അരുണാചൽ പ്രദേശ്... വടക്കു കിഴക്കൻ ഇന്ത്യയിലെ സ്പത സഹോദരിമാരിൽ ഏറ്റവും ഭംഗിയുള്ള നാട്. സിനിമകളിലൂടെയും ഡോക്യുമെന്റിറികളിലൂടെയും ഒക്കെ സഞ്ചാരികളെ ഇതുപോലെ കൊതിപ്പിച്ച മറ്റൊരു നാട് ഉണ്ടോ എന്ന് സംശമാണ്.
സഞ്ചാരികളെ ഇരുകയ്യും നീട്ടി സ്വീകരിക്കുന്ന ജനങ്ങളും മന്ത്രങ്ങുരുവിട്ട് നടക്കുന്ന ബുദ്ധ സന്യാസിമാരും എങ്ങും മുഴങ്ങിക്കേൾക്കുന്ന പ്രാർഥനജപങ്ങളും ആശ്രമങ്ങളും കുന്നുകളും മലകളും മഞ്ഞുമൂടിക്കിടക്കുന്ന പർവ്വതങ്ങളും കാടുകളും ഒക്കെയായി ഇവിടെ കാഴ്ചകൾ ഒരുപാടുണ്ട്. എന്നാൽ അതിർത്തി പ്രശ്നങ്ങൾ കൊണ്ടും മറ്റും കയ്യേറ്റങ്ങൾ കൊണ്ടും എന്നും പ്രശ്നങ്ങൾ നിലനിൽക്കുന്ന അരുണാചൽ പ്രദേശിലേക്ക് അത്രയെളുപ്പത്തിൽ സഞ്ചാരികൾക്ക് പ്രവേശിക്കുവാൻ സാധിക്കില്ല. അതിർത്തിക്കടുത്തുള്ള ഇടങ്ങളിലേക്ക് സന്ദർശനത്തിന് വിലക്ക് തന്നെ ഏർപ്പെടുത്തിയിട്ടുണ്ട്. ചിലയിടങ്ങളിലേക്ക് പ്രവേശിക്കുവാൻ മുൻകൂട്ടിയുളള്ള അനുമതി ആവശ്യമായി വരും. ഇതാ അരുണാചൽ പ്രദേശിൽ സഞ്ചാരികൾക്ക് വിലക്കുള്ള ഇടങ്ങൾ ഏതൊക്കെയാണ് എന്നു നോക്കാം...