ട്രെയിന് നമ്മുടെ യാത്രകളെ ഏറ്റവും എളുപ്പവും ചിലവ് കുറവുള്ളതും ആക്കി മാറ്റുന്നു എന്ന കാര്യത്തില് സംശയമില്ല. ഇന്ത്യയിലെ എല്ലാ പ്രധാന നഗരങ്ങളിലേക്കും ഗ്രാമങ്ങളിലേക്കും ട്രെയിനുകള് എത്തിച്ചേരുന്നു. എന്നാല്, സമയം തെറ്റിയോടുന്ന ട്രെയിനുകള് നമ്മുടെ യാത്രാപ്ലാനുകളെ മൊത്തത്തില് തകിടം മറിക്കാറുണ്ട്. പല കാരണങ്ങളാല് ഒന്നോ രണ്ടോ മണിക്കൂര് മുതല് ഒരു ദിവസം വരെയൊക്കെ വൈകുന്ന ട്രെയിനുകളെക്കുറിച്ച് നമ്മള് കേട്ടിട്ടുണ്ട്. ഇത്തരം അവസരങ്ങളില് യാത്രകള് മറ്റൊരവസരത്തിലേക്ക് നീട്ടിവയ്ക്കുകയോ അല്ലെങ്കില് ട്രെയിനിന്റെ സമയത്തിനനുസരിച്ച് യാത്ര ചെയ്യുകയോ ആണ് സാധാരണ ചെയ്യുന്നത്. എന്നാല് ഒരു യാത്രക്കാരനെന്ന നിലയില് നിങ്ങള്ക്ക് ഇതാണോ ചെയ്യുവാനുളളത്? ഒരിക്കലുമല്ല. ട്രെയിൻ വൈകിയാൽ ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷൻ നിങ്ങൾക്ക് സൗജന്യമായി ചില സേവനങ്ങള് നല്കുന്നു. അവ ഏതൊക്കെയാണെന്നും എങ്ങനെ ലഭ്യമാകുമെന്നും നോക്കാം.
നല്കുന്ന ഭക്ഷണങ്ങള്
രാവിലെ അല്ലെങ്കില് വൈകുന്നേരത്തെ ലഘുഭക്ഷണമായി നിങ്ങൾക്ക് നാല് ബ്രെഡ് കഷ്ണങ്ങൾ (വൈറ്റ് അല്ലെങ്കില് ബ്രൗണ് ബ്രെഡ്, 1 ബട്ടർ ചിപ്ലെറ്റ് (8-10 ഗ്രാം), എന്നിവയും കുടിക്കുവാനായി ടെട്രാ പാക്കിൽ 200 മില്ലി ഫ്രൂട്ട് ഡ്രിങ്ക് അല്ലെങ്കില് ചായയോ കാപ്പിയോ തിരഞ്ഞെടുക്കാം.
പഞ്ചസാരയും ഷുഗര് ഫ്രീ സാഷെകളും (7ഗ്രാം) ഒരു മില്ക്ക് ക്രീം സാഷെയും (5ഗ്രാം) ഇതിനൊപ്പം ലഭിക്കും.
ഉച്ചഭക്ഷണം/അത്താഴം രണ്ട് ഡൈനിംഗ് ഓപ്ഷനുകൾ ലഭ്യമാണ്.
ആദ്യ ഓപ്ഷനിൽ, നിങ്ങൾക്ക് 200 ഗ്രാം അരി, നിങ്ങൾ തിരഞ്ഞെടുക്കുന്നതുപോലെ 100 ഗ്രാം മഞ്ഞ ദാൽ അല്ലെങ്കിൽ രാജ്മ ചോലെ, 15 ഗ്രാം അച്ചാർ സാഷെ എന്നിവ ലഭിക്കും.
രണ്ടാമത്തെ ഡൈനിംഗ് ഓപ്ഷനിൽ, നിങ്ങൾക്ക് ഏകദേശം 175 ഗ്രാം വരുന്ന ഏഴ് പൂരികൾ, 100 ഗ്രാം മിക്സഡ് പച്ചക്കറികൾ അല്ലെങ്കിൽ ആലു ബജി, 15 ഗ്രാം അച്ചാറ്, ഉപ്പ്, പേപ്പർ എന്നിവ ലഭിക്കും.