»തലയില്ലാത്ത നന്ദിയും കാവല് നില്ക്കുന്ന സര്പ്പവും... അതിശയിപ്പിക്കും കാടിനുള്ളിലെ ഈ ക്ഷേത്രം
തലയില്ലാത്ത നന്ദിയും കാവല് നില്ക്കുന്ന സര്പ്പവും... അതിശയിപ്പിക്കും കാടിനുള്ളിലെ ഈ ക്ഷേത്രം
Travel Guide
oi-Elizabeth Joseph
പ്രകൃതി സൗന്ദര്യവും ചരിത്ര പ്രാധാന്യവും ഒക്കെ ചേര്ന്ന് വിശ്വാസികളെയും സാഹസിക സഞ്ചാരികളെയും ആകര്ഷിക്കുന്ന ഈ ക്ഷേത്രം ഗോവയുടെ മറ്റൊരു മുഖമാണ് സഞ്ചാരികള്ക്കു മുന്നില് കാണിക്കുന്നത്.
ഗോവയെന്നു കേള്ക്കുമ്പോള് ആദ്യം ഓര്മ്മയിലെത്തുക ഇവിടുത്തെ കടല്ത്തീരങ്ങളും പബ്ബുകളുമാണ്. സ്വാതന്ത്ര്യം ആഘോഷിക്കുവാനെത്തുന്ന യുവാക്കളും ദേവാലയങ്ങള് കാണുവാനെത്തുന്ന തീര്ഥാടകരും ഒക്കെയായി ഗോവ എന്നും തിരക്കിലായിരിക്കും. എന്നാല് സ്ഥിരം സഞ്ചാരികളില് നിന്നും അകന്നു നില്ക്കുന്ന, അല്ലെങ്കില് അവര്ക്ക് മുന്നില് അധികം വെളിപ്പെടാത്ത ഒരുപാടിടങ്ങള് ഗോവയ്ക്ക് സ്വന്തമായുണ്ട്. ദൂത്സാഗര് വെള്ളച്ചാട്ടവും ഭഗ്വാന് മഹാവീര് ദേശീയോദ്യാനവും മൂന്നു രാജാക്കന്മാരുടെ വെള്ളച്ചാട്ടവും ഹാര്വാര്ലം വെള്ളച്ചാട്ടവും അവയില് ചിലത് മാത്രമാണ്. ഈ പട്ടികയില് ഉള്പ്പെടുത്തുവാന് സാധിക്കുന്ന മറ്റൊരു ഇടവും കൂടിയുണ്ട്. താംഡി സുര്ള മഹാശിവക്ഷേത്രം. കാടിനുള്ളില് വെള്ളച്ചാട്ടത്തിനടുത്ത്, കഴിഞ്ഞകാലത്തിന്റെ എല്ലാ പ്രൗഢിയോടും കൂടി തലയുയര്ത്തി നില്ക്കുന്ന ക്ഷേത്രമാണ് താംഡി സുര്ള ക്ഷേത്രം.
പ്രകൃതി സൗന്ദര്യവും ചരിത്ര പ്രാധാന്യവും ഒക്കെ ചേര്ന്ന് വിശ്വാസികളെയും സാഹസിക സഞ്ചാരികളെയും ആകര്ഷിക്കുന്ന ഈ ക്ഷേത്രം ഗോവയുടെ മറ്റൊരു മുഖമാണ് സഞ്ചാരികള്ക്കു മുന്നില് കാണിക്കുന്നത്.