നാടും നഗരവും മെല്ലെ ചൂടിലേക്ക് കടക്കുകയാണ്... അതോടെ സഞ്ചാരികള് ഈ ചൂടിനെ തളയ്ക്കുവാനുള്ള വഴികള് തേടുവാനും തുടങ്ങിക്കഴിഞ്ഞു. ആളുകളധികമില്ലാത്ത ദ്വീപുകളും ഇടങ്ങളുമാണ് നിലനിലെ സാഹചര്യത്തില് ആഴുകള് മുന്ഗണന നല്കുന്നത്. യാത്രയിലെ രസങ്ങള് മാത്രമല്ല, ലീവ് ഒഴിവാക്കി പണിയെടുക്കുവാന് കൂടി സാധിക്കുന്ന ഇടങ്ങള് നോക്കുന്നുണ്ടെങ്കില് ഇതാ ഈ ദ്വീപുകള് നോക്കാം....
പിറ്റ്കെയ്ൻ ദ്വീപ്, യുണൈറ്റഡ് കിംഗ്ഡം ഓവർസീസ് ടെറിട്ടറി
ന്യൂസിലൻഡിൽ നിന്ന് 3,300 മൈൽ അകലെ ദക്ഷിണ പസഫിക്കിൽ സ്ഥിതിചെയ്യുന്ന പിറ്റ്കെയ്ൻ ദ്വീപ് വര്ക്കേഷനും സമ്മര് യാത്രകള്ക്കും അനുയോജ്യമായ ഇടമാണ്.
പിറ്റ്കെയ്ൻ ഐലൻഡ്സ് മറൈൻ റിസർവ്, ഹെൻഡേഴ്സൺ ദ്വീപ്, യുനെസ്കോയുടെ ലോക പൈതൃക സൈറ്റുകൾ എന്നിവ ഇവിടെ കാണാം.
സെന്റ് ബാര്ട്സ്, കരീബിയന്
വേനലിന്റെ ചൂടിനെ തളയ്ക്കുവാന് അന്താരാഷ്ട്ര ഡെസ്റ്റിനേഷന് നോക്കുകയാണെങ്കില് ധൈര്യമായി തിരഞ്ഞെടുക്കുവാന് പറ്റിയ സ്ഥലമാണ് കരീബിയൻ ദ്വീപായ സെന്റ് ബാർട്ട്സ്. പ്രധാന ഭൂപ്രദേശത്തുനിന്നും 400 മൈലിലധികം അകലെയുള്ള ഇവിടം ബജറ്റ് സഞ്ചാരികള്ക്ക് പറ്റിയ ഒരിടമായിരിക്കില്ല, സമ്പന്നരുടെയും പ്രശസ്തരുടെയും കളിസ്ഥലമായി അറിയപ്പെടുന്ന ഇവിടം അതിമനോഹരമായ കാഴ്ചകള്ക്ക് പ്രസിദ്ധമാണ്. ഉഷ്ണമേഖലാ പറുദീസ എന്നാണ് ഇവിടം അറിയപ്പെടുന്നത്. ഭക്ഷണപ്രിയര്ക്ക് ധാരാളം സാധ്യതകള് ഇവിടെയുണ്ട്.
പാമർസ്റ്റൺ, കുക്ക് ദ്വീപുകൾ
കുക്ക് ദ്വീപുകളിലൊന്നായ പാമർസ്റ്റൺ വിദൂരത്തുള്ള ദ്വീപ് മാത്രമല്ല, ആള്ത്താമസമില്ലാത്ത ഇടം കൂടിയാണ്. ഇന്റര്നെറ്റിന്റെ കാര്യത്തില് അത്രയും ഉറപ്പ് പറയുവാന് സാധിക്കില്ലെങ്കിലും ഇതിന്റെ സ്ഥാനം ഇതിനെ സഞ്ചാരികള്ക്ക് പ്രിയപ്പെട്ടതാക്കി മാറ്റുന്നു. ദ്വീപ് ഭൂരിഭാഗവും കടൽത്തീരമാണ്.