രൂപം വെച്ചു നോക്കുമ്പോള് ആളിത്തിരി ചെറുതാണെങ്കിലും ഖത്തര് ചില്ലറക്കാകരനല്ല! ലോകത്തിലെ ഏറ്റവും സമ്പന്ന രാഷ്ട്രങ്ങളിലൊന്നായ, മെച്ചപ്പെട്ട ജീവിത വാഗ്ദാനം ചെയ്യുന്ന ഇവിടം പ്രവാസികളുടെ പ്രിയപ്പെട്ട രാജ്യങ്ങളിലൊന്നാണ്. അറേബ്യന് ആതിഥ്യമര്യാദയ്ക്കും ബീച്ചുകള്ക്കും പേരുകേട്ട് ഖത്തറിലേക്ക് സഞ്ചാരികള് ഒഴുകിയെത്തുന്നത് ഇതിന്റെ സമ്പന്നമായ ചരിത്രവും പൈതൃകവും അറിയുവാനും കൂടിയാണ്. ഖത്തറിനെക്കുറിച്ച് അറിഞ്ഞിരിക്കേണ്ട രസകരമായ കാര്യങ്ങള്
ലോകകപ്പ് ഫൂട്ബോള് 2022
ഫിഫ ലോകകപ്പ് ഫുട്ബോള് 2022 ന് ആതിഥേയത്വം വഹിക്കുന്ന രാജ്യമാണ് ഖത്തര്. ചരിത്രത്തില് ആദ്യമായാണ് ഒരു അറബ് രാജ്യത്ത് ലോകകപ്പ് ഫുട്ബോള് മത്സരത്തിന് വേദിയാകുന്നത്. എട്ടു സ്റ്റേഡിയങ്ങളിലായി നവംബർ 21 മുതൽ ഡിസംബർ 18 വരെയാണ് ഫിഫ വേള്ഡ് കപ്പ് നടക്കുന്നത്. ലുസൈൽ, അൽ ബൈത്ത് സ്റ്റേഡിയം, അൽ റയ്യാൻ സ്റ്റേഡിയം, അൽ തുമാമ സ്റ്റേഡിയം, അൽ വക്ര, ഖലീഫ ഇന്റർനാഷണൽ സ്റ്റേഡിയം, എജ്യുക്കേഷൻ സിറ്റി സ്റ്റേഡിയം, റാസ് അബു അബൗദ് സ്റ്റേഡിയം എന്നിവയാണ് ഈ എട്ടു സ്റ്റേഡിയങ്ങള്.
ദോഹയിലെ ഒളിമ്പിക് സൈക്ലിംഗ് ട്രാക്ക് ലോകത്തിലെ ഏറ്റവും ദൈർഘ്യമേറിയ സൈക്കിൾ പാതയാണ്. 33 കിലോമീറ്റർ നീളമുള്ള ഇത് 2022 ലാണ് പൂര്ത്തിയായത്. നേരേ പോകുന്ന വഴി, അണ്ടര് പാസ്, ഓവര് പാസ് എന്നിവയും ഇതിനുണ്ട്. 00 ബെഞ്ചുകളും വിശ്രമിക്കാൻ 20 ഏരിയകളും ഉണ്ട്. അഷ്ഗാൽ എന്ന പൊതുമരാമത്ത് അതോറിറ്റിയാണ് ദോഹയില് ഇത് നിര്മ്മിച്ചത്.
ഖത്തറിലെ ഏറ്റവും പ്രസിദ്ധമായ ചരിത്ര ആകര്ഷണമാണ് അൽ സുബാറ ഫോർട്ട്. യുനെസ്കോയുടെ ലോക പൈതൃക പദവി ലഭിച്ചമ്യൂസിയവും പുരാവസ്തു കേന്ദ്രവുമാണിത്. ഖത്തറിലെ ഏറ്റവും പഴക്കം ചെന്ന വാസസ്ഥലങ്ങളിൽ ഒന്നിനെക്കുറിച്ചുള്ള വാസസ്ഥലങ്ങളില് ഒന്നാണിത്. പണ്ടുകാലത്ത് കടലില് നിന്നം മുത്ത് ശേഖരിക്കുന്നതിന്റെ ചരിത്രം ഇവിടെ നിന്നും മനസ്സിലാക്കാം,
ദോഹയുടെ മധ്യഭാഗത്തുള്ള ഒരു അറിയപ്പെടുന്ന ഓപ്പൺ എയർ മാർക്കറ്റാണ് സൂഖ് വാഖിഫ്. സുഗന്ധദ്രവ്യങ്ങളും സുവനീറുകളും മുതൽ സുഗന്ധവ്യഞ്ജനങ്ങൾ, ചൂടുള്ള ഭക്ഷണം, വളർത്തുമൃഗങ്ങൾ വരെ വൈവിധ്യമാർന്ന ഉൽപ്പന്നങ്ങൾ ഇവിടെ വാഗ്ദാനം ചെയ്യുന്നു. കുടുംബവുമായി സമയം ചിലവഴിക്കാനെത്തുന്നവരാണ് ഇവിടെ അധികവും,.