കുട്ടികളുമായി അടിച്ചു പൊളിച്ച് കുറച്ച് ദിവസങ്ങൾ ചിലവഴിക്കുവാൻ താല്പര്യമില്ലാത്ത മാതാപിതാക്കൾ കാണില്ല. കേരളത്തിലെ ഏറ്റവും അടിപൊളി സ്ഥലങ്ങൾ കുറഞ്ഞ ചിലവിൽ അവധിക്കാത്ത് കുട്ടികൾക്കൊപ്പം കാണാനുള്ള കിടിലൻ പാക്കേജുമായാണ് കേരളാ ട്രാവൽ ഡെവലപ്മെന്റ് കോർപ്പറേഷൻ വന്നിരിക്കുന്നത്. അവധിക്കാലം അടിച്ചു പൊളിക്കുവാന് കെടിഡിസിയുടെ പുതിയ പാക്കേജുകളേക്കുറിച്ച് വായിക്കാം...
3333 മുതൽ 4999 വരെ
കോവളത്തിന്റെ കടൽക്കാഴ്ചകൾ കാണുവാൻ സമുദ്ര ഹോട്ടല്, തേക്കടിയിലെ കാടുകളുടെ വശ്യതയും കാടിനുള്ളിലെ താമസവും അനുഭവിച്ചറിയുവാൻ ആരണ്യ നിവാസ്, മൂന്നാറിലെ തേയിലത്തോട്ടങ്ങളുടെയും യൂക്കാലിപ്റ്റസ് മരങ്ങളുടെയുെ നടുവിലെ ടീ കൗണ്ടി, കായൽക്കാഴ്ചകൾ കാണുവാൻ കൊച്ചിയിലെ ബോള്ഗാട്ടി പാലസ് എന്നീ കെടിഡിസി പ്രീമിയം ഹോട്ടലുകളാണ് ടൂര് പാക്കേജുകള് ഒരുക്കിയിരിക്കുന്നത്. 3333 മുതൽ 4999 വരെ വരെയാണ് വിവിധ പാക്കേജുകളടെ നിരക്ക്
രണ്ട് രാത്രിയും 3 പകലും
രണ്ട് രാത്രിയും മൂന്ന് പകലും താമസം, പ്രഭാത ഭക്ഷണം, നികുതികൾ എന്നിവ ഉൾപ്പെടുന്ന പാക്കേജിനാണ് 4999 രൂപ കെടിഡിസി ഈടാക്കുന്നത്. കോവളത്തെ സമുദ്ര ഹോട്ടൽ, തേക്കടിയിലെ ആരണ്യ നിവാസ്, മൂന്നാറിലെ ടീ കൗണ്ടി, കൊച്ചിയിലെ ബോൾഗാട്ടി പാലസ് എന്നീ മൂന്നു പ്രീമിയം ഹോട്ടലുകളിലാണ് ഈ പാക്കേജുള്ളത്.
12 വയസ്സിൽ താഴെയുള്ള രണ്ട് കുട്ടികൾ, അവരുടെ മാതാപിതാക്കൾ എന്നിവരെയാണ് പാക്കേജില് ഉൾക്കൊള്ളിച്ചിരിക്കുന്നത്.
തേക്കടി പെരിയാർ വന്യജീവി സങ്കേതത്തിനകത്തുള്ള പെരിയാർ ഹൗസിലെ പാക്കേജ് 3333 രൂപയുടേതാണ്. ബജറ്റ് ഹോട്ടലായ ഇവിടെയും രണ്ട് രാത്രിയും മൂന്ന് പകലും പ്രഭാത ഭക്ഷണവും നികുതികളും ഉൾപ്പെടുന്നതാണ് പാക്കേജ്. 12 വയസ്സിൽ താഴെയുള്ള രണ്ട് കുട്ടികൾ, അവരുടെ മാതാപിതാക്കൾ എന്നിവരെയാണ് പാക്കേജില് ഉൾക്കൊള്ളിച്ചിരിക്കുന്നത്.
വേനലവധിയായ ഏപ്രിൽ, മേയ് മാസങ്ങളിൽ മാത്രമാണ് ഈ പാക്കേജ് പ്രാബല്യത്തിലുള്ളത്. പുതിയ തലമുറയ്ക്ക് കേരളത്തെ കൂടുതൽ അറിയുവാൻ അവസരം കൊടുക്കുക എന്നതാണ് ഇതിൻറെ ലക്ഷ്യം. ഇത്രയും കുറഞ്ഞ തുടകയിൽ കെടിഡിസിയുടെ ഒരു ഹോട്ടലുകളിലും മറ്റൊരിക്കലും ഇത്തരം പാക്കേജുകൾ ലഭ്യമാവില്ല. അതുകൊണ്ടു തന്നെ കുട്ടികളുമൊത്ത് യാത്ര ആഗ്രഹക്കുന്നവർക്ക് മികച്ച ഒരു പാക്കേജായിരിക്കും എന്നതിൽ ഒരു സംശയവുമില്ല.
കൂടുതൽ വിവിരങ്ങൾക്കും ടിക്കറ്റ് ബുക്കിങ്ങിനുമായി www.ktdc.com എന്ന സൈറ്റിലോ 0471 2316736, 2725213 എന്നീ ഫോണ് നമ്പറുകളിലോ ബന്ധപ്പെടുക. അതാത് ഹോട്ടലുകളിൽ വിളിച്ചാലും ഇതിനെ കുറിച്ചുള്ള വിവരങ്ങളും ബുക്ക് ചെയ്യുന്നതിനുള്ള നിർദ്ദേശങ്ങളും ലഭിക്കും.