സർവ്വൈശ്വര്യത്തിന്റെയും നാഥയായ കൊല്ലൂർ മൂകാംബികയിൽ ഈ വർഷത്തെ നവരാത്രി ആഘോഷങ്ങൾക്ക് തുടക്കമായി. ഭക്തലക്ഷങ്ങൾ രാജ്യത്തിന്റെ വിവിധ ഭാഗത്തു നിന്നും എത്തിച്ചേരുന്ന നവരാത്രി ആഘോഷം കൊല്ലൂരിലെ ഏറ്റവും വിശുദ്ധമായ ദിവസങ്ങളാണ്.
പരബ്രഹ്മ സ്വരൂപിണിയും സകലകലകൾക്കും അധിപയുമായ മൂകാംബികയെോട് നവരാത്രിക്കാലത്ത് വന്ന് പ്രാർത്ഥിക്കുന്നത് സവിശേഷഫലങ്ങൾ നല്കുമെന്നാണ് വിശ്വാസം. കലാരംഗത്തും സാഹിത്യരംഗത്തും ഉന്നതിയിയിലെത്തുവാനും പഠനത്തിൽ മികച്ചഫലം നല്കുവാനുമെല്ലാം മൂകാംബിക അനുഗ്രഹിക്കുമെന്നാണ് പണ്ടുമുതൽ നിലനില്ക്കുന്ന വിശ്വാസം. ഇതിന്റെ സാക്ഷ്യമാണ് ഓരോ ദിവസവും ഇവിടേക്ക് ദർശനത്തിനായി എത്തുന്നവർ.
കൊല്ലൂർ മൂകാംബിക ക്ഷേത്രത്തിലെ 2022ലെ നവരാത്രി ആഘോഷങ്ങളെക്കുറിച്ച് വിശദമായി വായിക്കാം
വിജയദശമി
നവരാത്രിയിലെ പത്താം ദിവസമാണ് വിജയദശമി. ഒക്ടോബർ അഞ്ചാം തിയതിയാണ് ഈ വർഷത്തെ വിജയദശമി ദിനം വരുന്നത്. ദേവി വിജയം വരിച്ച ദിനം എന്നാണ് വിജയദശമി എന്ന വാക്കിനർത്ഥം. വിദ്യാരംഭം നടത്തുവാനും കലകളിൽ അരങ്ങേറ്റം നടത്തുവാനും ഏറ്റവും അനുയോജ്യമായ ദിനമാണിത്. കൊല്ലൂരിൽ വിജയദശമി ദിനത്തിൽ വിദ്യാരംഭം പുലർച്ചെ 4 മണിക്ക് ആരംഭിക്കുന്നു.