ചെറിയ ചില കാര്യങ്ങള് ശ്രദ്ധിച്ചാല് ഈ ബുദ്ധിമുട്ടുകള്ക്ക് പരിഹാരമുണ്ടാക്കാം... ഇതാ യാത്രയില് പരീക്ഷിക്കുവാന് സാധിക്കുന്ന സ്മാര്ട് ട്രാവല് ടിപ്സുകള് നോക്കാം
പെട്ടന്നൊരു ബാഗ് പാക്ക് ചെയ്ത് യാത്ര പുറപ്പെടുന്നവര് നമ്മുടെ ഇടയില് നിരവധിയുണ്ട്. എന്നാല് ഇങ്ങനെ പോകുമ്പോള് പല അത്യാവശ്യ കാര്യങ്ങളും മറന്ന് പോകുന്നത് പുതുമയുള്ള ഒരു കാര്യമല്ല. ഫോണ് എടുക്കുമെങ്കിലും ചാര്ജര് മറക്കുന്നതും ക്യാമറയില് മെമ്മറി കാര്ഡ് ഇടാന് മറന്നുപോയി യാത്രയില് പണി കിട്ടിയവരും ചുരുക്കമല്ല. കൂട്ടുകാര്ക്കൊപ്പമാണ് പോകുന്നതെങ്കില് ഇത് വലിയൊരു പ്രശ്നമായിരിക്കില്ല. പക്ഷേ, തനിച്ചുള്ള യാത്രയെ ഓരോ ചെറിയ കാര്യങ്ങളും ബാധിക്കും. എന്നാല് ചെറിയ ചില കാര്യങ്ങള് ശ്രദ്ധിച്ചാല് ഈ ബുദ്ധിമുട്ടുകള്ക്ക് പരിഹാരമുണ്ടാക്കാം... ഇതാ യാത്രയില് പരീക്ഷിക്കുവാന് സാധിക്കുന്ന സ്മാര്ട് ട്രാവല് ടിപ്സുകള് നോക്കാം
മാപ്സ്
യാത്രകളില് ഗൂഗിളിന്റെ ഏറ്റവും വലിയ സംഭാവനകളിലൊന്ന് ഗൂഗിള് മാപ്പ്. ഏതു സ്ഥലത്തു ചെന്നാലും വഴി കാണിക്കുവാന് ഗൂഗിള് മാപ്പുള്ളത് യാത്രകളെ എളുപ്പമുള്ളതാക്കുന്നു. ചില സമയത്ത് തെറ്റായ വഴി കാണിക്കുന്നു എന്ന ആരോപണവും ഗൂഗിളിനുണ്ട്. നെറ്റ്വര്ക്ക് ഇല്ലാത്ത പ്രദേശത്താണെങ്കില് ഗൂഗിള് മാപ്പ് പ്രവര്ത്തിച്ചേക്കില്ല. അതിനു പരിഹാരം കയ്യില് പോകുന്ന പ്രദേശത്തിന്റെ ഭൂപടം കയ്യില് കരുതുക എന്നതാണ്.