»ഫോണ് ഓഫ് ചെയ്തുപോകാം... ദ്വീപുകളിലെ സ്വര്ഗ്ഗത്തിലേക്ക്
ഫോണ് ഓഫ് ചെയ്തുപോകാം... ദ്വീപുകളിലെ സ്വര്ഗ്ഗത്തിലേക്ക്
Travel Guide
oi-Elizabeth Joseph
അറബിക്കടലിന്റെ നീലാകാശത്തിനു താഴെ കണ്ണുനീർ തുള്ളി ആകൃതിയിലുള്ള ഒരു ചെറു ദ്വീപ്! ബംഗാരം അറ്റോളിനെക്കുറിച്ചും അതിന്റെ പ്രത്യേകതകളെക്കുറിച്ചും വിശദമായി വായിക്കാം....
ആരും അറിയാത്ത ഇടം തേടി യാത്ര പോവുക....പുതിയ ഇടങ്ങളോളം സന്തോഷം മറ്റൊന്നിനും ഒരു സഞ്ചാരിക്ക് നല്കുവാനാവില്ല. അധികംപേരൊന്നും എത്തിയിട്ടില്ലാത്ത അങ്ങനെയൊരിടമുണ്ട്. യാത്രയുടെ ആഹ്ലാദങ്ങള് തേടിപ്പോകുന്നവര്ക്ക് ഒന്നുരണ്ടു ദിവസം ചിലവഴിച്ച് പ്രകൃതിയെയും നാടിനെയും ജീവിതരീതികളെയും പരിചയപ്പെടുവാന് പറ്റിയ ഒരിടം...ലക്ഷദ്വീപ് ദ്വീപിലെ ബംഗാരം അറ്റോൾ! അറബിക്കടലിന്റെ നീലാകാശത്തിനു താഴെ കണ്ണുനീർ തുള്ളി ആകൃതിയിലുള്ള ഒരു ചെറു ദ്വീപ്! ബംഗാരം അറ്റോളിനെക്കുറിച്ചും അതിന്റെ പ്രത്യേകതകളെക്കുറിച്ചും വിശദമായി വായിക്കാം....
വെറുതേയിരിക്കാം
കടലില് ഒന്നു മുങ്ങിക്കയറുന്നതിന്റെ സുഖം ഇവിടെയെത്തി വേണം അനുഭവിക്കുവാന്. മനസ്സിനും ശരീരത്തിനും ഒരുപോലെ ശാന്തത നല്കുവാന് കടല് തെറാപ്പി വളരെ മികച്ചതാണ്. ജലത്തിന്റെ ശാന്തതയെ മറികടക്കാൻ യാതൊന്നിനും കഴിയില്ല. കടലിലേക്കിറങ്ങുന്നത് താല്പര്യമില്ലാത്ത ആളാണെങ്കില് കടൽത്തീരത്ത് കിടക്കാനും അനന്തമായ സ്വപ്നങ്ങൾ കാണാനും സമയം ചിലവഴിക്കാം.
പ്രകൃതിയെ അറിയാം സന്തോഷിക്കാം
പുറം ലോകത്തിന്റെ മായകളോ കാഴ്ചകളോ ഇല്ലാതെ പ്രകൃതിയോട് ചേര്ന്നുള്ള കുറച്ച് ദിവസങ്ങളാണ് ബംഗാരം സഞ്ചാരികള്ക്ക് നല്കുന്നത്. മണൽ നിറഞ്ഞ ബീച്ചുകളിൽ പുറത്തിരുന്ന് ഭക്ഷണം കഴിക്കുന്നതും കിടിലന് കടല്ക്കാഴ്ചകളുള്ള കോട്ടേജില് താമസിക്കുന്നതും തിരമാലയുടെ ശബ്ദം കേട്ടുറങ്ങി അതിന്റെ ലാളനയില് ഉണരുന്നതും ഇവിടെ നിങ്ങള്ക്ക് ആസ്വദിക്കാം. മൊബൈല് ഫോണ് ഓഫ് ചെയ്ത് നിങ്ങളുടെ ലോകത്ത് നിങ്ങള് മാത്രമായി കുറച്ച് സമയം കണ്ടെത്തുക മാത്രമേ അതിനു വേണ്ടൂ!!
ഓര്മ്മിക്കാം
ലക്ഷദ്വീപില് മദ്യം ഉപയോഗിക്കുന്നതിന് വിലക്ക് ഉണ്ടെങ്കിലും ങ്ങും ഒക്കെ ആസ്വദിക്കുവാൻ സാധിക്കും. ലക്ഷദ്വീപില് മദ്യം ഉപയോഗിക്കാന് അനുവാദമുള്ള ഏക ദ്വീപ് ബംഗാരമാണ്.