ചില സ്ഥലങ്ങളുണ്ട്...അവയെപ്പറ്റി അറിഞ്ഞു കഴിയുമ്പോള് എന്തുകൊണ്ട് എന്നോ എന്തിന് എന്നോ ഉത്തരം കിട്ടാത്ത സ്ഥലങ്ങള്. മഹാരാഷ്ട്രയിലെ കാലാവന്തിന് ഗുഹ മുതല് ഗ്രേറ്റ് ബനിയന് ട്രീ വരെ നമ്മെ എന്നും അത്ഭുതപ്പെടുത്തിയിട്ടേയുള്ളൂ.
കേള്ക്കുമ്പോള് തന്നെ നമ്മെ അമ്പരപ്പിക്കുന്ന, ഒരിക്കലെങ്കിലും അവിടം സന്ദര്ശിക്കണമെന്ന് തോന്നിപ്പിക്കുന്ന കുറച്ച് സ്ഥലങ്ങള് പരിചയപ്പെടാം...
സൗത്ത് ഏഷ്യയിലെ സജീവമായുള്ള ഏക അഗ്നി പര്വ്വതമാണ് ആന്ഡമാന് നിക്കോബാര് ദ്വീപസമൂഹത്തില് സ്ഥിതി ചെയ്യുന്ന ബാരന് ഐലന്ഡ്. കര്ശന നിര്ദ്ദേശങ്ങളോടെ മാത്രമേ ഇവിടെം സന്ദര്ശിക്കാനാവൂ. ഇവിടെ ജനവാസം തീരെകുറവാണ്.
ഇന്ത്യയുടെ തീരദേശ രക്ഷാസേനയുടെയും നാവിക സേനയുടെയും നാവിക വാഹനങ്ങള്ക്കു മാത്രമാണ് നിലവില് ഈ ദ്വീപിലേക്ക് എത്തിച്ചേരാന് അനുവാദമുള്ളത്. ഇന്ത്യന് വനം വകുപ്പിന്റെ പ്രത്യേക അനുമതിയോടെ മാത്രമേ ഇവിടം സന്ദര്ശിക്കാന് കഴിയൂ. പോര്ട്ട് ബ്ലെയറില് നിന്നും പ്രത്യേകം ചാര്ട്ടു ചെയ്ത ബോട്ടുകള് വഴിയും ഇവിടെ വരാം. വിദേശികള്ക്കു ദ്വീപില് ഇറങ്ങാനുള്ള അനുമതി ഇല്ല. പോര്ട്ട് ബ്ലെയറില് നിന്നും ദ്വീപിലേക്ക് അഞ്ച് മുതല് ആറു മണിക്കൂര് വരെയാണ് യാത്രാസമയം.
രാജസ്ഥാനിലെത്തന്നെ ഭയപ്പെടുത്തുന്ന മറ്റൊരിടമാണ് കുല്ധാര.
ഒറ്റരാത്രി കൊണ്ട് കുല്ധാരയും മറ്റു 84 ഗ്രാമങ്ങളും എവിടെ ഒളിച്ചു എന്ന് ഇതുവരെയും ആര്ക്കും പിടികിട്ടിയിട്ടില്ല. എന്നാല് ഇതോടൊപ്പം മറ്റൊരു കഥയും നിലനില്ക്കുന്നുണ്ട്. പെണ്കുട്ടിയെ നല്കാത്തതിനാല് മന്ത്രി ഇവര്ക്ക് നികുതി കൂട്ടുകയും തങ്ങളെക്കൊണ്ട് അത്രയും അടയ്ക്കുവാന് സാധിക്കാത്തതിനാല് അവര് മറ്റെവിടേക്കോ നാടുവിട്ടുപോയി എന്നുമാണത്. എന്നാല് 2017 ലെ ഒരു പഠനം പറയുന്നത് ഭൂമികുലുക്കം കാരണം നാടുവിട്ടുപോയതാണ് ഇവിടെയുള്ളവര് എന്നാണ്.
രാജസ്ഥാനിലെ പ്രധാനപട്ടണങ്ങളിലൊന്നായ ജയ്സാല്മീരില് നിന്നും 18 കിലോമീറ്റര് അകലെയാണ് കുല്ധാര സ്ഥിതി ചെയ്യുന്നത്.
ഗ്രേറ്റ് ബനിയന് ട്രീ
ലോകത്തിലെ ഏറ്റവും വിസ്തൃതിയുള്ള ആല്മരം എന്ന റെക്കോര്ഡിനുടമയായ വൃക്ഷം നമ്മുടെ രാജ്യത്താണ് സ്ഥിതി ചെയ്യുന്നത്. കൊല്ക്കത്തയിലെ ആചാര്യ ജഗദീഷ് ചന്ദ്രബോസ് ബൊട്ടാണിക് ഗാര്ഡനിലാണിതുള്ളത്.