നല്ലതിനും ചീത്തയ്ക്കും നൻമയ്ക്കും തിൻമയ്ക്കും കൃത്യമായ നിർവ്വചനങ്ങളുള്ള ഒരു സമൂഹമാണ് നമ്മുടേത്.
നൻമയുടെ രൂപങ്ങളെയാണ് ക്ഷേത്രങ്ങളിൽ നമ്മൾ ആരാധിക്കുക. എവിടെ ആയാലും നൻമയെ പിന്തുടകുവാനാണ് നമ്മൾ ആഗ്രഹിക്കുന്നതും. ക്ഷേത്രങ്ങളുടെ കാര്യമെടുക്കുകയാണെങ്കിൽ അവ നിർമ്മിക്കുന്നതു തന്നെ നമുക്കു മാതൃകയാക്കുവനാും പ്രചേദനമുൾക്കൊള്ളുവാനും ആശ്രയിക്കാനുമൊക്കെ പറ്റിയ ഒരിടം എന്ന നിലയിലാണ്. അതിനാൽ അവിടെ നിന്നും നമുക്ക് ലഭിക്കുന്നതും നല്ല കാര്യങ്ങളായിരിക്കും. എന്നാൽ ഇതിൽ നിന്നെല്ലാം വളരെ വ്യത്യസ്തമായ വിചിത്രമായ ചില ക്ഷേത്രങ്ങളുണ്ട്. പുരാണങ്ങളിലും മറ്റും ദുഷ്ടശക്തികളായി കണക്കാക്കുന്ന ചിലരെ ആരാധിക്കുന്ന ഇടങ്ങൾ. വേണമെങ്കിൽ തിൻമയെ ആരാധിക്കുന്ന ക്ഷേത്രങ്ങൾ എന്നും പറയാം. പുരാണങ്ങളെലെ സൂപ്പർ കൂൾ വില്ലൻമാരെ ആരാധിക്കുന്ന ക്ഷേത്രങ്ങളെപ്പറ്റി കൂടുതലറിയാം...
നാടന് കലാരൂപങ്ങള് അരങ്ങേറുന്ന മലക്കുട മഹോത്സവം നാട്ടുകാര്ക്കിടയില് ഏറെ പ്രശസ്തമായ ആഘോഷമാണ്. ആയിരക്കണക്കിന് ആളുകളാണ് ഇതില് പങ്കെടുക്കാനായി ഇവിടെ എത്തുന്നത്. മീനമാസത്തിലെ ആദ്യ വെള്ളിയാഴ്ചയാണ് ഉത്സവത്തിന് കൊടിയേറുന്നത്. എടുപ്പുകുതിരയും കാളയും മലനടയപ്പൂപ്പന്റെ അനുഗ്രഹത്തിനായി കാത്തു നില്ക്കുന്നത് കാണാന് നിരവധി ആളുകള് എത്താറുണ്ട്.
കൊല്ലം ജില്ലയിലെ പോരുവഴി പഞ്ചായത്തിലാണ് പോരിവഴി പെരുവിരുത്തി മലനട ക്ഷേത്രം സ്ഥിതി ചെയ്യുന്നത്. ചെങ്ങന്നൂര് റെയില് വേ സ്റ്റേഷനില് നിന്നും പത്തനംതിട്ട അടൂരിലേക്കോ കൊല്ലം ചക്കുവള്ളിയിലേക്കോ ബസ് കയറുക. ഇവിടെ നിന്ന് മലനടയിലേക്ക് ബസ് ഉള്പ്പെടെയുള്ള സൗകര്യങ്ങള് ലഭ്യമാണ്. 17 കിലോമീറ്റര് അകലെയുള്ള കരുനാഗപ്പള്ളിയാണ് ഏറ്റവും അടുത്തുള്ള റെയില്വേ സ്റ്റേഷന്.
ശകുനി ക്ഷേത്രം, കൊല്ലം
മഹാഭാരതത്തിലെ ഏറ്റവും കുടിലബുദ്ധിക്കാരനും കുശാഗ്രനുമായ ആളാണ് ശകുനി. അദ്ദേഹത്തെ ആരാധിക്കുന്ന ക്ഷേത്രവും നമ്മുടെ നാട്ടിലുണ്ട്. കൊല്ലം ജില്ലയിലെ കൊട്ടാരക്കര താലൂക്കിലെ പവിത്രേശ്വരം എന്ന സ്ഥലത്ത് സ്ഥിതി ചെയ്യുന്ന മായംകോട്ട് മലഞ്ചരുവ് മലനട ക്ഷേത്രമാണ് ഇന്ത്യയിലെ തന്നെ ഏക ശകുനി ക്ഷേത്രം. ഈ സ്ഥലത്ത് വച്ചാണ് ശകുനി പരമശിവനിൽ നിന്ന് മോക്ഷം നേടിയതെന്നാണ് വിശ്വാസം. ഈ ക്ഷേത്രത്തിന് അകത്തായി വലിയ ഒരു കരിങ്കല്ല് കാണാം. ഈ കരിങ്കല്ലിൽ തപസ്സിരുന്നാണ് ശകുനി ശിവനെ പ്രസാദിപ്പിച്ചതെന്നാണ് വിശ്വാസം.
കുറവർ സമുദായത്തിൽ പെട്ട ആളുകളാണ് ഇവിടെ ശകുനിയെ ആരാധിക്കുന്നത്. എന്നാൽ പ്രത്യേകമായി യാതൊരു വിധ പൂജകളും ഇവിടെ നടക്കാറില്ല എന്താണ് മറ്റൊരു പ്രത്യേകത,. ഇത്രയും ദുഷ്ട കഥാപാത്രമായിരുന്നിട്ടും ശകുനിയെ ആരാധിക്കുന്നതിന് ഇവർക്ക് വ്യക്തമായ കാരണങ്ങൾ പറയുവാനുണ്ട്. ശകുനി ദുഷ്ടൻ അല്ലെന്നും അദ്ദേഹത്തിൻറെ സാഹചര്യങ്ങളുടെ സമ്മർദ്ദം മൂലമാണ് ഇതൊക്കെ ചെയ്യേണ്ടി വന്നതെന്നുമാണ് അവർ വിശ്വസിക്കുന്നത്.
കയറിന്റെയും കശുവണ്ടിയുടെയും നഗരം എന്നാണ് കൊല്ലം അറിയപ്പെടുന്നത്. അഷ്ടമുടിക്കായലിനോട് ചേർന്നു കിടക്കുന്ന ഇവിടം സാംസ്കാരിക കേരളത്തിന് ഒരുപാടു സംഭാവനകൾ നല്കിയിട്ടുള്ള ഇടമാണ്. അഷ്ടമുടിക്കായല്, മണ്റോതുരുത്ത്, നീണ്ടകര തുറമുഖം, ആലുംകടവ് ബോട്ട് ബില്ഡിംഗ് യാര്ഡ്, ശാസ്താംകോട്ട കായല്, രാമേശ്വരക്ഷേത്രം, അച്ചന്കോവില്, മയ്യനാട്, അമൃതാനന്ദമയിയുടെ ആശ്രമമായ അമൃതപുരിആര്യങ്കാവ്, ചവറ, കൊട്ടാരക്കര, ഓച്ചിറ, കരുനാഗപ്പള്ളി എന്നിവയാണ് ഇവിടുത്തെ പ്രധാനപ്പെട്ട ഇടങ്ങൾ.