ഇന്ത്യയെ സുന്ദരമാക്കുന്ന ഉദ്യാനങ്ങൾ!

മൈസൂരിലെ വൃന്ദാവൻ ഗാർഡൻ

കർണാടകയിലെ മൈസൂരിലാണ് ഈ ഗാർഡൻ സ്ഥിതി ചെയ്യുന്നത്. മുഗൾ ശൈലിയിൽ നിർമ്മിച്ച ഈ ഗാർഡൻ മൈസൂരിലെ കൃഷ്ണരാജസാഗരഡാമിനടുത്തായാണ് സ്ഥിതി ചെയ്യുന്നത്. കാശ്മീറിലെ ഷാലിമാർ ഗാർഡന്റെ ശൈലിയിലാണ് ഈ പൂന്തോട്ടം നിർമ്മിച്ചിരിക്കുന്നത്.

ചിത്രത്തിന് കടപ്പാട്: ashwin kumar

മുംബൈയിലെ ഹാംഗിംഗ് ഗാർഡൻ

മുംബൈയിലെ പ്രശസ്തമായ മലബാർ ഹില്ലിൽ ആണ് ഈ ഗാർഡൻ സ്ഥിതി ചെയ്യുന്നത്. ഫിറോസ മേത്ത ഗാർഡൻ എന്നാണ് ഈ പൂന്തോട്ടത്തിന്റെ ഔദ്യോഗിക നാമം. മലബാർ ഹില്ലിലെ പടിഞ്ഞാറ് വശത്തായാണ് ഈ പൂന്തോട്ടം സ്ഥിതി ചെയ്യുന്നത്. ഇവിടെ നിന്നാൽ അറബിക്കടലിലെ സൂര്യാസ്തമയം കാണാം ഇതു കാണാനായി ധാരാളം പേർ ഇവിടെ എത്താറുണ്ട്.

ചിത്രത്തിന് കടപ്പാട്: Nichalp

ചാണ്ഡിഗഢിലെ റോക്ക് ഗാർഡൻ

ഇന്ത്യയിലെ വ്യത്യസ്തമായ ഒരു ഗാർഡൻ ആണ് ഇത്. പലതരം ശില്പങ്ങളാണ് ഈ ഉദ്യാനത്തിന്റെ പ്രത്യേകത. ചാണ്ഡിഗഢിലെ സുഖ്ന തടാകത്തിന് അടുത്തായാണ് ഈ ഉദ്യാനം സ്ഥിതി ചെയ്യുന്നത്. പാഴ്വസ്തുക്കൾക്കൊണ്ടാണ് ഇവിടുത്തെ ശില്പങ്ങൾ നിർമ്മിച്ചിരിക്കുന്നത്. കുപ്പികൾ, കുപ്പിച്ചില്ലുകൾ, വളപ്പൊട്ടുകൾ, ഓട്ടിൻ കഷണങ്ങൾ, തുടങ്ങിയവ ഉപയോഗിച്ച് നിർമ്മിച്ച ശില്ങ്ങൾ കാണാൻ വളരെ സുന്ദരങ്ങളാണ്.

ചിത്രത്തിന് കടപ്പാട്: Giridhar Appaji Nag

ഡൽഹിയിലെ ലോദി ഗാർഡൻ

ഡൽഹിയിലാണ് ഈ പാർക്ക് സ്ഥിതി ചെയ്യുന്നത്. മുഹമ്മദ് ഷായുടെയും സിക്കന്ദർ ലോദിയുടെയും ശവകുടീരം ഇവിടെയാണ് സ്ഥിതി ചെയ്യുന്നത്. ഡൽഹിയിലുള്ളവർ പ്രഭാത സവാരി നടത്തുന്ന സ്ഥലമാണ് ഇത്.

ചിത്രത്തിന് കടപ്പാട്: PP Yoonus

പഞ്ച്കുളയിലെ പിഞ്ചോർ ഗാർഡൻ

ഹരിയാനയിലെ പഞ്ച്ഗുളയിലാണ് ഈ ഗാർഡൻ സ്ഥിതി ചെയ്യുന്നത്. ഇന്ത്യയിലെ മുഗൾഗാർഡനുകളിൽ വച്ച് സുന്ദരമായ ഒരു ഗാർഡനാണ് ഇത്. യാദവിന്ദ്ര ഗാർഡൻ എന്ന പേരിലും ഈ പൂന്തോട്ടം അറിയപ്പെടുന്നുണ്ട്.

ചിത്രത്തിന് കടപ്പാട്: Esben Agersnap

ശ്രീനഗറിലെ ഷാലിമാർ ബാഗ്

ശ്രീനഗറിനടുത്തള്ള പ്രശസ്തമായ ഡാൽ തടാകത്തിന്റെ കരയിലാണ് ഷാലിമാർ ബാഗ് എന്ന് അറിയപ്പെടുന്ന ഈ മുഗൾഗാർഡൻ സ്ഥിതി ചെയ്യുന്നത്. മുഗൾ ഭരണാധികാരിയായിരുന്ന ജഹാംഗീർ ആണ് അദ്ദേഹത്തിന്റെ ഭാര്യ നൂർ ജഹാന്റെ സ്മരണയ്ക്ക് ഈ പൂന്തോട്ടം നിർമ്മിച്ചത്.

ചിത്രത്തിന് കടപ്പാട്: (WT-en) Catchuec

ഡാർജിലിംഗിലെ റോക്ക് ഗാർഡൻ

ഡാർജിലിംഗിലെ പ്രശസ്തമായ ഗാർഡനാണ് ഇത്. ബാർബൊട്ടി ഗാർഡൻ എന്നും ഇത് അറിയപ്പെടുന്നു. സർ ജോൺ ആ‌ൻഡേർസൺ റോക്ക് ഗാർഡൻ എന്ന പെരിൽ മറ്റൊരു ഗാർഡനും കൂടി ഇവിടെയുണ്ട്.

ചിത്രത്തിന് കടപ്പാട്: s P.K.Niyogi

ശ്രീനഗറിലെ നിഷാത് ബാഗ്

ശ്രീനഗറിലെ ഷാലിമർ ബാഗിന് അടുത്ത് തന്നെയാണ് ഈ ഗാർഡൻ സ്ഥിതി ചെയ്യുന്നത്. ശ്രീനഗർ നഗരത്തിന് അടുത്തായി ഡാ‌ൽ തടാകക്കരയിലാണ് ഈ ഗാർഡൻ സ്ഥിതി ചെയ്യുന്നത്.

ചിത്രത്തിന് കടപ്പാട്: McKay Savage

അലഹബാദിലെ കമ്പനി ഗാർഡൻ

അലഹബാദിലെ ചന്ദ്രശേഖർ ആസാദ് പാർക്കാണ് കമ്പനി ഗാർഡൻ എന്ന പേരിൽ അറിയപ്പെടുന്നത്. അലഹബാദിലെ ഏറ്റവും വലിയ പാർക്കാണ് ഇത്.
ചിത്രത്തിന് കടപ്പാട്: Lara van Dyk

ബാംഗ്ലൂരിലെ ലാൽ ബാഗ്

ബാംഗ്ലൂരിലെ പ്രശസ്തമായ ബോട്ടോണിക്കൽ ഗാർഡൻ ആണ് ഇത്. റെഡ് ഗാർഡൻ എന്ന പേരിലും ഈ പാർക്ക് അറിയപ്പെടുന്നുണ്ട്. ബാംഗ്ലൂരിലെ പ്രശസ്തമായ ടൂറിസ്റ്റ് ആകർഷണമാണ് ഈ ഗാർഡൻ.

ചിത്രത്തിന് കടപ്പാട്: Ashishsharma04

ശ്രീനഗറിലെ തുളിപ് ഗാർഡൻ

ഏഷ്യയിലെ ഏറ്റവും വലിയ തുളിപ്പ് ഗാർഡനായ ഇന്ദിരാഗാന്ധി മെമ്മോറിയൻ തുളിപ്പ് ഗാർഡൻ സ്ഥിതി ചെയ്യുന്നത് ശ്രീനഗറിലാണ്. സബർവാൻ മലനിരകളുടെ അടിവാരത്താണ് ഈ ഗാർഡൻ സ്ഥിതി ചെയ്യുന്നത്.

ചിത്രത്തിന് കടപ്പാട്: Abdars