കൊവിഡിന്റെ പുതിയ വകഭേദമായ ഒമൈക്രോണ് ചെറുതല്ലാത്ത ഭീഷണിയാണ് ലോകരാജ്യങ്ങള്ക്കു മുന്നില് ഉയര്ത്തുന്നത്. എന്നിരുന്നാലും കൊവിഡ് കാലം പഠിപ്പിച്ച മുന്കരുതലുകളും സുരക്ഷാ നടപടികകളും ഒപ്പം യാത്രാ വിലക്കുകളും ഉള്പ്പെടെ ചെറുതല്ലാത്ത കരുതലുകള് എല്ലായിടത്തും ഉറപ്പുവരുത്തിയിട്ടുണ്ട്. യാത്രാ വിലക്കുകള് പൂര്ണ്ണമായും നിലവില് വന്നിട്ടില്ലെങ്കിലും മിക്ക രാജ്യങ്ങളും യാത്രകളില് പല നിയന്ത്രണങ്ങളും കൊണ്ടുവരികയും അന്താരാഷ്ട്ര യാത്രകള് കൃത്യമായ മുന്കരുതലുകളുടെ അടിസ്ഥാനത്തിലാക്കി മാറ്റുകയും ചെയ്തിട്ടുണ്ട്.
ഒമൈക്രോൺ; യാത്രക്കാർക്കുള്ള യാത്രാ മാർഗനിർദേശങ്ങൾ പുതുക്കി സംസ്ഥാനങ്ങൾ
ആഫ്രിക്കയിലെ ബോട്സ്വാനയിൽ ആദ്യമായി കണ്ടെത്തിയ വേരിയന്റ് ഇപ്പോൾ ഇന്ത്യ ഉൾപ്പെടെ 40 രാജ്യങ്ങളിൽ എത്തിയിട്ടുണ്ട്. മഹാരാഷ്ട്ര, രാജസ്ഥാൻ, ഡൽഹി, കർണാടക എന്നിവയുൾപ്പെടെ വിവിധ സംസ്ഥാനങ്ങളിൽ ഇതുവരെ 21 ഒമിക്റോണ കേസുകൾ ഇന്ത്യയിൽ റിപ്പോർട്ട് ചെയ്തിട്ടുണ്ട്. ഈ സാഹചര്യത്തില് യാത്ര ചെയ്യുമ്പോള് ശ്രദ്ധിക്കേണ്ട കാര്യങ്ങളെക്കുറിച്ചും എടുക്കേണ്ട മുന്കരുതലുകളെക്കുറിച്ചും വിശദമായി വായിക്കാം....
സാമൂഹീകാകലം പാലിക്കാം
രോഗവ്യാപനം തടയുന്നതിനുള്ള മറ്റൊരു വഴി എന്നത് സാമൂഹീകാകലം പാലിക്കുക എന്നതാണ്. തിരക്കേറിയ പൊതുസ്ഥലങ്ങളിൽ പോകുന്നത് കഴിവതും ഒഴിവാക്കുക. ലോകത്ത് ഒമൈക്രോണുകളുടെ എണ്ണം വർദ്ധിച്ചുകൊണ്ടിരിക്കുന്ന സാഹചര്യത്തിൽ സാമൂഹിക അകലം പാലിക്കേണ്ടത് അത്യാവശ്യമാണ്. പടരാനുള്ള സാധ്യത ഒഴിവാക്കാൻ എയർകണ്ടീഷൻ ചെയ്ത സ്ഥലങ്ങളും ഒഴിവാക്കുക. നന്നായി വായുസഞ്ചാരമുള്ള സ്ഥലത്തോ തുറസ്സായ സ്ഥലത്തോ ആണെന്ന് ഉറപ്പാക്കുക.