സഞ്ചാരികളെ സംബന്ധിച്ചെടുത്തോളം യാത്രകളില് ഹോട്ടല് മുറികള് എന്നത് ആ ദിവസത്തിന്റെ ക്ഷീണം തീര്ത്ത് പിറ്റേന്നത്തെ യാത്രകള്ക്കുള്ള ഊര്ജം സമ്പാദിക്കുന്നതിനുള്ള ഇടങ്ങളാണ്. രാത്രിയില് ഒന്നുവിശ്രമിക്കുക എന്നതിലുപരിയായി ഒന്നുംതന്നെയില്ല. പക്ഷേ, കുടുബവുമായി, അല്ലെങ്കില് വളരെ 'റിലാക്സ്' ചെയ്ത് യാത്ര പോകുന്നവര്ക്കോ നടന്നുകാണുവാനല്ലാതെ, ഒരു റിസോര്ട്ടുകളിലെ താമസത്തിനോ മാത്രമോയോ ഒക്കെ യാത്ര പോകുന്നവര്ക്ക് താമസിക്കുന്ന ഹോട്ടലുകള് വളരെ പ്രധാനപ്പെട്ടവയായിരിക്കും. അവര് നല്കുന്ന സൗകര്യങ്ങളും സേവനങ്ങളും എല്ലാം വിലമതിക്കുമ്പോഴും ഈ സേവനങ്ങള് സ്വീകരിക്കുന്ന ആളുകള് എന്ന നിലയില് ചില കാര്യങ്ങള് നമ്മള് ശ്രദ്ധിക്കുവാനുണ്ട്. ഒരു ഹോട്ടൽ മുറിക്കുള്ളിൽ നമ്മൾ ഒരിക്കലും ചെയ്യാൻ പാടില്ലാത്ത ചില കാര്യങ്ങള് എന്തൊക്കെയാണ് എന്നു നോക്കാം...
മിനിബാര് റീസ്റ്റോക്ക് ചെയ്യുന്നത്
ആഢംബര ഹോട്ടലുകളില് നിങ്ങളുടെ റൂമില് ബിവറേജും മറ്റും വയ്ക്കുന്ന ചെറിയ മിനി ബാര് അല്ലെങ്കില് ഹോട്ടല് ഫ്രിഡ്ജ് കാണും, ഇത് നിങ്ങളുടെ ആവശ്യങ്ങള്ക്കായി തന്നെ സൂക്ഷിച്ചിരിക്കുന്നതാണ്. ഇതില് നിന്നും ഒരു ബോട്ടില് എടുക്കാല് ഹോട്ടല് പറയുന്ന തുക നല്കുവാന് നിങ്ങള് ബാധ്യസ്ഥരുമാണ്. പലപ്പോഴും അതിഥികള് ഒരു ബോട്ടില് മുഴുവനായും ഉപയോഗിച്ച ശേഷം അതില് കോള നിറച്ച് വയ്ക്കുന്നത് പല ഹോട്ടലുകളും റിപ്പോര്ട്ട് ചെയ്തിട്ടുണ്ട്.
ബെഡ് കൃത്യമായി പരിശോധിക്കാത്തത്
നിങ്ങൾ കട്ടിലിൽ ഇരിക്കുന്നതിന് മുമ്പ് കിടക്കയുടെയും മെത്തയുടെയും ഓരോ കോണിലും എപ്പോഴും പരിശോധിക്കുന്നത് ഉറപ്പാക്കുക. ബെഡ്ബഗ്ഗുകളോ കട്ടിലിൽ പൊടിപിടിച്ച മറ്റെന്തെങ്കിലുമോ ഉണ്ടെങ്കില് അതില് നിന്നും രക്ഷപെടാം.
വാതിലുകള് അടയ്ക്കാം
നിങ്ങള് ഹോട്ടല് മുറിക്കുള്ളില് ചൂടുവെള്ളത്തിലോ മറ്റോ കുളിക്കുകയാണെങ്കില് ശുചിമുറിയുടെ വാതിൽ ശരിയായി പൂട്ടുന്നത് ഉറപ്പാക്കുക. വാഷ്റൂമിൽ നിന്ന് ആവി മുറിയിലേക്ക് വന്നാൽ അതിന് ഫയർ അലാറം ഓണാക്കാനാകും. ഇത് അനാവശ്യ ബഹളത്തിനും കാരണമായേക്കും.