ഒറ്റയ്ക്കോ കൂട്ടുകാരുടെയോ ഒപ്പം പോകുമ്പോൾ യാത്രകൾ ഏറെ സുഖമാണ്. ഒന്നും നോക്കാതെ വെറുതെ ഒരു ബാഗും പാക്ക് ചെയ്തുള്ള യാത്ര... ഇനി യാത്ര കുടുംബത്തിന്റെ കൂടെയാണെങ്കിൽ പെട്ടു എന്നു തന്നെ പറയാം...യാത്രയുടെയും രസത്തിന്റെയും കാര്യത്തിൽ കോംപ്രമൈസുകൾ ഒന്നും വേണ്ടെങ്കിലും കുട്ടികളെ ഒപ്പം കൂട്ടുമ്പോൾ ശ്രദ്ധിക്കുവാൻ ഒരായിരം കാര്യങ്ങളുണ്ട്. ചിലവിന്റെ കാര്യം മുതൽ സുരക്ഷിതത്വം വരെ ആലോചിക്കുമ്പോൾ മിക്കവരും ഇത്തരം യാത്രകള് ഒഴിവാക്കുകയാണ് പതിവ്. എന്നാൽ യാത്രാ ചെലവ് റോക്കറ്റ് പോലെ കുതിക്കുമെന്ന പേടിയിൽ ഇനി കുടുംബത്തെ യാത്രയ്ക്ക് കൂട്ടാതിരിക്കേണ്ട കാര്യമില്ല. ചില ചെറിയ കാര്യങ്ങളിൽ ശ്രദ്ധിച്ചാൽ വളരെ കുറഞ്ഞ ചിലവിൽ യാത്ര പോയി വരാം...