ബഹുമതികളും പ്രത്യേകതകളും ഒരുപാടുണ്ട് നമ്മുടെ നാട്ടിലെ വിമാനത്താവളങ്ങൾക്ക്. കേരളത്തിലെ ഏറ്റവും വലിയ വിമാനത്താവളമായ കണ്ണൂർ വിമാനത്താവളവും ലോകത്തിലെ തന്നെ ഏറ്റവും അപകടകാരിയായ കാശ്മീരിലെ ലേയിലെ കുശോക്ക് ബാക്കുല റിംപോച്ചീ എയർപോർട്ടും ഒക്കെ ചേരുന്നതാണ് ഇവിടുത്തെ കഥകൾ. അതിലും വലിയൊരു ബഹുമതിയുള്ള വേറൊരു വിമാനത്താവളമുണ്ട്. ലോകത്തിലെ ഏറ്റവും തിരക്കേറിയ സിംഗിള് റണ്വേ എയര്പോര്ട്ട് എന്ന ബഹുമതിയുള്ള മുംബൈ എയര്പോര്ട്ട്. എന്നാൽ ഈ പേരിലല്ല ഈ വിമാനത്താവളം ഇപ്പോള് വാർത്തകളിൽ നിറഞ്ഞു നിൽക്കുന്നത്. ദേശീയ വിനോദ സഞ്ചാര ദിനത്തിൽ ഇന്ത്യയിലെ ഏറ്റവും മികച്ച വിമാനത്താവളമായാണ് മുംബൈ ഛത്രപതി ശിവാജി അന്താരാഷ്ട്രവിമാനത്താവളത്തിനെ തിരഞ്ഞെടുത്തിരിക്കുന്നത്.
യാത്രികരെ രാജാക്കന്മാരെ പോലെ പരിഗണിക്കുന്ന ഒരിടമാണ് ഈ വിമാനത്താവളം. യാത്രക്കാർക്കു നല്കുന്ന സൗകര്യങ്ങളും അവരെ പരിഗണിക്കുന്ന രീതികളും ഒക്കെ പരിഗണിച്ചാണ് മിക്ക പുരസ്കാരങ്ങളും ഈ വിമാനത്താവളത്തെ തേടിയെത്തുന്നത്.
രണ്ട് ടെർമിനലുകൾ
രണ്ട് പാസഞ്ചർ ടെർമിനലുകളാണ് മുംബൈ അന്താരാഷ്ട്ര വിമാനത്താവളത്തിനുള്ളത്. ആഭ്യന്തര യാത്രകൾക്കുളള ടെർമിനൽ 1 സാന്റാക്രൂസയിലും ആഭ്യന്തര അന്താരാഷ്ട്ര യാത്രകൾക്ക് ഒരുപോലെ ഉപയോഗിക്കുന്ന ടെർമിനൽ 1 സഹാറിലുമാണുള്ളത്. രണ്ട് ടെർമിനലുകൾക്കും ഒരേ എയര്സ്ലൈഡ് സൗകര്യങ്ങളാണുള്ളത്.
ടെർമിനലുകൾക്ക് മാറ്റം
2019 ഒക്ടോബർ ഒന്നു മുതൽ മുംബൈ വിമാനത്താവളത്തിൽ കാര്യമായ മാറ്റങ്ങൾ നടക്കും. യാത്രക്കാരുടെ സൗകര്യത്തിനു വേണ്ടിയാണ് ടെർമിനൽ ചേഞ്ച് അടക്കമുള്ള മാറ്റങ്ങൾ നിലവിൽ വരുന്നത്. ബജറ്റ് കാരിയറായ സ്പൈസ് ജെറ്റിന്റെ എല്ലാ അന്താരാഷ്ട്ര, ആഭ്യന്തര സർവ്വീസുകളും ഒക്ടോബർ ഒന്നു മുതൽ ഛത്രപതി ശിവജി വിമാനത്താവളത്തിലെ ടെർമിനൽ രണ്ടിലേക്ക് പൂർണ്ണമായും മാറ്റും. ഇൻഡിഗോ, ഗോ എയർ എന്നിവയുടെ ആഭ്യന്തര സർവ്വീസുകൾ പൂർണ്ണമായും ടെർമിനൽ ഒന്നിലേക്കും അന്താരാഷ്ട്ര സർവ്വീസുകൾ ടെർമിനൽ രണ്ടിലേക്കും മാറ്റും.
PC: Sean D Silva
ഒരേ സമയം അയ്യായിരത്തിലധികം വാഹനങ്ങൾ
ഏറ്റവും തിരക്കേറിയ വിമാനത്താവളമായതുകൊണ്ടു തന്നെ അതിനനുസരിച്ചുള്ള സൗകര്യങ്ങളും ഇവിടെ ഒരുക്കിയിട്ടുണ്ട്. മൾട്ടി ലെവൽ കാർ പാർക്കിങ് രീതിയാണ് ഇവിടുത്തേത്. ഒരേ സമയത്ത് ഇവിടെ അയ്യായിരത്തിലധികം വാഹനങ്ങൾ പാർക്ക് ചെയ്യുവാൻ സാധിക്കും.
മുംബൈയിലെ മികച്ച ഷോപ്പിങ് ഡെസ്റ്റിനേഷനുകളിലൊന്നു കൂടിയാണ് ഈ അന്താരാഷ്ട്ര വിമാനത്താവളം. 21,000 സ്ക്വയർ മീറ്റർ വിസ്തൃതിയുണ്ട് ഇവിടുത്തെ റീട്ടെയിൽ സ്പേസിന്. നിരവധി ബ്രാൻഡഡ് കമ്പനികളുടെ ഷോപ്പുകൾ ഇവിടെയുണ്ട്.
ഏറ്റവും വലിയ കലാപ്രദർശനം
ലോകത്തിലെ തന്നെ ഏറ്റവും വലിയ കലാപ്രദർശനം ഒരുക്കിയിരിക്കുന്ന ഇടം കൂടിയാണ് മുംബൈ ഛത്രപതി അന്താരാഷ്ട്ര വിമാനത്താവളം. ഏകദേശം ആറായിരത്തിലധികം കലാസൃഷ്ടികളാണ് ഇവിടെ പ്രദർശിപ്പിച്ചിരിക്കുന്നത്.