കാര്പ്പറ്റ് നിര്മ്മാണത്തിന് പേരുകേട്ട ഒരു സ്ഥലമുണ്ട് തമിഴ് നാട്ടില്. തുണി നിര്മ്മാണത്തിന് പേരുകേട്ട തമിഴ്നാട്ടിലെ ജില്ലയായ ഈറോഡ് ജില്ലയിലാണ് ഈ സ്ഥലം സ്ഥിതി ചെയ്യുന്നത്. കാവേരി നദിയുടെ തീരത്ത് സ്ഥിതി ചെയ്യുന്ന ഭവാനിയാണ് കാര്പ്പറ്റ് നിര്മ്മാണത്തിന് പേരുകേട്ട സ്ഥലം. അതിനാല് തന്നെ കാര്പ്പറ്റ് സിറ്റി എന്നാണ് ഭവാനി അറിയപ്പെടുന്നത്.
എവിടെയാണ് ഭവാനി
ഈറോഡ് നഗരത്തിന് വടക്കായി ദേശീയ പാത 47ൽ ആണ് ഈ ചെറുനഗരം സ്ഥിതി ചെയ്യുന്നത്. കോയമ്പത്തൂരിൽ നിന്ന് 107 കിലോമീറ്റർ അകലെയായാണ് ഈ നഗരം. ഈറോഡ് ജംഗ്ഷൻ റെയിൽവെ സ്റ്റേഷനിൽ നിന്ന് 14 കിലോമീറ്റർ യാത്ര ചെയ്താൽ ഇവിടെ എത്തിച്ചേരാം. പ്രശസ്തമായ മേട്ടൂർ ഡാം ഭവാനിയിൽ നിന്ന് 41 കിലോമീറ്റർ അകലെയായാണ് സ്ഥിതി ചെയ്യുന്നത്.
Photo Courtesy: Rsrikanth05
ത്രിവേണി സംഗമം
തമിഴ്നാട്ടിലെ തന്നെ രണ്ടാമത്തെ വലിയ നദിയായ ഭവാനി നദി കാവേരി നദിയുമായി സംഗമിക്കുന്നത് ഇവിടെ വച്ചാണ്. ഇതിനോടൊപ്പം അദൃശ്യ നദിയായ സരസ്വതി നദിയും സംഗമിക്കുന്നുണ്ടെന്നാണ് വിശ്വാസം. മൂന്ന് നദികളുടെ സംഗമ സ്ഥലമായതിനാൽ ഈ സ്ഥലം തെക്കിന്റെ ത്രിവേണി സംഗമം എന്നും അറിയപ്പെടുന്നുണ്ട്.
Photo Courtesy: Babuonwiki
സംഗമേശ്വർ ക്ഷേത്രം
ഈ നദിസംഗമ സ്ഥലത്ത് ഒരു ശിവക്ഷേത്രം സ്ഥിതി ചെയ്യുന്നുണ്ട്. സംഗമേശ്വർ ക്ഷേത്രം എന്നാണ് ഈ ക്ഷേത്രം അറിയപ്പെടുന്നത്. അതിനാൽ തന്നെ ഈ സ്ഥലം വളരെ പവിത്രമായ സ്ഥലമായാണ് കരുതിപ്പോരുന്നത്. നദീസംഗമത്തിന്റെ വടക്കൻ തീരത്താണ് ഈ ക്ഷേത്രം സ്ഥിതി ചെയ്യുന്നത്.
Photo Courtesy: Rsrikanth05
അഞ്ച് മല ക്ഷേത്രങ്ങൾ
അഞ്ച് ക്ഷേത്രങ്ങൾ സ്ഥിതി ചെയ്യുന്ന അഞ്ച് മലകളുടെ അടിവാരത്തായാണ് ഈ ക്ഷേത്രം സ്ഥിതി ചെയ്യുന്നത്. ശങ്കരി, തിരുച്ചെങ്കോട്, പദ്മഗിരി, മംഗളഗിരി, വേദഗിരി എന്നീ മലകളാണ് ഇവ.