അല്പം മധുരം ആസ്വദിച്ച് ഒരു സെല്ഫി ആയാലോ? അതിനെന്താ ഞങ്ങള് റെഡി എന്നായിരിക്കും ആരുടെയും ഉത്തരം... പറ്റിയാല് അല്പം മധുരവും അകത്താക്കാം... പറഞ്ഞു വരുന്നത് ഒരു പ്രത്യേക തരം മ്യൂസിയത്തെക്കുറിച്ചാണ്...കലയും പെയിന്റിഗും ചിത്രങ്ങളും ശില്പങ്ങളും ഒന്നുമല്ല.... ഇതൊരു സെല്ഫി മ്യൂസിയമാണ്. സെല്ഫി പ്രേമികള്ക്ക് ആഘോഷിച്ച് ചിത്രങ്ങളെടുക്കുവാനുള്ള ഒരു മ്യൂസിയം
കുതിരപ്പുറത്തു കയാറാം... ബാത്ത് ടബ്ബില് കിടക്കാം
വെറൈറ്റി എന്നു പറഞ്ഞാല് ഇവിടുത്തെ സെല്ഫികളാണ്. ഗ്ലാസില് വൈന് പകരുന്ന മുറി മുതല് ബാത്ത് ടബ്ബില് കിടന്നും കാറിനു മുകളില് കയറിയും ഡ്രൈവ് ചെയ്തും കുതിരപ്പുറത്തു കയറിയുമെല്ലാം ഇവിടെ സെല്ഫി എടുക്കാം.
വേണമെങ്കില് എടുത്തും തരും!
ഇത്രയും വലിയ ഇടത്തെത്തി സെല്ഫി എടുത്താല് ശരിയാവില്ല എന്നുള്ളവര്ക്ക് ഇവിടെ പ്രൊഫഷണല് ഫോട്ടോഗ്രാഫറുടെ സൗകര്യവും അധികൃതര് ഏര്പ്പാടാക്കിയിട്ടുണ്ട്.
സെല്ഫി എടുത്തു സമയം കളയുവാന് മാത്രമല്ല, മധുരം ആസ്വദിക്കുവാനും ഇവിടെ സൗകര്യമുണ്ട്. യഥാര്ത്ഥത്തില് ഇവിടുത്തെ ഒരു ബേക്കറിയുടെ ഭാഗമായാണ് ഇത് ഒരുക്കിയിരിക്കുന്നത്. വ്യത്യസ്ത രുചികളിലുള്ള കേക്കുകള്ക്കൊപ്പം കോഫിയും മറ്റു പലഹാരങ്ങളും ഇവിടെ ലഭിക്കും.
ലില്ല,ബല്ലാസ് എന്നീ രണ്ട് ആളുകള് ചേര്ന്നാണ് ഇത് നിര്മ്മിച്ചിരിക്കുന്നത്. . ഫ്ലമിംഗോ പ്ലഷികൾ മുതൽ പിങ്ക് നിറത്തിലുള്ള വാഴപ്പഴം വരെയുള്ള മനോഹരമായ വസ്തുക്കൾ കൊണ്ട് അലങ്കരിച്ച മുറികളാണ് മ്യൂസിയത്തിലുള്ളത്. ഒരു പാർട്ടി നടത്താൻ ആഗ്രഹിക്കുന്ന എല്ലാവർക്കും ബുക്കിംഗിനായി തുറന്നിരിക്കുന്നതിനാൽ നിങ്ങൾക്ക് ഇവിടെ ഒരു പാർട്ടി നടത്താൻ അവസരമുണ്ട്.