്‍ ആസ്വദിക്കാം എന്നു കാണിച്ചു തരുന്ന സന്തോഷിപ്പിക്കുന്ന ഒരു വീഡിയോ. കൊച്ചിയിലെ അധികമൊന്നും അറിയപ്പെടാത്ത കുഴുപ്പള്ളി ബീച്ചിലാണ് അമലയുടെ ആഘോഷം. കടല്‍ത്തീരത്തു കിടന്നും കടലിലിറങ്ങിയും തിരമാലകളില്‍ കളിച്ചുമെല്ലാം സന്തോഷിക്കുന്ന വീഡിയോ ആളുകള്‍ ഏറ്റെടുത്തു കഴിഞ്ഞു.
കുറിപ്പ് ഇങ്ങനെ
സഞ്ചാരികളുടെ കണ്ണില്‍പ്പെടാത്ത ഇടം
പ്രാദേശികമായി മാത്രം
പ്രാദേശികമായി മാത്രം അറിയപ്പെടുന്ന കുഴുപ്പള്ളി ബീച്ച് കഴിഞ്ഞ കുറച്ച് കാലങ്ങളായി സഞ്ചാരികള്‍ക്കിടയില്‍ പ്രസിദ്ധമായിട്ടുണ്ട്. കാറ്റാടി മരങ്ങളുടെ കൂട്ടം തന്നെയാണ് ബീച്ചിന്‍റെ പ്രത്യേകത. വൈകുന്നേരങ്ങള്‍ ചിലവഴിക്കുവാനും നീന്തല്‍ പഠിക്കുവാനും നീന്തി സമയം ചിലവഴിക്കുവാനുമെല്ലാം കുഴുപ്പള്ളി അനുയോജ്യമാണ്.
എത്തിച്ചേരാന്‍
എറണാകുളം ജംങ്ഷന്‍ റെയില്‍വേ സ്റ്റേഷനില്‍ നിന്നും 24 കിലോമീറ്ററും ചെറായി ബീച്ചില്‍ നിന്നും നാല് കിലോമീറ്ററും ഇവിടേക്ക് ദൂരമുണ്ട്. ഇടപ്പള്ളി, വരാപ്പുഴ, പറവൂർ വഴി ഇവിടേക്ക് എത്തിച്ചേരാം. ഗോശ്രീപാലം കണ്ടെയ്നർ റോഡ് വഴിയും ഇരിങ്ങാലക്കുട കൊടുങ്ങല്ലൂര്‍ വഴിയും കുഴുപ്പള്ളി ബീച്ചിലെത്താം.
