Click it and Unblock the Notifications
ലോകം എന്നും ആശ്ചര്യങ്ങളുടെ കലവറയാണ് സഞ്ചാരികള്‍ക്ക്. പ്രകൃതിയെ ഓരോ നിമിഷവും എങ്ങനെയാണ് ഇത്തരത്തില്‍ മെനഞ്ഞെടുത്തെതെന്ന് ചിന്തിക്കാത്ത സഞ്ചാരികള്‍ ഉണ്ടാവില്ല. ഓരോ മുക്കിലും മൂലയിലും പ്രകൃതി അതിന്‍റെ കൈയ്യൊപ്പ് ചാര്‍ത്തിയിട്ടുണ്ടാവും. ആ കയ്യൊപ്പുകള്‍ എന്നും ഒരു അത്ഭുതവും ആയിരിക്കും. എണ്ണിയാൽ തീരാത്ത നക്ഷത്രങ്ങള്‍ ഭൂമിയിലേക്ക് ഇറങ്ങി വരുന്ന താഴ്വരകള്‍, ചായം തേച്ച് മിനുക്കിയെടുത്തത് പോലുള്ള സായം സന്ധ്യകള്‍ കാഴ്ചകളാകുന്ന കുന്നിന്‍ ചെരിവുകള്‍, പ്രകൃതിയെ വിഴുങ്ങി അതിലും സുന്ദരമായ കാഴ്ചകള്‍ പുറത്തേക്ക് തള്ളുന്ന നദികള്‍ ഇങ്ങനെ ലോകത്തിന്‍റെ മാസ്മരികതെ വിളിച്ചോതുന്ന സ്ഥലങ്ങള്‍ എത്രയെന്ന് ഒരു സഞ്ചാരിക്കും തിട്ടം കാണില്ല. വെറുതേ ഉണ്ടുറങ്ങി തീരാതെ ഇത്തരം ഇടങ്ങള്‍ ഒരു വട്ടമെങ്കിലും കാണേണ്ടേ? യെസ് എന്നാണ് ഉത്തരമെങ്കില്‍ അക്കൂട്ടര്‍ക്ക് താഴേക്കൊന്ന് കണ്ണോടിക്കാം. നിരാശ ഉണ്ടാകില്ലെന്ന് ഉറപ്പ്
ഗുൽമാർഗ്
തണുപ്പുകാലങ്ങളിലാണ് ഗുൽമാർഗ്ഗിലെ ആകാശം അതിൻരെ എല്ലാ ഭംഗിയിലും കാണാൻ സാധിക്കുക. ഒരു ചെറിയ ബോർഡിൽ നിറങ്ങൾ അലക്ഷ്യമായി ചാലിച്ചതുപോലെ കാണപ്പെടുന്ന ഇവിടുത്തെ ആകാശം സഞ്ചാരികളുടെ ഹരമാണ്.
ആകാശത്തോളം ഉയരത്തിൽ കാണുന്ന ഇവിടുത്തെ പർവ്വതങ്ങൾ ഗുൽമാർഗിന്റെ ഭംഗി വീണ്ടും വീണ്ടും വർധിപ്പിക്കുന്നു. പ്രകൃതിയുടെയും പ്രപഞ്ചത്തിൻറെയും ഇതുവരെയും കാണാത്ത മറ്റൊരു ഭംഗിയാണ് ഇവിടെ കാണാൻ കഴിയുക.
മന്ദാർമനി
പൂക്കളുടെ താഴ്വര
ഒരിക്കൽ ഇവിടെ എത്തിയാൽ തിരിച്ചു പോകുവാൻ അനുവദിക്കാത്തക്കവിധം ഭ്രമിപ്പിക്കുന്ന ഈ സ്ഥലം കാടും പുൽമേടും ജൈവവൈവിധ്യവും ഒക്കെ കൂടിച്ചേർന്ന ഒരിടമാണ്. പ്രകൃതി ഒരുക്കിയിരിക്കുന്ന ഒരു അത്ഭുതം തന്നെയായ ഇവിടുത്തെ വെള്ളച്ചാട്ടങ്ങളും ചെറിയ അരുവികളും ഒക്കെ ഈ സ്ഥലത്തെ ഒരു സ്വർഗ്ഗമാക്കി മാറ്റുന്നു.
നെയ്ൽ ഐലൻഡ്
നുബ്രാ വാലി
നുബ്ര വാലിയിലെ പുരാതനമായ ആശ്രമങ്ങളും തടാകങ്ങളും കുന്നുകളും ഒക്കെ ഇവിടേക്കുള്ള യാത്രയിൽ തീർച്ചയായും സന്ദർശിച്ചിരിക്കേണ്ട സ്ഥലങ്ങളാണ്.
