ടെക്നിക്കലായി നോക്കുമ്പോൾ സ്ഥലം കേരളത്തിലാണ്. എന്നാൽ ആളുകൾക്കും ഭാഷയ്ക്കും ഒക്കെ ഒരു കർണ്ണാടകൻ ടച്ചും....ഇത്രയും കേൾക്കുമ്പോൾ തന്നെ സ്ഥലം കാസർകോഡാണെന്ന് മനസ്സിലായിക്കാണും..സംശയം ബാക്കി നിൽക്കുന്നത് സ്ഥലത്തിന്റെ പേരിലാണ്. കാസർകോഡ് ഭാഗത്ത് കർണ്ണാടക അതിർത്തിയോട് ചേർന്ന ഗ്രാമങ്ങൾക്കെല്ലാം ഒരു പ്രത്യേകതയുണ്ട്. മലയാളം അത്യാവശ്യ സമയത്ത് മാത്രം ഉപയോഗിക്കുന്ന, കന്നഡ വംശജരായിരിക്കും അവരിൽ മിക്കവരും.
അറബിക്കടലിനോട് ചേർന്നു കിടക്കുന്ന, വ്യത്യസ്ത സംസ്കാരങ്ങളുടെ സംഗമ ഭൂമിയായ മഞ്ചേശ്വരത്തിന്റെ കഥയിലേക്ക്...
ഗൗഡ സാരസ്വത് ബ്രാഹ്മണരുടെ ഏറ്റവും പഴക്കം ചെന്ന ക്ഷേത്രമായാണ് ശ്രീമഠ് അനന്തേശ്വര ക്ഷേത്രം അറിയപ്പെടുന്നത്. എട്ടാം നൂറ്റാണ്ടിൽ നിർമ്മിക്കപ്പെട്ട ഈ ക്ഷേത്രം ശിവനായാണ് സമർപ്പിച്ചിരിക്കുന്നത്. ശിവനൊപ്പം ശേഷനാഗവും ഇവിടെയുണ്ട്. സ്വയംഭൂവാണ് ഇവിടുത്തെ പ്രതിഷ്ഠയെന്നാണ് വിശ്വാസം.
മഞ്ചേശ്വരം റെയിൽവേ സ്റ്റേഷനിൽ നിന്നും 1.5 കിലോമീറ്റർ അകലെയാണ് ക്ഷേത്രമുള്ളത്.
മംഗലാപുരത്തു നിന്നും 21 കിലോമീറ്റർ അകലെയാണ് മഞ്ചേശ്വരം സ്ഥിതി ചെയ്യുന്നത്. തിരുവനന്തപുരത്തു നിന്നും584 കിലോമീറ്ററും പാറശ്ശാലയിൽ നിന്നും 610 കിലോമീറ്ററും കന്യാകുമാരിയിൽ നിന്നും 670 കിലോമീറ്ററുമാണ് ഇവിടേക്കുള്ള ദൂരം.