കൊൽക്കത്തയിൽ നിന്നുള്ള മികച്ച ഒരു വാരാന്ത്യ കവാടമായി കണക്കാക്കാൻ കഴിയുന്ന ദുർഗ്ഗാപൂരിന് സഞ്ചാരികളെ ഏവരെയും ആകർഷിക്കാനുള്ള മാന്ത്രിക ശക്തിയുണ്ട്. നിങ്ങളുടെ കുടുംബത്തോടും കൂട്ടുകാരോടുമൊപ്പം നിങ്ങളിവിടെ ചിലവഴിക്കുന്ന ഓരോ നിമിഷങ്ങളും ജീവിതത്തിൽ മറക്കാനാവാത്തത് ആയിരിക്കുമെന്ന കാര്യത്തിൽ ഞങ്ങൾക്ക് ഉറപ്പുനൽകാനാവും. പശ്ചിമബംഗാളിലെ പ്രമുഖ കേന്ദ്രസ്ഥാനമായ നഗരങ്ങളിൽ ഒന്നാണീ സ്ഥലമെങ്കിൽക്കൂടി വ്യത്യസ്തങ്ങളായ നിരവധി കാഴ്ചകൾ ഇവിടെ നിങ്ങൾക്കായി കാത്തിരിക്കുന്നു. നിരവധി പാർക്കുകളും പൂന്തോട്ടങ്ങളും വശ്യമനോഹരമായി ഇവിടെ ഉള്ളതിനാൽ ഇന്നിവിടം ഏവരുടെയും ഇഷ്ടമേറിയ ഒരു വിനോദസഞ്ചാര കേന്ദ്രമായി മാറിയിരിക്കുകയാണ്
അങ്ങനെയെങ്കിൽ കൊൽക്കത്തയിൽ നിന്ന് ദുർഗ്ഗപൂരേക്ക് ഒരു വിനോദയാത്ര ആസൂത്രണം ചെയ്താൽ എന്താ ...? പൂന്തോട്ടങ്ങളുടെയും പാർക്കുകളുടെയും ഒക്കെ സൗന്ദര്യം നുകരുന്നതിനേക്കാളുപരി ഇവിടുത്തെ ചരിത്രസ്മാരകങ്ങളിലേക്ക് ദീർഘമായി എത്തിനോക്കാൻ നിങ്ങൾക്ക് സാധിക്കുന്നു.. ദുർഗാപൂർ നഗരത്തെയും അതിന്റെ മറ്റ് സവിശേഷതകളെയും കുറിച്ചറിയാൻ തുടർന്ന് വായിക്കുക.
പശ്ചിമ ബംഗാളിലെ ഏറ്റവും പ്രധാനപ്പെട്ട നഗരങ്ങളിൽ ഒന്നാണ് ദുർഗാപൂർ. പാസ്ചിം ബർദ്ധാമൻ ജില്ലയിലാണ് ഈ നഗരം സ്ഥിതി ചെയുന്നത്. ദാമോദർ നദിയുടെ തീരത്ത് സ്ഥിതി ചെയ്യുന്ന ഈ നഗരം ഇന്ത്യയിലെ തന്നെ ഏറ്റവും സൂക്ഷ്മനിരതമായി പണികഴിപ്പിച്ച ഒരു നഗരമായി കണക്കാക്കി വരുന്നു
സ്റ്റീൽ വ്യവസായങ്ങൾക്കും മറ്റ് നിരവധി ഫാക്ടറികൾക്കും ഒക്കെ പേരുകേട്ടതാണ് ഈ നഗരം.. എന്നിരുന്നാലും, നിരവധി പാർക്കുകളും ചരിത്ര സ്മാരകങ്ങളും ഒക്കെ ഇവിടെയുണ്ടെന്ന കാര്യം ഇന്നും പലർക്കും അറിയില്ല., ഇവിടെയെത്തുന്ന നിങ്ങൾക്ക് വ്യവസായ സ്ഥാപനങ്ങൾക്ക് പുറമെ ചുവടേ പറഞ്ഞിരിക്കുന്ന ദുർഗാപൂരിലെ പ്രധാന സ്ഥലങ്ങൾ തീർച്ചയായും സന്ദർശിക്കാം.
ദുർഗാപൂരിൽ ഏറ്റവുമധികം ആളുകൾ സന്ദർശിക്കുന്ന ഇടങ്ങളിൽ ഒന്നായ ട്രോയികാ പാർക്കിൽ ബോട്ട് സവാരികളും, കേബിൾ കാറുകളും, നിരവധി ജലവിനോദങ്ങളും ഒക്കെയുണ്ട്.. ആനന്ദ് അമ്യൂസ്മെന്റ് പാർക്കിന്റെ സാന്നിധ്യത്തിൽ ഈ നഗരം എങ്ങും അറിയപ്പെടുന്നു. ശാന്തതയും ഉല്ലാസ വ്യഗ്രതയുമൊക്കെ ഉളവാക്കുന്ന ഇവിടുത്തെ അന്തരീക്ഷം നിങ്ങളുടെ കുടുംബത്തോടും കൂട്ടുകാരോടുമൊപ്പം കുറച്ച് നല്ല സമയം ചിലവഴിക്കാനുള്ള അവസരമൊരുക്കുന്നു . ബോട്ടിംങ്ങും കേബിൾ കാർ സവാരികളുമടക്കം നിരവധി കാര്യങ്ങൾ ട്രോയികാ പാർക്കിൽ എത്തുന്നവർക്ക് ഉല്ലാസത്തോടെ ചെയ്യാനുണ്ട്.
ഭബാണി പഥക് ടില്ല
ദുർഗാപൂർ സന്ദർശിക്കുന്ന ഒരാളുടെ ഇഷ്ടങ്ങളെ ആകർഷിക്കുന്ന ഒരിടമാണ് ഭബാണി പഥക് ടില്ല. ഡമോദർ നദി മുതൽ ആരംഭിച്ച് നഗര മധ്യത്തിൽ മുഴുവനൊട്ടാകെ വ്യാപിച്ചുകിടക്കുന്ന തുരങ്കങ്ങളുടെ താവളമാണ് പഥക് ടില്ല. തുരങ്കങ്ങളുടെ മഹത്വത്തെ അന്വേഷിച്ച് നിങ്ങൾ പരതി നടക്കുകയാങ്കിൽ ഈ അത്ഭുതകരമായ സ്ഥലം തീർച്ചയായും സന്ദർശിക്കേണ്ടതാണ്. ചരിത്രത്തിന്റെ സ്വാധീനം അളവിലധികം ഉള്ളതിനാൽ നിരവധി ചരിത്ര പ്രേമികളെയും സഞ്ചാരികളേയും ഇവിടേയ്ക്ക് ആകർഷിച്ചു വരുന്നു. അവിശ്വസിനീയമായ ആകർഷണതകളിലൊന്നാതിനാൽ എല്ലാ ആഴ്ചകളിലും നൂറുകണക്കിന് വിനോദസഞ്ചാരികളാണ് ഭാബനി പഥക് ടില്ലയെ സന്ദർശിക്കാനെത്തുന്നത്.
ഇവിടെയെത്തുന്ന ഒരാൾക്കും നഷ്ടപ്പെടുത്തി കളയാൻ കഴിയാത്ത ദുർഗാപൂരിലെ മറ്റൊരു മനോഹരമായ സ്ഥലമാണ് കുമാരമംഗലം പാർക്ക്. ഒരു ചെറിയ തടാകത്തോടു കൂടിയ രാജ്യത്തെ ഏറ്റവും വലിയ പാർക്കുകളിൽ ഒന്നാണ് ഈ ഉദ്യാനം. ബോട്ടിങ്ങിനുള്ള അവസരവും ഇവിടെ സന്ദർശകരെ കാത്തിരിക്കുന്നു.. കുമാരമംഗലം പാർക്കിലെ പൂന്തോട്ടത്തിൽ വിവിധ തരം പൂക്കളുടെ വലിയ ഒരു നിര തന്നെ കാണാനുണ്ട്.. വർണ്ണാഭമായ പരിസ്ഥിതി കാഴ്ചവയ്ക്കുന്നതിനാൽ, നിരവധി ഫോട്ടോഗ്രാഫർമാരുടെ ഇഷ്ടസ്ഥാനമായി മാറിയിരിക്കുന്നു ഈ ഉദ്യാനം.
ഡ്യൂൾ പാർക്ക്
വശീകരണ സുന്ദരമായ മരങ്ങളും വർണശബളമായ പുൽത്തകിടികൾ കൊണ്ടുമൊക്കെ അലങ്കരിച്ചിരിക്കുന്നു ഡ്യൂൾ പാർക്ക് . ദുർഗാപൂരിലെ മറ്റ് പാർക്കുകളിൽ നിന്ന് ഡൂൽ പാർക്കിനെ വ്യത്യസ്തപ്പെടുത്തി നിർത്തുന്നത് ഇവിടുത്തെ അതിമനോഹരമായ പ്രകൃതിസൗന്ദര്യത്തിന്റേ നടുവിൽ നിലകൊള്ളുന്ന ചരിത്ര സ്മാരകങ്ങളുടെ കാഴ്ചകളാണ്. കുട്ടികളെ ആകർഷിക്കാനായി പ്രധാനമായും ഒരു കളിപ്പാട്ട തീവണ്ടി ഇവിടെ ചൂളം വിളിച്ചുകൊണ്ട് ചീറിപ്പായുന്നുണ്ട്.