Search
  • Follow NativePlanet
Share
» »1500 അടി താഴ്ചയില്‍ സൂര്യപ്രകാശം പോലും എത്തിച്ചേരുവാന്‍ ബുദ്ധിമുട്ടുള്ള പാതാള ലോകം...ഭൂമിക്കടിയിലേക്കുള്ള വഴി!

1500 അടി താഴ്ചയില്‍ സൂര്യപ്രകാശം പോലും എത്തിച്ചേരുവാന്‍ ബുദ്ധിമുട്ടുള്ള പാതാള ലോകം...ഭൂമിക്കടിയിലേക്കുള്ള വഴി!

ഭൂമിയിൽ നിന്ന് 3000 മീറ്റർ താഴെ സ്ഥിതി ചെയ്യുന്ന ഒരു കൂട്ടം ഗ്രാമങ്ങള്‍... ഇതാ ഇന്ത്യയിലെ പാതാളലോകത്തിന്റെ വിശേഷങ്ങള്‍

ഇന്ത്യന്‍ വിശ്വാസങ്ങള്‍ അനുസരിച്ച് പാതാളലോകമെന്നാല്‍ ഭൂമിക്കടിയിലുള്ള ലോകമാണ്. പാതാളത്തില്‍ നിന്നും ഓരോ വര്‍ഷവും ഭൂമിക്ക് മുകളിലെത്തി തന്റെ പ്രജകളെ കാണുവാനെത്തുന്ന മഹാബലിയെ നമുക്ക് അറിയാമല്ലോ... എന്നാല്‍ വിശേഷം അതല്ല, യഥാര്‍ത്ഥത്തില്‍ വേറൊരു പാതാളലോകം നമ്മുടെ രാജ്യത്തു തന്നെയുണ്ടത്രെ! ഭൂമിയിൽ നിന്ന് 3000 മീറ്റർ താഴെ സ്ഥിതി ചെയ്യുന്ന ഒരു കൂട്ടം ഗ്രാമങ്ങള്‍... ഇതാ ഇന്ത്യയിലെ പാതാളലോകത്തിന്റെ വിശേഷങ്ങള്‍

ഇന്ത്യയിലെ പാതാളലോകം

ഇന്ത്യയിലെ പാതാളലോകം

മധ്യപ്രദേശിലെ ചിന്ദ്വാര ജില്ലയിൽ ആണ് ഈ പാതാളലോകം സ്ഥിതി ചെയ്യുന്നത്. 12 ഗ്രാമങ്ങള്‍ ചേര്‍ന്നു സ്ഥിതി ചെയ്യുന്ന ഇത് ഭൂമിയില്‍ നിന്നും ഏകദേശം മൂവായിരം മീറ്ററ്‍ താഴെയാണ്. സൂര്യപ്രകാശം പോലും കഷ്ടപ്പെട്ട് മാത്രമേ ഇവിടെ എത്തുകയുള്ളുവെന്നാണ് പറയപ്പെടുന്നത്. ചിന്ദ്വാര ജില്ലയിലെ താമിയ തഹ്‌സിലിലെ ഒരു താഴ്‌വരയാണ് ഈ പ്രദേശം. ചിന്ദ്വാര ജില്ലാ ആസ്ഥാനത്ത് നിന്ന് 78 കിലോമീറ്റർ അകലെയാണ് ഇവിടമുള്ളത്.

PC: MP Tourism

ഗോത്രസംസ്കാരവും ഔഷധങ്ങളും

ഗോത്രസംസ്കാരവും ഔഷധങ്ങളും

ഈ 12 ഗ്രാമങ്ങൾ സ്ഥിതി ചെയ്യുന്ന സ്ഥലം പതാൽകോട്ട് എന്നറിയപ്പെടുന്നു.ഗോത്ര സംസ്‌കാരത്തിന്റെയും അതിവിശിഷ്ടമായ ഔഷധ സമ്പത്തിന്റെയും ആസ്ഥാനമായാണ് ഇവിടം അറിയപ്പെടുന്നത്. ഭൂരിയ ഗോത്രത്തിൽ താമസിക്കുന്നവരാണ് കൂടുതലും ഇവിടുത്തെ കുടിലുകളിൽ താമസിക്കുന്നത്.
PC:Rohkya

ഐതിഹ്യങ്ങള്‍ ഇങ്ങനെ

ഐതിഹ്യങ്ങള്‍ ഇങ്ങനെ

ഹിന്ദു വിശ്വാസമനുസരിച്ച് സീതാ ദേവി ഭൂമിക്കടിയിലേക്ക് ഇറങ്ങിയ സ്ഥലമാണിതെന്നാണ് ഒരു വിശ്വാസം. മറ്റൊരു വിശ്വാസം അനുസരിച്ച് രാവണന്‍റെ ചങ്ങലകളില്‍ നിന്നും ശ്രീരാമനെയും ലക്ഷ്മണനെയും രക്ഷിക്കാൻ ഈ പ്രദേശത്തിലൂടെ ആണത്രെ ഹനുമാന്‍ പാതാളത്തിലേക്ക് പ്രവേശിച്ചത്.രാവണന്റെ പുത്രനായ മേഘനാദ രാജകുമാരൻ ശിവനെ ആരാധിച്ചതിന് ശേഷം ഈ സ്ഥലത്തിലൂടെ മാത്രമാണ് പാതാളത്തിലേക്ക് പോയതെന്ന് ഒരു വിശ്വാസമുണ്ട്

ചരിത്രത്തിലൂടെ

ചരിത്രത്തിലൂടെ

18-ഉം 19-ഉം നൂറ്റാണ്ടുകളിൽ ഭോൺസ്ലെ രാജാക്കന്മാർ ഈ പ്രദേശം ഭരിച്ചിരുന്നതായും ഹോഷംഗബാദ് ജില്ലയിലെ പച്മറിയുമായി ഈ സ്ഥലത്തെ ബന്ധിപ്പിക്കുന്ന ഒരു നീണ്ട തുരങ്കം ഉണ്ടായിരുന്നുവെന്നും ആളുകൾ പറയുന്നു. ബ്രിട്ടീഷ് സൈന്യത്തോട് പരാജയപ്പെട്ട ഭോൺസ്ലെ രാജാവ് ഈ സ്ഥലം ഒളിക്കാൻ അനുയോജ്യമാണെന്ന് കണ്ടെത്തി, പതൽകോട്ട് വനത്തിലേക്ക് ആഴത്തിൽ പോയി. പാടൽകോട്ടിലെ രാജാഖോ എന്നാണ് പ്രദേശത്തിന്റെ പേര്. പരമ്പരാഗതമായി, ഈ സ്ഥലം പാതാളത്തിലേക്കുള്ള പ്രവേശന കവാടമാണെന്ന് വിശ്വസിക്കപ്പെടുന്നു. ഈ താഴ്‌വരയ്ക്ക് വളരെക്കാലമായി പുറംലോകവുമായി യാതൊരു ബന്ധമുമില്ലായിരുന്നു.

പാതാള്‍കോട്ടും വിനോദ സഞ്ചാരവും

പാതാള്‍കോട്ടും വിനോദ സഞ്ചാരവും

കഴിഞ്ഞ കുറച്ചു കാലങ്ങളായി പാതാള്‍കോട്ടിനെ ഒരു കോട്ടിനെ ഒരു ഇക്കോ-ടൂറിസം ഡെസ്റ്റിനേഷനാക്കി മാറ്റാൻ ഉള്ള ശ്രമങ്ങള്‍ നടക്കുന്നുണ്ട്. മണ്‍സൂണ്‍ കാലമാണ് ഇവിടം സന്ദര്‍ശിക്കുവാന്‍ ഏറ്റവും യോജിച്ചത്. ടൂറിസം മാർക്കറ്റിംഗ് പ്രാദേശിക പ്രകൃതിയിലും ആദിവാസി സംസ്കാര ബന്ധങ്ങളിലും ശ്രദ്ധ കേന്ദ്രീകരിക്കുന്നു. തങ്ങളുടേതായ വിശ്വാസങ്ങളും പാരമ്പര്യങ്ങളും കാത്തുസൂക്ഷിക്കുന്നതിന് വളരെ പ്രാധാന്യം നല്കുന്നവരാണ് ഇവിടുത്തെ ഗോത്രവിഭാഗക്കാര്‍. തദ്ദേശീയ സമൂഹങ്ങളുടെ പങ്കാളിത്തത്തോടെ പാതാൽകോട്ട് ഇക്കോടൂറിസത്തിന്റെ മാതൃക വളര്‍ത്തിയെടുക്കുവാനാണ് ഇവിടെ ശ്രമിക്കുന്നത്.

സത്പുഡ അഡ്വഞ്ച്ര്‍ സ്പോര്‍ട്സ് ഫെസ്റ്റിവല്‍

സത്പുഡ അഡ്വഞ്ച്ര്‍ സ്പോര്‍ട്സ് ഫെസ്റ്റിവല്‍

പാരാസെയിലിംഗ്, പാരാഗ്ലൈഡിംഗ്, റോക്ക് ക്ലൈംബിംഗ്, ട്രക്കിംഗ്, പക്ഷി നിരീക്ഷണം, ജല കായിക വിനോദങ്ങൾ തുടങ്ങിയ സാഹസിക പ്രവർത്തനങ്ങളിൽ. എല്ലാ വർഷവും ഒക്ടോബർ മാസത്തിൽ സത്പുഡ അഡ്വഞ്ചർ സ്പോർട്സ് ഫെസ്റ്റിവൽ സംഘടിപ്പിക്കാറുണ്ട്. ഇവിടുത്തെ ഗോത്രവിഭാഗത്തില്‍ പെട്ട യുവാക്കള്‍ക്ക് ഇതുസംബന്ധിച്ച പരിശീലനം നല്കിയാണ് പദ്ധതി നടപ്പിലാക്കുന്നത്.

സൂര്യപ്രകാശം എത്തിച്ചേരാത്ത ഇടം

സൂര്യപ്രകാശം എത്തിച്ചേരാത്ത ഇടം

വിവിധ ഇനം മൃഗങ്ങളുടെയും പക്ഷികളുടെയും ആവാസ കേന്ദ്രമാണ് ഈ താഴ്വര. താഴ്‌വരയുടെ മുകൾഭാഗം 1200-1500 അടി വരെ ഉയരത്തിലാണ് മുകളില്‍ നിന്നു നോക്കിയാൽ താഴത്തെ ഭൂപ്രദേശം ഒരു കുതിരപ്പടയുടെ ആകൃതിയിൽ കാണപ്പെടുന്നു.
ഇവിടുത്തെ നിവാസികളുടെ ഏക ജലസ്രോതസ്സായി ദൂധി നദി വർത്തിക്കുന്നു, കൗതുകകരമെന്നു പറയട്ടെ, ഈ താഴ്‌വരയുടെ ആഴത്തിൽ അധികം സൂര്യപ്രകാശം എത്താത്തതിനാൽ, ഉച്ചയ്ക്ക് ശേഷം പ്രദേശം മുഴുവൻ ഇരുണ്ടതായി മാറുന്നു.

8. ആളുകള്‍

ആളുകള്‍

ആളുകള്‍

താഴ്‌വരയിൽ 2012 (1017 പുരുഷന്മാരും 995 സ്ത്രീകളും) ആകെ 12 ഗ്രാമങ്ങളും 13 കുഗ്രാമങ്ങളുമുണ്ട്. ഈ ഗ്രാമങ്ങൾ 2-3 കിലോമീറ്റർ ദൂരത്തിലാണ് സ്ഥിതി ചെയ്യുന്നത്. താഴ്‌വരയിലെ പ്രധാന ഗ്രാമങ്ങൾ ഇവയാണ്: റേറ്റഡ്, ചിംതിപൂർ, ഗുജ്ജ ഡോംഗ്രി, സഹ്‌റ പച്ച്‌ഗോൾ, ഹര-കാ-ചാർ, സുഖഭണ്ഡ്, ധുർണി മൽനി, ജീറാം, പളനി ഗെയിൽദുബ്ബ, ഘട്‌ലിംഗ, ഗുഡിഛത്രി, ഗെയ്ൽദുബ്ബ, കരേയം, ഘാന മുതലായവ.

പുറംലോകവുമായി അധികം സമ്പർക്കം പുലർത്താൻ പാടൽകോട്ടിലെ ജനങ്ങൾ ഇഷ്ടപ്പെടുന്നില്ല എന്നത് ശ്രദ്ധിക്കേണ്ടതാണ്. സ്വന്തമായി ഭക്ഷണം വിളയിക്കുന്നതിനാൽ അവർ സ്വയം പര്യാപ്തരാണ്. ഉപ്പ് വാങ്ങാൻ മാത്രമാണ് അവർ ഗ്രാമത്തിൽ നിന്ന് ഇറങ്ങുന്നത്. ഈ ഗ്രാമങ്ങൾ മുമ്പ് പുറം ലോകവുമായി പൂർണ്ണമായും വിച്ഛേദിക്കപ്പെട്ടിരുന്നു, ഈ ഗ്രാമങ്ങളിൽ ചിലത് റോഡ് മാർഗം ബന്ധിപ്പിച്ചത് അടുത്തിടെയാണ്.

കൊവിഡും പാതാള്‍കോട്ടും

കൊവിഡും പാതാള്‍കോട്ടും

കൊവിഡ് വൈറസ് ലോകമെമ്പാടും ഭീതിവിതച്ചപ്പോഴും ഈ സമയമത്രയും വൈറസിനെ അകറ്റി നിർത്താൻ പതൽകോട്ടിന് കഴിഞ്ഞു എന്നത് മറ്റൊരു ശ്രദ്ധേയമായ കാര്യമാണ്.

എത്തിച്ചേരലും താമസവും

എത്തിച്ചേരലും താമസവും

ചിന്ദ്വാരയിൽ നിന്ന് ഭോപ്പാലിലേക്കുള്ള വഴിയിലാണ് ഈ താഴ്‌വര സ്ഥിതി ചെയ്യുന്നത്. ഛിന്ദ്വാരയിൽ നിന്ന് 78 കിലോമീറ്റർ അകലെ താമിയയിലേക്കുള്ള വഴിതിരിച്ചുവിടുന്ന പാതയിലാണ് പതൽകോട്ട്. ചിന്ദ്വാരയിൽ നിന്ന് ടാക്സി വഴി ഇവിടെയെത്താം. താഴ്‌വരയിൽ താമസ സൗകര്യമില്ല, അടുത്തുള്ള താമസ സൗകര്യം ടാമിയയിൽ വനത്തിലോ പിഡ്ല്യുഡി അതിഥി മന്ദിരത്തിലോ ആണ്. ഇത് കൂടാതെ കുറച്ച് സ്വകാര്യ ഹോട്ടലുകളിലും താമസസൗകര്യം ലഭ്യമാണ്.

ഡിസംബര്‍ തീരാന്‍ കാത്തുനില്‍ക്കേണ്ട! ബാഗ് പാക്ക് ചെയ്യാം..2021 ലെ യാത്രകളിലേക്ക് ഈ ഇടങ്ങളുംഡിസംബര്‍ തീരാന്‍ കാത്തുനില്‍ക്കേണ്ട! ബാഗ് പാക്ക് ചെയ്യാം..2021 ലെ യാത്രകളിലേക്ക് ഈ ഇടങ്ങളും

മീശപ്പുലിമലയും കാശ്മീരുമല്ല.. മഞ്ഞുപെയ്യുന്നത് കാണുവാന്‍ പോകാം ഈ യൂറോപ്യന്‍ ഇടങ്ങളിലേക്ക്മീശപ്പുലിമലയും കാശ്മീരുമല്ല.. മഞ്ഞുപെയ്യുന്നത് കാണുവാന്‍ പോകാം ഈ യൂറോപ്യന്‍ ഇടങ്ങളിലേക്ക്

Read more about: madhya pradesh history offbeat
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X