Search
  • Follow NativePlanet
Share
» »വിദ്യാരംഭം: വാഗ്‌ദേവതയുടെ അനുഗ്രഹം നേടാന്‍ ഈ ക്ഷേത്രങ്ങള്‍

വിദ്യാരംഭം: വാഗ്‌ദേവതയുടെ അനുഗ്രഹം നേടാന്‍ ഈ ക്ഷേത്രങ്ങള്‍

വിദ്യാദേവതയുടെ അനുഗ്രഹം നേടാനും എഴുത്തിനിരുത്താനും പേരുകേട്ട ക്ഷേത്രങ്ങളെ പരിചയപ്പെടാം...

By Elizabath

ആദ്യമായി കുട്ടികളെ അക്ഷരങ്ങള്‍ എഴുതിക്കുന്ന ചടങ്ങാണ് വിദ്യാരംഭം എന്ന് അറിയപ്പെടുന്നത്. ഹൈന്ദവരെ സംബന്ധിച്ചെടുത്തോളം ഏരെ പ്രാധാന്യമുള്ള ഈ ചടങ്ങ് നവരാത്രി പൂജയുടെ അവസാന ദിവസമായ വിജയദശമി ദിവസമാണ് വിദ്യാരംഭം നടത്തുക.
എല്ലാ ക്ഷേത്രങ്ങളിലും എഴുത്തിനിരുത്താമെങ്കിലും ചില ക്ഷേത്രങ്ങള്‍ ഏറെ പ്രസിദ്ധമാണ്. വിദ്യാദേവതയുടെ അനുഗ്രഹം നേടാനും എഴുത്തിനിരുത്താനും പേരുകേട്ട ക്ഷേത്രങ്ങളെ പരിചയപ്പെടാം...

കൊല്ലൂര്‍ മൂകാംബിക ക്ഷേത്രം

കൊല്ലൂര്‍ മൂകാംബിക ക്ഷേത്രം

വിദ്യാദേവതയെ ആരാധിക്കുന്ന ഭക്തരുടെ പ്രിയ ക്ഷേത്രമാണ് കര്‍ണ്ണാടകയിലെ ദക്ഷിണ കന്നഡ ജില്ലയിലെ കൊല്ലൂരില്‍ സ്ഥിതി ചെയ്യുന്ന കൊല്ലൂര്‍ മൂകാംബിക ക്ഷേത്രം. ഇവിടുത്തെ ദേവി മൂകാംബികയുടെ വിഗ്രഹം ആദിശങ്കരന്‍ പ്രതിഷ്ഠിച്ചതാണെന്നാണ് വിശ്വാസം.

PC:Rojypala

ദിവസവും എഴുത്തിനിരുത്തുന്ന ക്ഷേത്രം

ദിവസവും എഴുത്തിനിരുത്തുന്ന ക്ഷേത്രം

വിജയദശമിക്ക് മാത്രമല്ല, വര്‍ശം മുഴുവനും ഇവിടെ എഴുത്തിനിരുത്താന്‍ സാധിക്കുമെന്നതാണ് കൊല്ലൂരിന്റെ പ്രത്യേകത.

PC:Yogesa

വിദ്യയില്‍ ഒന്നാമനാകാന്‍

വിദ്യയില്‍ ഒന്നാമനാകാന്‍

കൊല്ലൂര്‍ ക്ഷേത്രത്തില്‍ എഴുത്തിനിരുത്തുന്ന കുട്ടികള്‍ വിദ്യയില്‍ ഉന്നതരംഗത്ത് എത്തുമെന്നും കലാരംഗത്ത് അരങ്ങേറ്റം നടത്തുന്നവരെ പ്രശസ്തമാക്കുമെന്നും വിശ്വാസമുണ്ട്.

PC:Yogesa

നവരാത്രി കാലത്തെ ദര്‍ശനം

നവരാത്രി കാലത്തെ ദര്‍ശനം

മൂകാംബികയില്‍ നവരാത്രികാലത്ത് ദര്‍ശനം നടത്തുന്നത് ഏറ്റവും പുണ്യകരമായിട്ടാണ് അറിയപ്പെടുന്നത്.ഇവിടെ നിന്നും പ്രാര്‍ഥിക്കുന്ന കാര്യങ്ങള്‍ നടക്കുമെന്നാണ് വിശ്വാസം.

PC: Vinayaraj

കോട്ടയം പനച്ചിക്കാട് ക്ഷേത്രം

കോട്ടയം പനച്ചിക്കാട് ക്ഷേത്രം

വിദ്യയ്ക്കും അറിവിനും ഐശ്വര്യത്തിനുമായി ആളുകള്‍ എത്തിച്ചേരുന്ന മറ്റൊരു പ്രശസ്ത ക്ഷേത്രമാണ് കോട്ടയം ജില്ലയിലെ പനച്ചിക്കാട് മഹാവിഷ്ണു-സസ്വതി ക്ഷേത്രം.
ദക്ഷിണ മൂകാംബിക എന്ന പേരിലാണ് ഇവിടം അറിയപ്പെടുന്നത്.

മഹാനവമിക്കൊരുങ്ങാം..ദക്ഷിണ മൂകാംബികയില്‍ പോകാം.മഹാനവമിക്കൊരുങ്ങാം..ദക്ഷിണ മൂകാംബികയില്‍ പോകാം.

PC:Official Site

 ദിവസവും വിദ്യാരംഭം

ദിവസവും വിദ്യാരംഭം

കൊല്ലൂര്‍ ക്ഷേത്രത്തിലേപോലെ തന്നെ ഇവിടെയും ദിവസവും വിദ്യാരംഭം ഉണ്ട്. വിജയദശമി നാളില്‍ അഭൂതപൂര്‍വ്വമായ തിരക്ക് ഇവിടെ അനുഭവപ്പെടും. ഈ വര്‍ഷം സെപ്റ്റംബര്‍ 30ന് രാവിലെ നാലു മണിക്ക് പൂജയെടുപ്പോടെ വിദ്യാരംഭത്തിന് തുടക്കമാവും.

PC:Official Site.

ആവണംകോട് സരസ്വതി ക്ഷേത്രം

ആവണംകോട് സരസ്വതി ക്ഷേത്രം

കേരളത്തിലെ പ്രധാനപ്പെട്ട വിദ്യാരംഭ ക്ഷേത്രങ്ങളിലൊന്നാണ് എറണാകുളത്ത് സ്ഥിതി ചെയ്യുന്ന ആവണംകോട് സരസ്വതി ക്ഷേത്രംം. നൂറ്റെട്ടു ദുര്‍ഗ്ഗാലയങ്ങളില്‍ ഒന്നാമതാണെങ്കിലും ഇവിടെ സരസ്വതി ദേവിയാണ് കുടികൊള്ളുന്നത്. വിജയദശമി നാളില്‍ ഒട്ടേറെ ആളുകള്‍ ഇവിടെ എത്താറുണ്ട്.

PC:Ranjith Siji

ശിവഗിരി ശാരദാ ക്ഷേത്രം

ശിവഗിരി ശാരദാ ക്ഷേത്രം

ശ്രീനാരായണ ഗുരു പ്രതിഷ്ഠ നടത്തിയ ശിവഗിരി ശാരദാ ക്ഷേത്രം വര്‍ക്കലയ്ക്ക സമീപം ശിവഗിരിയിലാണ് സ്ഥിതി ചെയ്യുന്നത്. 1912ലാണ് ഗുരു ഇവിടെ പ്രതിഷ്ഠ നടത്തുന്നത്. ചരിത്രപ്രാധ്യാന്യമുള്ള ഈ ക്ഷേത്രത്തിലെ പ്രതിഷ്ഠ വെള്ളത്താമരയിലിരിക്കുന്ന സരസ്വതിയാണ്.

PC:Youtube

ടിവി പുരം സരസ്വതി ക്ഷേത്രം

ടിവി പുരം സരസ്വതി ക്ഷേത്രം

കേരളത്തിലെ ഏക സ്വയംഭൂ സരസ്വതി ക്ഷേത്രമെന്ന് കരുതപ്പെടുന്ന ടിവി പുരം സരസ്വതി ക്ഷേത്രം പ്രസിദ്ധമായ വൈക്കം ക്ഷേത്രത്തിന് 5 കിലോമീറ്റര്‍ അകലെയാണ് സ്ഥിതി ചെയ്യുന്നത്. എല്ലാ സമയവും സരസ്വതി ഭാവത്തിലുള്ള ഈ ക്ഷേത്രത്തില്‍ എന്നും കുട്ടികളെ എഴുത്തിനിരുത്താം.

PC: Official Page

ആറ്റുകാല്‍ ഭഗവതി ക്ഷേത്രം

ആറ്റുകാല്‍ ഭഗവതി ക്ഷേത്രം

തിരുവനന്തപുരം ജില്ലയിലെ പ്രശസ്ത ക്ഷേത്രമായ ആറ്റുകാല്‍ ഭഗവതി ക്ഷേത്രത്തില്‍ ആറ്റുകാലമ്മ എന്നറിയപ്പെടുന്ന ഭഗവതിയാണ് പ്രതിഷ്ഠ. പൊങ്കാലയ്ക്കു പേരു കേട്ട ഈ ക്ഷേത്രത്തില്‍ കുട്ടികളെ എഴുത്തിനിരുത്താനായി ധാരാളം ആളുകള്‍ ജില്ലയുടെ വിവിധ ഭാഗങ്ങളില്‍ നിന്നും എത്താറുണ്ട്.

PC:Vijayakumarblathur

ചോറ്റാനിക്കര ദേവി ക്ഷേത്രം

ചോറ്റാനിക്കര ദേവി ക്ഷേത്രം

എറണാകുളം ജില്ലയിലെ ചോറ്റാനിക്കര ഭഗവതി ക്ഷേത്രം വിദ്യാരംഭത്തിന് ഏറെ പ്രസിദ്ധമായ ക്ഷേത്രമാണ്. വെള്ളവസ്ത്രത്തില്‍ പൊതിഞ്ഞ് വിദ്യാദേവിയായ സരസ്വതിയായി പ്രഭാതത്തില്‍ ഇവിടെ ദേവിയെ ആരാധിക്കുന്നു. എറണാകുളത്തു നിന്നും 15 കിലോമീറ്റര്‍ അകലെയായാണ് ക്ഷേത്രം സ്ഥിതി ചെയ്യുന്നത്.

PC:Ssriram mt

പള്ളിക്കുന്ന് മൂകാംബിക ക്ഷേത്രം

പള്ളിക്കുന്ന് മൂകാംബിക ക്ഷേത്രം

കണ്ണൂര്‍ ജില്ലയിലെ പ്രശസ്തമായ ക്ഷേത്രമാണ് പള്ളിക്കുന്ന് മൂകാംബികാ ക്ഷേത്രം. സരസ്വതി ക്ഷേത്രമായ ഇവിടം കൊല്ലൂര്‍ മൂകാംബികയ്ക്കു ശേഷം പ്രസിദ്ധമായ മൂകാംബിക ക്ഷേത്രം കൂടിയാണ്. നവരാത്രിയും എഴുത്തിനിരുത്തും ഇവിടുത്തെ പ്രധാനപ്പെട്ട പരിപാടികളാണ്.

PC:RajeshUnuppally

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X