ദ്വീപ് കാഴ്ചകളുടെ ആനന്ദവും ആഘോഷവും പരിധിയും പരിമിതിയുമില്ലാതെ ആഘോഷിക്കുവാന് പറ്റുന്ന ഏറ്റവും മികച്ച ഇടങ്ങളിലൊന്നാണ് ലക്ഷദ്വീപ് (Lakshadweep)! എത്തിപ്പെടുവാന് കുറച്ച് നൂലാമാലകളുണ്ടെങ്കിലും അതൊഴിച്ച് നിര്ത്തിയാല് ലക്ഷദ്വീപിന് പകരം വയ്ക്കുവാന് മറ്റൊരിടമില്ല. പുതുവര്ഷാഘോഷങ്ങള് വ്യത്യസ്തമായി സെലിബ്രേറ്റ് ചെയ്യുവാനാണ് പരിപാടിയെങ്കില് അതിനും ലക്ഷദ്വീപ് നിങ്ങളെ സഹായിക്കും. യാത്രാ ലിസ്റ്റില് ന്യൂഇയര് പ്ലാനിലേക്കായി ലക്ഷദ്വീപിനെ ഉള്പ്പെടുത്തുമ്പോള് എന്തൊക്കെ ചെയ്യണം എന്നു നോക്കാം
കാഴ്ചകള് കാണാം
ലക്ഷദ്വീപ് എന്നു കേള്ക്കുമ്പോള് തന്നെ മനസ്സിലെത്തുന്ന കാഴ്ചകള് നേരിട്ടനുഭവിക്കുവാന് മറക്കാതെ മിനിക്കോയ് ദ്വീപിലേക്ക് പോകാം. ഏറ്റവും മനോഹരമായ കുറേയധികം അനുഭവങ്ങളും കാഴ്ചകളും ഇവിടെ നിന്നു ലഭിക്കാം. ലൈറ്റ് ഹൗസും അതിന്റെ പശ്ചാത്തലത്തിലെ കടല്ക്കാഴ്ചകളും വളരെ ആകര്ഷണീയമാണ്.
PC:Shagil Kannur
എളുപ്പത്തിലെത്താം
കേരളത്തില് നിന്നും വളരെ എളുപ്പത്തില് ലക്ഷദ്വീപിലെത്താം. കൊച്ചിയില് നിന്നും ലക്ഷദ്വീപിലേക്ക് ഫ്ലൈറ്റുകള് ലഭ്യമാണ്. വെറും ഒന്നര മണിക്കൂറില് കൊച്ചിയില് നിന്നും ദ്വീപിലെത്താം. മഞ്ഞുകാലത്ത് അഗത്തിയിൽ നിന്ന് കവരത്തിയിലേക്കും കടമത്തിലേക്കും ബോട്ടുകൾ ലഭ്യമാണ്. കൊച്ചിയിൽ നിന്ന് ലക്ഷദ്വീപിലേക്ക് ാത്രാ കപ്പലുകള് വഴിയും എത്തിച്ചേരാം. ആകെ ഏഴ് പാസഞ്ചർ കപ്പലുകൾ ആണ് ഇവിടെ സര്വ്വീസ് നടത്തുന്നത്
PC:Julio