നാഗലാൻഡിന്റെ തലസ്ഥാനമായ കൊഹിമയിലെ നാഗ ബസാറിനേക്കുറിച്ച് നിങ്ങൾ കേട്ടിട്ടുണ്ടാകും. ലോക്കൽ മാർക്കറ്റ് എന്ന് കൂടി അറിയപ്പെടുന്ന ഈ മാർക്കറ്റിന് കൊഹിമ പട്ടണത്തിന്റെ അത്രയും തന്നെ പഴക്കമുണ്ട്. നിങ്ങൾ കണ്ടാൽ ആശ്ചര്യപ്പെടുന്ന വിവിധ തരത്തിലുള്ള ജീവജാലങ്ങളെ ഇവിടെ വാങ്ങാൻ കിട്ടും. ഈയലും ചീവീടും ചിലന്തിയുമൊക്കെ അതിൽ ഉൾപ്പെടും.
നോർത്ത് ഈസ്റ്റിലെ മറ്റ് ഗോത്രക്കാരിൽ നിന്ന് വളരെ വ്യത്യസ്തരാണ് നാഗാലാൻഡിലെ ഗോത്രവർഗക്കാർ. പട്ടി ഇറച്ചിയും പന്നി ഇറച്ചിയുമാണ് ഇവിടുത്തെ പ്രധാന ഇറച്ചികൾ. ഇവയ്ക്ക് പുറമേ മത്സ്യം, പരമ്പരാഗത നാഗ ഉപകരണങ്ങള്, പുരാവസ്തുക്കള് എന്നിവയും ഇവിടെ വില്പ്പനയ്ക്കെത്തുന്നുണ്ട്.
ഈ മാർക്കറ്റിലൂടെ നടന്നാല് ഇവിടുത്തെ നാട്ടുകാരുമായി ഇടപഴകാനും അവരുടെ ജീവിത ശൈലികള് മനസ്സിലാകാകാനും കഴിയും. മറ്റ് ഗോത്രസംസ്ഥാനങ്ങളിലെ ദിവസേനയുള്ള വിപണികളിലേ പോലെ പരമ്പരാഗത വസ്ത്രങ്ങള് ധരിച്ച് സാധനങ്ങള് വില്ക്കാനെത്തുന്ന സ്ത്രീകളെ ഇവിടെയും കാണാം. ഈ നാഗബസാറുകള് ആധുനിക വ്യാപാരസ്ഥലങ്ങളായി സാവധാനം മാറി കൊണ്ടിരിക്കുകയാണ്.
നാഗാലാന്ഡിലെ ഗോത്രഗ്രാമങ്ങള്
ഗോത്ര ജീവിതങ്ങള് കാണാന് ഒരു യാത്ര