ഹോ!! ഈ ലോക്ഡൗണ് കഴിഞ്ഞു കിട്ടിരുന്നെങ്കില്.... ഒരിക്കലെങ്കിലും ഈ ലോക്ഡൗണ് കാലത്തില് ഇങ്ങനെയൊന്ന് ആഗ്രഹിക്കാത്തവര് കാണില്ല. പ്രതിസന്ധി ഘട്ടങ്ങളെല്ലാം കഴിഞ്ഞ് എങ്ങനെയൊക്കെ ആഘോഷിക്കണമെന്നും എവിടെയൊക്കെ പോകണമെന്നും എല്ലാം വീട്ടിലിരുന്ന സമയത്ത് പ്ലാന് ചെയ്തവരാണ് നമ്മളില് മിക്കവരും. പ്ലാന് ചെയ്ത യാത്രകളൊക്കെ മുടങ്ങിയപ്പോള് അതിലൊന്നും കുലുങ്ങാതെ ഇനി വരാന് പോകുന്ന യാത്രകളില് അടിച്ചുപൊളിക്കാം എന്ന മൈന്ഡ് സെറ്റോടെ ലോക്ഡൗണ് തള്ളിനീക്കിയ നമുക്ക് പ്ലാനിങ്ങ് ഒരു വലിയ പണിയേ അല്ല. ലോക്ഡൗണ് കഴിഞ്ഞുള്ള യാത്രകള് പ്ലാന് ചെയ്യുമ്പോള് ഒട്ടേറെ കാര്യങ്ങള് ശ്രദ്ധിക്കേണ്ടതുണ്ട്. ജീവിതം പഴയപടി ആകുന്നതുവരെ വലിയ വലിയ യാത്രകള് ഒഴിവാക്കുക എന്നതാണ് ഏറ്റവും മികച്ച കാര്യങ്ങളിലൊന്ന്. ഇതാ ലോക്ഡൗണ് കഴിഞ്ഞാല് കേരളത്തില് നടത്തുവാന് പറ്റിയ മികച്ച ഡ്രൈവുകള് പരിചയപ്പെടാം...