രാജ്യത്തെ ആഘോഷങ്ങളുടെ വൈവിധ്യം മനസ്സിലാക്കുവാൻ യാത്ര ചെയ്യേണ്ട ഏറ്റവും മികച്ച സമയങ്ങളിലൊന്നിലൂടെയാണ് നമ്മളിപ്പോൾ കടന്നുപോകുന്നത്. നവരാത്രി ആഘോഷങ്ങളുടെ അവസാനവട്ട ഒരുക്കത്തിലാണ് വിശ്വാസികൾ. പൂജകൾക്കും പ്രാർത്ഥിനകൾക്കുമൊപ്പം ഇത് യാത്രയുടെയും ആഘോഷങ്ങളുടെയും സമയമാണ്. നിങ്ങൾ ഈ സമയത്ത് ഒരു യാത്ര പ്ലാൻ ചെയ്യുകയാണെങ്കിൽ എവിടേക്കായിരിക്കും പോകുന്നത്? പൂജാ ആഘോഷങ്ങൾ പരിചയപ്പെടുകയാണ് ലക്ഷ്യമെങ്കിൽ അടുത്തുള്ള മൈസൂര് മുതൽ ഇന്ത്യയിലെ ഏറ്റവും പേരുകേട്ട നവരാത്രി ആഘോഷം നടക്കുന്ന കൊൽക്കത്ത വരെ പട്ടികയിൽ ഉൾപ്പെട്ടിട്ടുണ്ട്.
ഡല്ഹി
വ്യത്യസ്ത തരത്തിലുള്ള ദുർഗാ പൂജാ ആഘോഷങ്ങൾ നടക്കുന്ന സ്ഥലമാണ് ഡല്ഹി. കൊൽക്കത്തയിലെ പോലുള്ള പന്തലുകൾ തന്നെയാണ് ഇവിടുത്തെയും പ്രധാന കാഴ്ച. ചിത്തരഞ്ജൻ പാർക്കിലെ പന്തലുകൾ ആണ് ഇവിടെ പ്രശസ്തം. ബംഗാളിൽ നിന്നുള്ള ആളുകൾ അധികമായി വസിക്കുന്ന സ്ഥലങ്ങളില് തന്നെയാണ് ഡല്ഹിയിൽ ഇന്ന് കൂടുതലും ദുര്ഗാ പൂജാ ആഘോഷങ്ങൾ നടക്കുന്നത്.
കാശ്മീരി ഗേറ്റ്,കാളിബാരി മയൂർ വിഹാർ ഫേസ് 2,മാത്രി മന്ദിര സമിതി, സഫ്ദർജംഗ് എൻക്ലേവ്, ബ്ലോക്ക് B2 ദുർഗാ പൂജ തുടങ്ങിയ സ്ഥലങ്ങളാണ് ഇതിൽ പ്രധാനം.