വാട്സ് ആപ്പിന്റെയും മെസഞ്ചറിന്റെയും ഈ കാലത്ത് പോസ്റ്റ് ഓഫീസും കത്തുകളുമെല്ലാം പഴഞ്ചനായിരിക്കുകയാണ്. ഇന്നത്തെ തലമുറയിലെ മിക്കവര്ക്കും വലിയ പരിചയം കൂടി കാണില്ലെങ്കിലും പഴമക്കാര്ക്ക് ഒരുപാട് ഓര്മ്മകളുറങ്ങുന്ന ഒന്നാണ് കത്തുകളും കാര്ഡുകളുമെല്ലാം. ചുവന്ന നിറത്തിലുള്ള തപാല്പെട്ടിയും കത്തുകളുമായി വരുന്ന പോസ്റ്റ് മാനുമെല്ലാം ഇന്ന് കുറേയേറെ പഴയ കാഴ്ചകളായി മാറിയിട്ടുണ്ട്.
വ്യത്യസ്തത നിറഞ്ഞ ഒരുപാട് പോസ്റ്റ് ഓഫീസുകളെക്കുറിച്ച് നമ്മള് കേട്ടിട്ടുണ്ട്. തടാകത്തിലൂടെ ഒഴുകി നടക്കുന്നതും ലോകത്തില് ഏറ്റവും ഉയരത്തില് സ്ഥിതി ചെയ്യുന്നതുമെല്ലാമായി വിസ്മയിപ്പിക്കുന്ന കുറേയേറെ പോസ്റ്റ് ഓഫീസുകള്. കുറച്ചുകൂടി വിസ്മയിപ്പിക്കുന്ന ഒരു പോസ്റ്റ് ഓഫീസിനെക്കുറിച്ചാണ് ഇന്നു പറയുന്നത്. അന്റാര്ട്ടിക്കയില് സ്ഥിതി ചെയ്യുന്ന ഇന്ത്യയുടെ പോസ്റ്റ് ഓഫീസാണ് ഇന്നത്തെ താരം.