» »ഒന്‍പതിനായിരം അടി മുകളിലെ ആപ്പിള്‍ഗ്രാമം

ഒന്‍പതിനായിരം അടി മുകളിലെ ആപ്പിള്‍ഗ്രാമം

Written By: Elizabath

പത്തും നൂറും ആയിരവുമല്ല...ഒന്‍പതിനായിരം അടി മുകളിലുള്ള ഒരു ഗ്രാമം..ഇവിടുത്തെ ഏറ്റവും സ്‌പെഷ്യല്‍ ഐറ്റമാണ് കൊതിപ്പിക്കുന്ന ആപ്പിളുകള്‍. എന്നാല്‍ അതു മാത്രമല്ല നര്‍ക്കാണ്ട എന്ന ഈ ഗ്രാമത്തിന്റെ പ്രത്യേകത. സഞ്ചാരികളും സാഹസികരും തേടിയെത്തുന്ന ഇവിടം മഞ്ഞുകാല വിനോദങ്ങള്‍ക്കും പേരുകേട്ടയിടമാണ്.

പ്രകൃതി സൗന്ദര്യവും ആപ്പിള്‍ തോട്ടങ്ങളും

പ്രകൃതി സൗന്ദര്യവും ആപ്പിള്‍ തോട്ടങ്ങളും

ഹിമാചല്‍ പ്രദേശിലെ പ്രകൃതിസൗന്ദര്യവും യാത്രയും ആപ്പിള്‍ തോട്ടങ്ങളുടെ മനോഹാരിതയും ആസ്വദിക്കാനെത്തുന്നവരാണ് ഇവിടെ എത്തിച്ചേരുന്നവരില്‍ അധികവും. കൂടാതെ സ്‌കീയിങ്ങിനു പറ്റിയ സ്ഥലം കൂടിയാണിത്.

PC: Maseltov

ഹിമാചലിലെത്തുന്നവരുടെ ശ്രദ്ധയ്ക്ക്

ഹിമാചലിലെത്തുന്നവരുടെ ശ്രദ്ധയ്ക്ക്

എപ്പോഴെങ്കിലും ഹിമാചല്‍ പ്രദേശിലോ പരിസരങ്ങളിലോ പോകുവാന്‍ അവസരം ലഭിക്കുന്നവര്‍ തീര്‍ച്ചയായും സന്ദര്‍ശിച്ചിരിക്കേണ്ട സ്ഥലങ്ങളിലൊന്നുകൂടിയാണിത്. മഞ്ഞുപുതച്ചു കിടക്കുന്ന ഹിമാലയന്‍ കൊടുമുടികളുടെ മറ്റെവിടെയും കാണാത്ത കാഴ്ചയും നര്‍ക്കാണ്ടയുടെ മാത്രം പ്രത്യേകതയാണ്.

PC: Unknown

തിരക്കുകളില്‍ നിന്നും രക്ഷപെട്ടെത്തുന്നവരുടെ സ്വര്‍ഗ്ഗം

തിരക്കുകളില്‍ നിന്നും രക്ഷപെട്ടെത്തുന്നവരുടെ സ്വര്‍ഗ്ഗം

നഗരത്തിന്റെ തിരക്കുകളില്‍ നിന്നും രക്ഷപെട്ട് പ്രകൃതിയില്‍ അലിഞ്ഞിരിക്കാന്‍ ആഗ്രഹിക്കുന്നവര്‍ക്ക് കണ്ണുംപൂട്ടി തിരഞ്ഞെടുക്കാന്‍ പറ്റിയ സ്ഥലങ്ങളിലൊന്നുംകൂടിയാണിത്.

PC:Gv3101992

കാട്ടിലൂടെ നടക്കാം

കാട്ടിലൂടെ നടക്കാം

നാലുഭാഗവും തിങ്ങിനിറഞ്ഞു നില്‍ക്കുന്ന കൊടുംകാടുകളും നര്‍ക്കാണ്ടയുടെ പ്രത്യേകതയാണ്. കാടിന്റെ ചെരിവുകളിലെ ഒറ്റടയിപ്പാതയിലൂടെ നടക്കുന്ന ടൂറിസ്റ്റുകള്‍ ഇവിടുത്തെ സ്ഥിരം കാഴ്ചയാണ്.

PC:ajari

ഹട്ടുപീക്ക്

ഹട്ടുപീക്ക്

നര്‍ക്കാണ്ടയിലെ ഏറ്റവും ഉയരംകൂടിയ സ്ഥലമാണ് ഹട്ടുപീക്ക്. മഞ്ഞുമൂടിയ പര്‍വ്വതങ്ങളുടെ മനോഹരമായ കാഴ്ച ഇവിടെനിന്നും ലഭ്യമാണ്. ഹിമാചലിലെ രണ്ടാമത്തെ വലിയ കൊടുമുടിയും ഇതുതന്നെയാണ്. ഷിംലയില്‍ നിന്നും 71 കിലോമീറ്ററും നര്‍ക്കമ്ടയില്‍ നിന്ന് എട്ടു കിലോമീറ്ററും അകലെയാണിത് സ്ഥിതി ചെയ്യുന്നത്.

PC:Chirag85

ഹട്ടു ക്ഷേത്രം

ഹട്ടു ക്ഷേത്രം

ഹട്ടു പീക്കിന്റെ മുകളിലായി സ്ഥിതി ചെയ്യുന്ന തടിയില്‍ തീര്‍ത്തിരിക്കുന്ന ചെറിയ ക്ഷേത്രമാണ് ഹട്ടു ക്ഷേത്രം. രാവണന്റെ ഭാര്യയായ മണ്ഡോദരിയെയാണ് ഇവിടെ ആരാധിക്കുന്നതെന്നാണ് വിശ്വാസം. വനവാസക്കാലത്ത് പാണ്ഡവര്‍ ഇവിടെ നിന്ന് ഭക്ഷണം പാചകം ചെയ്തിരുന്നുവെന്നും പ്രാദേശികമായ വിശ്വാസങ്ങളുണ്ട്.

PC:Chirag85

സ്‌കീയിങ്ങ്

സ്‌കീയിങ്ങ്

ഇന്ത്യയിലെ മികച്ച സ്‌കീയിങ് കേന്ദ്രങ്ങളിലൊന്നാണ് നര്‍ക്കാണ്ടയിലേത്. ശൈത്യകാലങ്ങളില്‍ സ്‌കീയിങ്ങിനായി ധാരാളം ആളുകള്‍ ഇവിടെ എത്താറുണ്ട്.

PC:Méribel

സാഹസികര്‍ക്ക് ധൈര്യമായി പോകാം

സാഹസികര്‍ക്ക് ധൈര്യമായി പോകാം

സാഹസികരെ സംബന്ധിച്ചെടുത്തോളം അവരുടെ സാഹസികത എല്ലാം പുറത്തെടുത്ത് ആസ്വദിച്ച് പോകാന്‍ പറ്റിയ ഇടം കൂടിയാണിത്.

PC:Alok Kumar

എത്തിച്ചേരാന്‍

എത്തിച്ചേരാന്‍

ഹിമാചല്‍പ്രദേശിന്റെ തലസ്ഥാനമായ ഷിംലയില്‍ നിന്നും 65 കിലോമീറ്റര്‍ അകലെ ശൈവാലിക് മലനിരകളിലാണ് നര്‍ക്കാണ്ട സ്ഥിതി ചെയ്യുന്നത്. ഷിംലയില്‍ നിന്നും 60 കിലോമീറ്റര്‍ അകലെയുള്ള കല്‍ക്ക റെയില്‍വേ സ്‌റ്റേഷനാണ് നര്‍ക്കാണ്ടയ്ക്ക് ഏറ്റവും അടുത്തുള്ള റെയില്‍വേ സ്‌റ്റേഷന്‍.

Please Wait while comments are loading...