»കോട്ടകളുടെ സ്വന്തം നാടായ രത്നഗിരിയിലേക്ക് ഒരു യാത്ര
കോട്ടകളുടെ സ്വന്തം നാടായ രത്നഗിരിയിലേക്ക് ഒരു യാത്ര
Travel Guide
lekhaka-Aysha Hasna
ഒരേസമയം ദൃശ്യഭംഗിയും ചരിത്രത്തിന്റെ ബാക്കിപത്രങ്ങളും നൽകുന്നവയാണ് കോട്ടകൾ. അത്തരത്തിൽ ഒരുകൂട്ടം കോട്ടകളാൽ നിറഞ്ഞുനിൽക്കുന്ന രത്നഗിരിയെ പരിചയപ്പെടുത്തുകയാണ് ഇന്നിവിടെ.
ഒരുഭാഗത്ത് പശ്ചിമഘട്ടത്തിനാലും മറുഭാഗത്ത് അറബിക്കടലിനാലും ചുറ്റപ്പെട്ടു കിടക്കുന്ന രത്നഗിരി ഏറെ ചരിത്രപ്രാധാന്യമുള്ള എന്നാൽ ഒപ്പം തന്നെ മനോഹരമായ കോട്ടകൾ ഉൾപ്പെടെ ഒരുപിടി കാഴ്ചകളാലും ഏതൊരു സഞ്ചാരിയെയും ആകർഷിക്കുന്ന ഒരിടമാണ്. മഹാരാഷ്ട്രയിലാണ് കോട്ടകളുടെ നാടായ ഈ രത്നഗിരി സ്ഥിതിചെയ്യുന്നത്. അധികമാരും കടന്നു ചെന്നിട്ടില്ലാത്ത ഇവിടം ഇന്ത്യയുടെ പല ചരിത്ര സംഭവങ്ങൾക്കും സാക്ഷ്യം വഹിച്ചിട്ടുള്ള ഒരു സ്ഥലം കൂടിയാണ്.
ഏറെ ചരിത്രപ്രാധാന്യമുള്ള ഇവിടം ഒരേപോലെ വിനോദസഞ്ചാരികളെയും ചരിത്രവിദ്യാർത്ഥികളെയും ആകർഷിക്കുന്ന ഒന്നാണ്. ഇനി നിങ്ങൾ ഒരു ചരിത്രസ്നേഹി അല്ലെങ്കിൽ കൂടെ ഇവിടത്തെ കോട്ടകൾ നിങ്ങളുടെ യാത്രാനുഭവങ്ങളുടെ ലിസ്റ്റിലേക്ക് എഴുതിച്ചേർക്കാൻ കെൽപ്പുള്ള അനുഭവം തരുന്ന ഒന്നാകും. അതിനാൽ തന്നെ ഇവിടെ സന്ദർശിക്കുക എന്നത് കൊണ്ട് ഒരിക്കലും നഷ്ടം വരില്ല. ഇവിടെയുള്ള പ്രധാന കോട്ടകളിലൂടെ ഒരു യാത്ര...