വ്യത്യസ്തങ്ങളായ മ്യൂസിയങ്ങള് ഈ കാലത്തിന്റെ പ്രത്യേകതയാണ്. സെല്ഫി എടുക്കുവാന് വേണ്ടി മാത്രമുള്ള മ്യൂസിം മുതല് അമ്പരപ്പിക്കുന്ന ഒട്ടേറെതരം മ്യൂസിയങ്ങള് ലോകത്തിന്റെ വിവിധ ഭാഗങ്ങളില് കാണാം. ഈ ശ്രേണിയിലേക്ക് പുതിയതായി എത്തിയിരിക്കുന്ന താരം ഐസ്ക്രീമാണ്. ഐസ്ക്രീമിനും ഒരു മ്യൂസിയമോ എന്നു ചിന്തിക്കുന്നവര്ക്കു മുന്നില് അങ്ങനെയൊരു മ്യൂസിയം ഒരുക്കിക്കാണിച്ചിരിക്കുകയാണ് സിംഗപ്പൂര്.
കൊവിഡിനു ശേഷം രാജ്യത്തേയ്ക്ക് കൂടുതല് സഞ്ചാരികളെ ആകര്ഷിക്കുക എന്ന ലക്ഷ്യത്തിലാണ് സിംഗപ്പൂര് ടൂറിസം വകുപ്പ് പുത്തന് ആകര്ഷണം എന്ന നിലയില് ഐസ്ക്രീം മ്യൂസിയം തുടങ്ങിയിരിക്കുന്നത്.
ചിത്രങ്ങള്ക്ക് കടപ്പാട് : Museum of Ice Cream Singapore Unofficial Facebook Page
സമയം
ഐസ്ക്രീം മ്യൂസിയം ആഴ്ചയിൽ 4 ദിവസവും തുറന്നിരിക്കും. വ്യാഴം, വെള്ളി, ശനി, ഞായർ ദിവസങ്ങളിൽ പിങ്ക് മ്യൂസിയം സന്ദർശിക്കാം. രാവിലെ 10 മുതൽ രാത്രി 10 വരെ തുറന്നിരിക്കും.
ഐസ്ക്രീം മ്യൂസിയത്തിലേക്കുള്ള പ്രവേശന ടിക്കറ്റ് 36 ഡോളറിൽ ആണ് ആരംഭിക്കുന്നത് . നിലവിൽ 2 വയസ്സിന് താഴെയുള്ള കുട്ടികൾക്ക് സൗജന്യമായി പ്രവേശിക്കുവാനുള്ള സൗകര്യമുണ്ട്. മ്യൂസിയം ടിക്കറ്റുകൾ ഓൺലൈനായി ബുക്ക് ചെയ്യാം.
ഭക്ഷണവും പാനീയങ്ങളും ലഭിക്കുന്ന കഫേകളും റെസ്റ്റോറന്റുകളും ഇവിടെയുണ്ട് ഉണ്ട്.