ഥാർ മരുഭൂമിയുടെ ഹൃദയത്തിൽ സ്ഥിതി ചെയ്യുന്ന ജയ്സാൽമീർ രാജസ്ഥാന്റെ ഇന്നു വരെയുള്ള ചരിത്രത്തോട് നീതി പുലർത്തി നിൽക്കുന്ന നാടാണ്. മരുഭൂമിയിലെ തിളക്കമുള്ള മണ്ണിൽതട്ടി തിളങ്ങുന്ന ഈ നാട് സ്വര്ണ്ണ നഗരി എന്നാണ് അറിയപ്പെടുന്നത്. ഇവിടെ കാണുന്ന സ്മാരകങ്ങളും ചരിത്രങ്ങളും ഒക്കെ രാജസ്ഥാന്റെ സമ്പന്നമായ ഇന്നലകളെയാണ് കുറിക്കുന്നത്.
എത്ര പറഞ്ഞാലും ചരിത്രത്തിലെ ചിലയിടങ്ങൾ അറിയാതെ തന്നെ വിട്ടുപോകാറുണ്ട്. എത്ര മഹത്വവും പ്രൗഢിയും ഒക്കെ നിറഞ്ഞതാണെങ്കിലും പെട്ടന്നായിരിക്കും വിസ്മൃതിയിൽപെട്ടു പോവുക. അത്തരത്തിലൊരിടമാണ് സലിം സിങ് കി ഹവേലി. നിർമ്മാണത്തിലെ പ്രത്യേകതകൾ കൊണ്ട് ഇന്നും സഞ്ചാരികളെയും ചരിത്രകാരന്മാരെയും അമ്പരപ്പിക്കുന്ന സലിം കി ഹവേലിയുടെ വിശേഷങ്ങളിലേക്ക്!