മലമുകളിലേക്കുള്ള ട്രക്കിങ്ങിന് ആദ്യമായി പോകുന്നവരെ സംബന്ധിച്ച് ധാരാളം സംശയങ്ങള്‍ ഉണ്ടാവുക സ്വാഭാവീകമാണ്.
വ്യത്യസ്തമായ ഒട്ടേറെ ട്രക്കിങ്ങ് റൂട്ടുകളും സ്ഥലങ്ങളും നമ്മുടെ രാജ്യത്തുണ്ട്.
തിരക്കുകളില്‍ നിന്നു രക്ഷപെട്ട് ഓടാന്‍ മാത്രമല്ല പലരും ട്രക്കിങ്ങിനു പോകുന്നത്. സാഹസികതയും യാത്രകളും ഇഷ്ടപ്പെടുന്നവരാണ് ട്രക്കിങ്ങിന്റെ പ്രധാന ആരാധകര്‍.
മലമുകളിലേക്കുള്ള ട്രക്കിങ്ങിന് ആദ്യമായി പോകുന്നവരെ സംബന്ധിച്ച് ധാരാളം സംശയങ്ങള്‍ ഉണ്ടാവുക സ്വാഭാവീകമാണ്. ആദ്യട്രക്കിങ്ങിനു പോകുമ്പോള്‍ ശ്രദ്ധിക്കേണ്ട കുറച്ചു കാര്യങ്ങള്‍...
ശരിയായ വസ്ത്രങ്ങള്‍
സാധാരണ യാത്രയ്ക്കു പോകുമ്പോഴുള്ള വസ്ത്രങ്ങളല്ല ട്രക്കിങ്ങിനു വേണ്ടത്.വെള്ളം കടക്കാത്ത, വെളിച്ചത്തെയും കാറ്റിനെയും പ്രതിരോധിക്കുവാന്‍ കഴിയുന്ന വസ്ത്രങ്ങളാണ് ട്രക്കിങ്ങിനു പോകുമ്പോള്‍ തിരഞ്ഞെടുക്കേണ്ടത്.
ബാഗ് കുത്തിനിറച്ചുകൊണ്ടായിരിക്കരുത് യാത്ര പുറപ്പെടേണ്ടത്. കഴിവതും അത്യാവശ്യമുള്ള കുറച്ച് സാധനങ്ങള്‍ മാത്രം എടുത്ത് ഭാരം കുറച്ചായിരിക്കണം ബാഗ് പാക്ക് ചെയ്യേണ്ടത്.
ടെന്റ്, തണുപ്പിനെ പ്രതിരോധിക്കാന്‍ കഴിയുന്ന വസ്ത്രങ്ങള്‍ തുടങ്ങിയവ വാങ്ങിക്കാതിരിക്കുന്നതാണ് നല്ലത്. മിക്ക ട്രക്കിന്റെയും ബേസ് ക്യാംപില്‍ നിന്നും ഇത്തരം സാധനങ്ങള്‍ വാടകയ്ക്ക് ലഭിക്കും. എന്നാല്‍ യാത്രയ്ക്കു മുന്‍പ് ഇവയുടെ ലഭ്യത ഉറപ്പ് വരുത്തിയിരിക്കണം.
ആവശ്യത്തിന് വിശ്രമിക്കാതെയുള്ള യാത്രകള്‍ ശരീരത്തെ കൂടുതല്‍ ക്ഷീണിപ്പിക്കും. അതിനാല്‍ കൃത്യമായ ഇടവേളകളില്‍ വിശ്രമിച്ച ശേഷം മാത്രം യാത്ര തുടരുക
മദ്യപിച്ച് ട്രക്ക് ചെയ്യരുത്
മദ്യപാനം ഉള്‍പ്പെടെയുള്ള ശീലങ്ങള്‍ മാറ്റിവെച്ചിട്ടുവേണം ട്രക്ക് ചെയ്യാന്‍. ഇത് ഒട്ടും ആരോഗ്യകരമല്ല.
കൂടെയുള്ളവരെ ബഹുമാനിക്കുക
നിങ്ങള്‍ യാത്ര ചെയ്യുന്നതുപോലെ തന്നെ യാത്രയ്ക്കായി വന്നിരിക്കുന്നവരാണ് കൂടെയുള്ളവരും. അതിനാല്‍ അവരെ ബഹുമാനിക്കുക. പരസ്പരം സഹായിച്ചു മാത്രമേ യാത്ര പൂര്‍ത്തിയാക്കാന്‍ കഴിയൂ എന്ന് എപ്പോഴും ഓര്‍മ്മിക്കുക.
കഴിവതും ഒറ്റയ്ക്ക് യാത്ര ചെയ്യാതിരിക്കുക. യാത്രയില്‍ പാമ്പു കടിയേല്‍ക്കാനും മുറിവേല്‍ക്കാനും അസുഖം ബാധിക്കാനും ഏറെ എളുപ്പമാണ്. അതിനാല്‍ കൂട്ടമായി മാത്രം ട്രക്ക് ചെയ്യുക
Click it and Unblock the Notifications
.jpg){kind=link}
.jpg){kind=link}
#/media/File:Backpacking_in_polish_carpathians_cm01.jpg){kind=link}
.jpg){kind=link}
