Search
  • Follow NativePlanet
Share
» »ഇന്ത്യയിലെ പ്രശസ്തമായ തീര്‍ഥാടനങ്ങള്‍

ഇന്ത്യയിലെ പ്രശസ്തമായ തീര്‍ഥാടനങ്ങള്‍

രാമായണവും മഹാഭാരതവും കഥയെഴുതിയ ഇന്ത്യയില്‍ പതിനായിരക്കണക്കിന് ആളുകളാണ് ഇതിനൊക്കെ സാക്ഷികളായ സ്ഥലങ്ങള്‍ തേടി പുണ്യഭൂമികകളിലേക്ക് യാത്ര പോകുന്നത്.

By Elizabath

ഹിന്ദു വിശ്വാസികളെ സംബന്ധിച്ചെടുത്തോളം തീര്‍ഥയാത്രകള്‍ അവരുടെ ജീവിതത്തിന്റെയും വിശ്വാസത്തിന്റെയും ഭാഗമാണ്. രാമായണവും മഹാഭാരതവും കഥയെഴുതിയ ഇന്ത്യയില്‍ പതിനായിരക്കണക്കിന് ആളുകളാണ് ഇതിനൊക്കെ സാക്ഷികളായ സ്ഥലങ്ങള്‍ തേടി പുണ്യഭൂമികകളിലേക്ക് യാത്ര പോകുന്നത്. പാപങ്ങളില്‍ നിന്നുള്ള മോചനവും മോക്ഷവും സ്വന്തമാക്കാനായി ധാരാളം യാത്രകളുണ്ട്. അതില്‍ ഏറ്റവും പ്രശസ്തമായ ചില യാത്രകളെപ്പറ്റി അറിയാം.

വാരണാസി; ലോകത്തുണ്ടാകില്ല ഇതുപോലൊരു നഗരംവാരണാസി; ലോകത്തുണ്ടാകില്ല ഇതുപോലൊരു നഗരം

Cover PC: Unknown

അമര്‍നാഥ് യാത്ര

അമര്‍നാഥ് യാത്ര

ഒരിക്കലെങ്കിലും അമര്‍നാഥ് തീര്‍ഥാടനം നടത്തണമെന്ന് ആഗ്രഹിക്കാത്ത ഹൈന്ദവവിശ്വാസികള്‍ ഉണ്ടാവില്ല. ഓരോ വര്‍ഷവും ആറു ലക്ഷത്തോളം തീര്‍ഥാടകര്‍ ഇവിടെ എത്താറുണ്ടെന്നറിയുമ്പോള്‍ തന്നെ മനസ്സിലാക്കാം ഇതിന്റെ പ്രസക്തി.
43 കിലോമീറ്റര്‍ ദൈര്‍ഘ്യമുള്ള ട്രക്കിങ്ങാണ് അമര്‍നാഥ് യാത്രയുടെ ആകര്‍ഷണം. സമുദ്രനിരപ്പില്‍ നിന്നും 12,756 അടി ഉയരത്തിലൂടെയുള്ള യാത്ര ഒട്ടും സുഖകരമായിരിക്കില്ല എന്നു മാത്രമല്ല അപകടങ്ങളും കാലാവസ്ഥ വ്യതിയാനവും അപ്പോള്‍ വേണമെങ്കിലും സംഭവിക്കാവുന്നതുമാണ്.
ഫല്‍ഗാമിലെ ചന്ദന്‍വാരി അല്ലെങ്കില്‍ വന്‍വാന്‍ ബേസ് ക്യാംപില്‍ നിന്നുമാണ് യാത്ര ആരംഭിക്കുക. ശേഷ്‌നാഗ് ലേക്ക് അല്ലെങ്കില്‍ പഞ്ച്തരണി ക്യാംപുകളിലായിരിക്കും രാത്രികാലങ്ങള്‍ ചിലവഴിക്കുക.
ശ്രാവണി മേളയോടനുബന്ധിച്ച് ജൂലൈ, ആഗസ്റ്റ് മാസങ്ങളിലാണ് ഇവിടെ ഏറ്റവും അധികം ഭക്തരെത്തുന്നത്.

PC: Vamsi Krishna

പുരി രഥ് യാത്ര

പുരി രഥ് യാത്ര

ഇന്ത്യയില്‍ ഇന്ന് നിലനില്‍ക്കുന്ന ഏറ്റവും പഴയ രഥയാത്രകളിലൊന്നാണ് ഒഡീഷയിലെ ജഗനാഥ ക്ഷേത്രത്തിലെ രഥ യാത്ര.
ജഗനാഥ ക്ഷേത്രത്തില്‍ നിന്നും ഗുണ്ഡിച്ച ക്ഷേത്രത്തിലേക്കുള്ള ഈ യാത്രയില്‍ ലോകത്തിന്റെ വിവിധ ഭാഗങ്ങളില്‍ നിന്നുള്ള ഭക്തര്‍ പങ്കെടുക്കാറുണ്ട്.
ജന്‍മാഷ്ടമി നാളില്‍ ശ്രീകൃഷ്ണന്‍ വീട്ടിലേക്ക് വരുന്നു എന്നു വിശ്വസിച്ചാണ് രഥയാത്ര നടത്തുന്നത്.

PC: Krupasindhu Muduli

ചാര്‍ ധാം

ചാര്‍ ധാം

നാലു തീര്‍ഥാടന കേന്ദ്രങ്ങള്‍ ബന്ധിപ്പിച്ചുള്ള ഏറെ പുണ്യദായകമായ യാത്രയാണ് ചാര്‍ ധാം. ഇന്ത്യയുടെ വിവിധ ഭാഗങ്ങളിലുള്ള ബദ്രിനാഥ്, ദ്വാരക, രാമേശ്വരം, പുരി, എന്നീ സ്ഥലങ്ങളിലൂടെയാണ് ചാര്‍ ധാം നടക്കുന്നത്. പഞ്ച പാണ്ഡവരുമായി ബന്ധപ്പെടാണ് ചാര്‍ ധാം. ഇവിടെ സന്ദര്‍ശിച്ചാല്‍ പാപങ്ങളില്‍ നിന്നുള്ള മോചനമാണത്രെ ഫലം.
പുരിയിലെ ജഗനാഥ ക്ഷേത്രം, ദ്വാരകയിലെ ദ്വാരകാധീശ് ക്ഷേത്രം, ബദ്രിനാഥിലെ ബദ്രിനാഥ് ക്ഷേത്രം, രാമേശ്വരം ക്ഷേത്രം എന്നിവയാണ് തീര്‍ഥാടന കേന്ദ്രങ്ങള്‍.

PC: TeshTesh

വൈഷ്ണവോ ദേവി യാത്ര

വൈഷ്ണവോ ദേവി യാത്ര

ആയിരക്കണക്കിന് ഭക്തര്‍ എല്ലാ വര്‍ഷവും എത്തിച്ചേരുന്ന വൈഷ്ണവോ ദേവി യാത്ര ഭാരതത്തിലെ മറ്റൊരു പ്രധാനപ്പെട്ട തീര്‍ഥയാത്രയാണ്. ഹിമാലയ താഴ്‌വരയില്‍ 52,00 അടി ഉയരത്തില്‍ സ്ഥിതി ചെയ്യുന്ന
വൈഷ്ണവോ ദേവി ഗുഹയിലേക്കാണ് ഈ തീര്‍ഥയാത്ര നടത്തുന്നത്. ഏകദേശം 13 കിലോമീറ്റര്‍ ട്രക്കിങ്ങ് നടത്തിവേണം ഇവിടെയെത്താന്‍.
വൈഷ്ണവോ ദേവി വിളിച്ചാല്‍ മാത്രമേ ഇവിടെ എത്താന്‍ സാധിക്കൂ എന്നാണ് വിശ്വാസം. ദേവി തനിക്ക് കാണേണ്ടവരെ വിളിക്കുമെന്നും ആ വിളി കേട്ടാല്‍ മാത്രമേ പോകാന്‍ കഴിയുകയുള്ളൂ എന്നുമാണ്.

PC: Kapil Pal

കാശി യാത്ര

കാശി യാത്ര

വാരണാസി എന്നും ബനാറസ് എന്നും അറിയപ്പെടുന്ന കാശിയിലേക്കുള്ള തീര്‍ഥാടനം വിശ്വാസികളുടെ സ്വപ്നമാണ്. മറ്റു തീര്‍ഥയാത്രകളെ അപേക്ഷിച്ച് എളുപ്പവും ചെലവുകുറഞ്ഞും ബുദ്ധിമുട്ടില്ലാതെയും എത്താം എന്നതാണ് ഇതിന്റെ പ്രത്യേകത.
ഇന്ത്യയിലെ ഏറ്റവും പുരാതനമായ തീര്‍ഥാടന കേന്ദ്രമായ ഇവിടം ധാരാളം ക്ഷേത്രങ്ങള്‍ കൊണ്ട് സമ്പന്നമാണ്.
ഗംഗാ നദിയിലെ ആരതിയും പുണ്യപുരാതന ക്ഷേത്രങ്ങളിലെ സന്ദര്‍ശനവുമാണ് കാശി യാത്രയുടെ ആകര്‍ഷണം.

PC: Juan Antonio Segal

കൈലാസ് മാനസരോവര്‍ യാത്ര

കൈലാസ് മാനസരോവര്‍ യാത്ര

ശിവന്റെ വാസസ്തലമായ കൈലാസത്തിലേക്കുള്ള യാത്രയാണ് കൈലാസ് മാനസരോവര്‍ യാത്ര. സമുദ്രനിരപ്പില്‍ നിന്നും 22,000 അടി ഉയരത്തില്‍ സ്ഥിതി ചെയ്യുന്ന ഇവിടേക്കുള്ള യാത്രയില്‍ ശൈവഭക്തരാണ് കൂടുതലായും പങ്കെടുക്കുന്നത്.
ഹിന്ദു വിശ്വസമനുസരിച്ച് ഏറ്റവും പുണ്യകരമായ സ്ഥലവും യാത്രയും ഇതുതന്നെയാണ്. 18 മുതല്‍ 70 വയസ്സ് വരെ പ്രായമുള്ളവര്‍ക്ക് ഇതില്‍ പങ്കെടുക്കാം.
കൈലാസ പ്രദക്ഷിണവും മാനസരോവറിലെ സ്‌നാനവുമാണ് യാത്രയുടെ ആകര്‍ഷണങ്ങള്‍ .

കൈലാസത്തെക്കുറിച്ച് ആരും പറയാത്ത രഹസ്യങ്ങള്‍കൈലാസത്തെക്കുറിച്ച് ആരും പറയാത്ത രഹസ്യങ്ങള്‍

PC: Vijay Kiran

ചോട്ടാ ചാര്‍ ദാം യാത്ര

ചോട്ടാ ചാര്‍ ദാം യാത്ര

ചാര്‍ ധാം യാത്രയുടെ ചെറിയ പതിപ്പാണ് ചോട്ടാ ചാര്‍ ദാം യാത്ര. ഉത്തരാഖണ്ഡിലാണ് ചോട്ടാ ചാര്‍ ദാമുകള്‍ സ്ഥിതി ചെയ്യുന്നത്.
യമുനോത്രി, ഗംഗോത്രി,കേദര്‍നാഥ്, ബദ്രിനാഥ് എന്നിവയാണ് ചോട്ടാ ചാര്‍ ദാമിലെ തീര്‍ഥാടന കേന്ദ്രങ്ങള്‍. ഉത്തരാഖണ്ഡിലെ ഗര്‍വാള്‍ റീജിയണിലാണ് ഈ നാലു സ്ഥലങ്ങളും സ്ഥിതി ചെയ്യുന്നത്.
പത്തു മുതല്‍ 14 ദിവസം വരെയാണ് നാലു സ്ഥലങ്ങളിലും പോകാനായി വേണ്ടത്. ഏപ്രില്‍ മുതല്‍ ജൂലൈ വരെയും ഒക്ടോബര്‍ മുതല്‍ നവംബര്‍ വരെയുമാണ് ചോട്ടാ ചാര്‍ ധാം യാത്രയ്ക്ക് തിരക്കേറുന്നത്.

PC: Atarax42

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X