തുടര്ച്ചയായി ജോലി ചെയ്ത് ഞായറാഴ്ച വീട്ടില് വെറുതെ ഇരുന്നു സമയം കളയുന്നവരാണോ ? എങ്കില് കുറച്ച് യാത്രകളായാലോ... യാത്ര ചെയ്യാന് പ്രത്യേക സമയം കണ്ടൈത്താന് ബുദ്ധിമുട്ടുള്ളവര്ക്ക് പോകാന് പറ്റിയ ദിവസമാണ് ഞായറാഴ്ചകള്. അടുത്തുള്ള സ്ഥലങ്ങള് മുന്കൂട്ടി കണ്ടുവെയ്ക്കുകയാണെങ്കില് രാവിലെ എഴുന്നേറ്റ് പോയി വരാന് എന്തെളുപ്പമായിരിക്കും. ഇതാ യാതൊരു പ്ലാനിങ്ങുമില്ലാതെ ഞായറാഴ്ച പോയി വരാന് പറ്റിയ ചില സ്ഥലങ്ങള് പരിചയപ്പെടാം.
പാതിരാ മണല്
മനസ്സിന് ഒരല്പം ശാന്തത തേടി യാത്ര ചെയ്യുന്നവരാണെങ്കില് കോട്ടയത്തു നിന്നും എളുപ്പം പോയി വരാന് സാധിക്കുന്ന സ്ഥലമാണ് പാതിരാ മണല്. ദേശാടന പക്ഷികളുടെ സങ്കേതമായ ഇവിടെ ലോകത്തിന്റെ വിവിധ ഭാഗങ്ങളില് നിന്നും പക്ഷികള് എത്താറുണ്ട്.
വയനാട്ടിലെ കല്പറ്റയില് നിന്നും 21 കിലോമീറ്റര് അകലെ സ്ഥിതി ചെയ്യുന്ന ബാണാസുര ഡാം ഇന്ത്യയിലെ ഏറ്റവും വലിയ എര്ത്ത് ഡാമാണ്. വയനാട്ടിലെത്തുന്ന സഞ്ചാരികള് നിര്ബന്ധമായും കണ്ടിരിക്കേണ്ട ഒരിടം കൂടിയാണ് ബാണാസുര ഡാം.
മണിച്ചിത്രത്താഴെന്ന സൂപ്പര്ഹിറ്റ് സിനിമയിലൂടെ പ്രശസ്തമായ സ്ഥലമാണ് തൃപ്പൂണിത്തറയിലെ ഹില്പാലസ്. കേരളത്തിലെ ആദ്യത്തെ പൈതൃക മ്യൂസിയമായ ഇവിടം ചരിത്രത്തിന്റെ ശേഷിപ്പുകള് സൂക്ഷിക്കുന്ന ഒരിടമാണ്. പുരാവസ്തു വകുപ്പിന്റെ കീഴില് സ്ഥിതി ചെയ്യുന്ന ഇവിടം ഒരു കാലത്ത് കൊച്ചി രാജാക്കന്മാരുടെ വസതിയായിരുന്നു. 52 ഏക്കര് സ്ഥലത്താണ് ഇത് നിലകൊള്ളുന്നത്.