കേരളത്തിൻറെ ചരിത്രത്തിൽ തൃശൂരിനെ അടയാളപ്പെടുത്തുവാൻ കാര്യങ്ങൾ ഒരുപാടുണ്ട്. നൂറ്റാണ്ടുകൾ പഴക്കമുള്ള ആരാധനാലയങ്ങളും കെട്ടിടങ്ങളും ചരിത്ര ഇടങ്ങളും ഒക്കെ തൃശൂരിനെ ചെറുതല്ലാത്ത രീതിയിൽ തന്നെ അടയാളപ്പെടുത്തിയിട്ടുണ്ട്. ലോകത്തിന്റെ വിവിധ ഭാഗങ്ങളിൽ നിന്നും ഉത്സവ പ്രേമികൾ എത്തിച്ചേരുന്ന തൃശൂർ പൂരമാണ് തൃശൂരിനെ ഇത്രകണ്ട് പ്രശസ്തിയിലെത്തിച്ച കാര്യം എന്ന് നിസംശയം പറയാം. തൃശൂർ റൗണ്ടും അതിനെ ചുറ്റിയുള്ള ഇടങ്ങളും എന്നും തൃശൂർകാർക്ക് മാത്രമല്ല, പുറം നാട്ടുകാർക്കും ഒരു വികാരം തന്നെയാണ്. സിനിമകളിലൂടെയും സുഹൃത്തുക്കളിലൂടെയും കേട്ടും കണ്ടും അറിഞ്ഞ ഒരു വികാരം..ശക്തൻ തമ്പുരാന്റെ നാട്ടിലെ പെരുമയെ വിളിച്ചറിയിക്കുന്ന മറ്റൊരിടം കൂടി ഇവിടെയുണ്ട്. ശക്തൻ തമ്പുരാൻ കൊട്ടാരം അഥവാ വടക്കേക്കര കൊട്ടാരം. ഒരു കാലത്ത് കൊച്ചി രാജ്യത്തിന്റെ ഏറ്റവും പ്രധാനപ്പെട്ട കേന്ദ്രങ്ങളിലൊന്നായിരുന്ന കൊട്ടാരത്തിന്റെ വിശേഷങ്ങളും പ്രത്യേകതകളും വായിക്കാം... തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം ശക്തന്റെ പെരുമയെ വിളിച്ചറിയിക്കുന്ന കൊട്ടാരം കൊച്ചി തമ്പുരാക്കന്മാരിൽ പ്രഗത്ഭനും പ്രശസ്തനുമായിരുന്ന ശക്തൻ തമ്പുരാൻറെ പേരിൽ അറിയപ്പെടുന്ന കൊട്ടാരമാണ് തൃശൂരിലെ ശക്തൻ തമ്പുരാൻ കൊട്ടാരം. രാജാ രാമവർമ്മ എന്നായിരുന്നു യഥാർഥ പേരെങ്കിലും തന്റെ ശക്തമായ പ്രവർത്തികൾ കൊണ്ട് അദ്ദേഹം ജനങ്ങൾക്കിടിയിൽ സ്നേഹപൂർവ്വം ശക്തൻ തമ്പുരാൻ എന്നാണ് അറിയപ്പെട്ടത്.PC:Abhijith Sheheer തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം തൃശൂരിന്റെ ശില്പി ഇന്നു കാണുന്ന തൃശൂർ നഗരത്തിന്റെ ശില്പിയായി കണക്കാക്കുന്നത് ശക്തൻ തമ്പുരാനെയാണ്. തൃശൂർ പൂരത്തിനു തുടക്കം കുറിച്ച ആൾ മാത്രമല്ല, ഭരണത്തിലും തന്ത്രത്തിലും ഒക്കെ മികവ് തെളിയിച്ച ഒരാൾ കൂടിയായിരുന്നു അദ്ദേഹം. തൃശൂർ നഗരത്തിന് നടുവിൽ സ്ഥിതി ചെയ്യുന്ന അദ്ദേഹത്തിന്റെ കൊട്ടാരം തീരാത്ത കഥകളുടെ ഒരു കൂടാരമാണ്. പുരാവസ്തു വകുപ്പിനു കീഴിലാണ് ഇന്നിത് സംരക്ഷിക്കപ്പെടുന്നത്. തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം ആറ് ഏക്കറിൽ ആറ് ഏക്കറോളം വരുന്ന സ്ഥലത്ത് പരന്നു കിടക്കുന്ന രീതിയിലാണ് കൊട്ടാരം നിർമ്മിച്ചിരിക്കുന്നത്. കൊട്ടാരത്തിന്റ നിർമ്മാണത്തെക്കുറിച്ച് കൃത്യമായ വിവരങ്ങൾ ലഭ്യമല്ല. കൊച്ചി ഭരിച്ചിരുന്ന പെരുമ്പടപ്പ് സ്വരൂപത്തിന്റെയായിരുന്നു ഇതെന്നാണ് കരുതപ്പെടുന്നത്. എങ്കിലും ലഭ്യമായ വിവരങ്ങൾ അനുസരിച്ച് 1975 ൽ രാമ വർമ്മ തമ്പുരാനും പിന്നാട് ശക്തൻ തമ്പുരാനും കൊട്ടാരം പുനർ നിർമ്മിച്ചു എന്നാണ് പറയപ്പെടുന്നത്. കേരളാ-ഡച്ചു വാസ്തു വിദ്യകൾ സമന്വയിച്ചിരിക്കുന്ന രീതിയിലാണിതുള്ളത്.PC:Devika K B തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം സർപ്പക്കാവ് രാജകുടുംബത്തിന് ഐശ്വര്യം ലഭിക്കുന്നതിനായി വളർത്തിയ സർപ്പ്കകാവാണ് ഇവിടുത്തെ മറ്റൊരു കാഴ്ച. നാഗരാജാവിനെ ആരാധിക്കുന്ന ഇവിടെ കൃത്യമായ പൂജകളും മറ്റും നടക്കാറുണ്ട്. ഇതു കൂടാതെ കൊട്ടാരത്തിന്റെ തെക്കു ഭാഗത്തായി കേരളത്തിന്റെ തനതായ ചെടികളെയും വൃക്ഷങ്ങളെയും സംരക്ഷിക്കുന്നതിനായി ഒരു പൈതൃക തോട്ടവും നിർമ്മിച്ചു സംരക്ഷിക്കുന്നു.PC:Abhijith Sheheer തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം നഗരത്തിന്റെ ദാഹം തീർക്കുന്ന ചിറ കൊട്ടാരത്തിനോട് ചേർന്നു സ്ഥിതി ചെയ്യുന്ന ചിറ തൃശൂരിൻറെ ദാഹം മാറ്റുന്ന ഇടമാണ്. വടക്കേ ചിറ ചിറ എന്നറിയപ്പെടുന്ന ഇത് വേനൽ എത്ര കടുത്താലും വറ്റാത്ത ഇടമാണ്. തൃശൂരിന്റെ കുടിവെള്ള പദ്ധതികളിൽ ഇപ്പോൾ ഇതും ഉൾപ്പെട്ടിട്ടുണ്ട്.PC:Aruna തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം പ്രവേശിക്കുവാൻ രാവിലെ 10.00 മുതല്‍ വൈകിട്ട് 4.00 വരെയാണ് ഇവിടെ പ്രവേശനം അനുവദിച്ചിരിക്കുന്നത്. മൂന്നു മുതൽ നാലു മണിക്കൂർ വരെ നടന്നു കാണുവാനുള്ള സംഗതികൾ ഇവിടെയുണ്ട്. ചരിത്രപ്രേമികളാണെങ്കിൽ കണ്ടും അറിഞ്ഞും വായിച്ചും ഒരുപ ദിവസം മുഴുവനും ഇവിടെ ചിലവഴിക്കുവാൻ മാറ്റി വയ്ക്കാം.PC:Aruna തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം ശ്രദ്ധിക്കുവാൻ ഇവിടേക്ക് യാത്ര പോകുമ്പോൾ ക്യാമറ കരുതുവാൻ ശ്രദ്ധിക്കുക. ഫോട്ടോപ്രേമികൾക്ക് പറ്റിയ ഒരുപാട് കാര്യങ്ങൾ ഇവിടെയുണ്ട്. കൊട്ടാരവും പരിസരവും പ്ലാസ്റ്റിക് വിമുക്ത ഇടമായിതിനാൽ ഒരു തരത്തിലുള്ള മാലിന്യവും വലിച്ചെറിയാതെ സൂക്ഷിക്കുക. PC:Sibyav തൃശൂരിന്റെ തലയെടുപ്പായ ശക്തൻ തമ്പുരാൻ കൊട്ടാരം എത്തിച്ചേരുവാൻ തൃശൂർ നഗര പരിധിയിലായാണ് കൊട്ടാരം സ്ഥിതി ചെയ്യുന്നത്. വടക്കുംനാഥ ക്ഷേത്രം ഇതിന് തൊട്ടടുത്താണ്. തൃശൂർ റെയിൽവേ സ്റ്റേഷനിൽ നിന്നും ഇവിടേക്ക് മൂന്നു കിലോമീറ്റർ ദൂരം മാത്രമുള്ളൂ.