പണ്ട് പണ്ട്...ലോകം ഭരിച്ചിരുന്ന ഇടങ്ങളുടെ ഇപ്പോഴത്തെ അവസ്ഥ!
ഒരിക്കല് ആളും ആരവവും നിറഞ്ഞിരുന്ന ഇടങ്ങള്... എന്തിനും ഏതിനും ജനങ്ങളുണ്ടായിരുന്ന സ്ഥലം... എന്നാല് അവിടം ഇപ്പോള് ഉപേക്ഷിക്കപ്പെട്ട നിലയിലാണ്. പ്രേതഭവനങ്ങള് പോലെ അനാഥമാക്കപ്പെട്ട,
ആരും നോക്കാനില്ലാതെ കിടക്കുന്ന കുറച്ച് സ്ഥലങ്ങള്... ചരിത്രത്തില് ഇടം നേടിയെങ്കിലും ആളുകളാല് ഉപേക്ഷിക്കപ്പെട്ട അപൂര്വ്വ സ്ഥലങ്ങളുടെ വിശേഷങ്ങള്..
PC:Shivam22383
ഹംപി, കര്ണ്ണാടക
റോസ് ഐലന്ഡ്, ആന്ഡമാന്
1941 ല് ഇവിടെ ഉണ്ടായ ഒരു ഭൂമികുലുക്കത്തെത്തുടര്ന്നാണ് ഇന്നു കാണുന്ന രീതിയില് ഈ ദ്വീപ് ഒറ്റപ്പെട്ടും ആല്പ്പാര്പ്പില്ലാതെയും മാറിയത്
ഡാനിയേല് റോസ് എന്ന് പേരുള്ള മറൈന് സര്വേയറുടെ പേരില് നിന്നാണ് ഈ ദ്വീപിന് റോസ് ദ്വീപ് എന്ന പേരുണ്ടായത്. ഇന്ത്യയുടെ സ്വാതന്ത്ര്യ സമരത്തിന്റെ ത്യാഗ സ്മരണകള് ഇരമ്പുന്ന ഒരു സ്ഥലം കൂടിയാണ് ഇവിടെ. സ്വാതന്ത്ര്യ സമരത്തിന്റെ പേരില് തടവിലാക്കപ്പെട്ടവര് നിര്മ്മിച്ച നിര്വധി കെട്ടിടങ്ങള് ഇവിടെയുണ്ടായിരുന്നു.
ചിക്താന്, ലഡാക്ക്
ഡ്രാക്കുളയുടെ കൊട്ടാരത്തിന്റെ ഇന്ത്യന് വേര്ഷന് എന്നറിയപ്പെടുന്ന കോട്ടയാണ് ലഡാക്കിലെ ചിക്താന്. ഒരു വലിയ കുന്നിന്റെ മുകളില് മുറിഞ്ഞ നിലയില് കാണപ്പെടുന്ന ഈ കോട്ട പതിനാറാം നൂറ്റാണ്ടിലാണ് നിര്മ്മിക്കപ്പെട്ടത്. ഇത്രയും വലിയൊരു കുന്നിന്റെ മുകളില് 9 നിലകളിലായാണ് ഇത് നിര്മ്മിക്കപ്പെട്ടിരിക്കുന്നത്. ഇന്ന് ഏറെക്കുറെ നശിപ്പിക്കപ്പെട്ട നിലയിലാണ് ഈ കോട്ടയുള്ളത്. ഒരു കാലത്ത് കോട്ടയിലും താഴ് വാരത്തുമായി ആളുകള് താമസിച്ചിരുന്നെങ്കിലും ഇന്ന ഇവിടം ഒറ്റപ്പെട്ട നിലയിലാണ്.
ധനുഷ്കോടി
ധനുഷ്കോടിയുടെ ഇന്നു കാണുന്ന ഉപേക്ഷിക്കപ്പെട്ട അവസ്ഥയ്ക്ക് കാരണമായത് 1964 ഡിസംബറില് വീശിയ ചുഴലിക്കൊടുങ്കാറ്റാണ്. ഡിസംബര് 22ന് ആരംഭിച്ച മഴയും കടല് ക്ഷോഭവും അവസാനിച്ചത് ധനുഷ്കോടിയിലെ ജീവന്റെ ശേഷിപ്പുകളെ എടുത്തുകൊണ്ടായിരുന്നു.
തകര്ന്ന റെയില്വേ ലൈനുകളും ആളൊഴിഞ്ഞ കെട്ടിടങ്ങളും മരുഭൂമി പോലെ കിടക്കുന്ന സ്ഥലങ്ങളും ഒക്കെ ചേര്ന്ന് ധനുഷ്കോടിക്ക് നല്കുന്നത് ഒരു പ്രേതനഗരത്തിന്റെ മട്ടും ഭാവവുമാണ്.
ഇന്ത്യയെയും ശ്രീലങ്കയെയും തമ്മില് ബന്ധിപ്പിച്ചിരുന്നു എന്നു വിശ്വസിക്കുന്ന രാമസേതു ഇവിടെയാണ് ഉണ്ടായിരുന്നത്.
കാലവന്തിന് ദുര്ഗ്
500 ബി സിക്ക് മുന്പ് ബുദ്ധന്റെ കാലഘട്ടത്തില് തന്നെ ഈ കോട്ട ഉണ്ടായിരുന്നു എന്നാണ് പറയപ്പെടുന്നത്.
ചെങ്കുത്തായ പര്വ്വതശിഖരത്തിന്റെ മുകള് തട്ടില് 700 മീറ്റര് ഉയരത്തിലാണ് ഈ കോട്ട സ്ഥിതി ചെയ്യുന്നത്. സ്റ്റെപ്പുകള് കയറി വേണം ഈ കോട്ടയില് എത്താന്. ലോകത്തിലെ തന്നെ കയറുവാന് ഏറ്റവും ബുദ്ധിമുട്ടുള്ള കോട്ടകളില് ഒന്നാണിത്.
കുല്ധാര രാജസ്ഥാന്
പലിവാല് എന്ന വിഭാഗത്തില് പെട്ട ബ്രാഹ്മണന്മാര് ആയിരുന്നു ഇവിടുത്തെ താമസക്കാര്. രാജ്യത്തിന്റെ നിയമമനുസരിച്ച് മന്ത്രിയായ സലിം സിങ്ങിന് ഇവര് നികുതി നല്കേണ്ടതുണ്ടായിരുന്നു. ഒരിക്കല് ഗ്രാമത്തില് സന്ദര്ശനത്തിനെത്തിയ മന്ത്രി ഗ്രാമമുഖ്യന്റെ മകളെ കണ്ട് ഇഷ്ടപ്പെടുകയും അവളെ വിവാഹം ചെയ്ത് തരണമെന്ന് അവരോട് ആവശ്യപ്പെടുകയും ചെയ്തു. അല്ലാത്തപക്ഷം ഗ്രാമത്തിന്റെ നികുതി വര്ധിപ്പിക്കുമെന്നും ഭീഷണിപ്പെടുത്തി. ആ പെണ്കുട്ടിയുടെ മാനം രക്ഷിക്കാനായി കുല്ധാര ഗ്രാമം അടുത്തുള്ള 84 ഗ്രാമങ്ങളോടും ചേര്ന്ന് ഇരുട്ടിവെളുക്കുന്നതിനു മുന്പ് ഇവിടം വിട്ടുപോയി എന്നാണ് പറയപ്പെടുന്നത്.
എന്തുതന്നെയായാലും ഇപ്പോള് ഇവിടം ആള്ത്താമസമില്ലാത്ത ഒരിടമാണ്.
PC: Suman Wadhwa
ഭാംഗഡ് ഫോര്ട്ട്
മാര്ത്താണ്ഡ് സൂര്യക്ഷേത്രം
ഇസ്ലാമിക് ഭരണാധികാരിയായിരുന്ന സിക്കന്ദര് ബുട്ഷികന് ഇവിടെ ആക്രമിക്കുകയുണ്ടായി. അന്ന നശിപ്പിക്കപ്പെട്ട നിലയില് തന്നെയാണ് ക്ഷേത്രം ഇപ്പോളും കാണപ്പെടുന്നത്. മുഴുവനായും ചിതറിയ നിലയിലാണ് ഇതുള്ളത്. ആര്ക്കിയോളജിക്കല് സര്വ്വേ ഓഫ് ഇന്ത്യയുടെ പ്രധാനപ്പെട്ട സ്ഥലങ്ങളിലൊന്നാണിത്.
ഗണ്ടിക്കോട്ട
ഇന്ത്യന് വേര്ഷന് ഓഫ് ഗ്രാന്ഡ് കാന്യന് എന്നാണ് അറിയപ്പെടുന്നത്. ക്ഷേത്രങ്ങളും ഇസ്ലാമിക് ആരാധനാലയങ്ങളും കാണപ്പെടുന്ന ഇവിടം പെണ്ണാര് നദിക്കരയിലാണ് സ്ഥിതി ചെയ്യുന്നത്. ചാലൂക്യ രാജവംശത്തില് പെട്ട കാപ്പ രാജാവാണ് ഈ കോട്ട പണികഴിപ്പിച്ചത്.
PC: solarisgirl
ഫത്തേപൂര് സിക്രി, ആഗ്ര
നളന്ദ സര്വ്വകലാശാല
ലോകത്തിലെ ആദ്യത്തെ അന്താരാഷ്ട്ര റസിഡന്ഷ്യന് സര്വ്വകലാശാലയായിരുന്ന നളന്ദ അക്കാലത്തെ ഏറ്റവും വലിയ ബുദ്ധമത വൈജ്ഞാനിക കേന്ദ്രം കൂടിയായിരുന്നു. അഞ്ചാം നൂറ്റാണ്ടില് ഗുപ്ത രാജാക്കന്മാരാല് സ്ഥാപിക്കപ്പെട്ട ഈ സര്വ്വകലാശാല ലോകത്തിലെ ആദ്യത്തെ മഹദ്സര്വ്വകലാശാലയും ആയിരുന്നു. എന്നാല് വളരെ പെട്ടന്നാണ് സര്വ്വകലാശാല നശിപ്പിക്കപ്പെട്ടത്.
അതിനുശേഷം പിന്നീട് ഇവിടം പൂര്ണ്ണമായുമ ഉപേക്ഷിക്കപ്പെട്ട നിലയിലായി.
PC:myself
ബതേശ്വര് ക്ഷേത്രം
മധ്യപ്രദേശില് ഗ്വാളിയാറില് നിന്നും 35 കിലോമീറ്റര് അകലെ സ്ഥിതി ചെയ്യുന്ന മൊറേന എന്ന സ്ഥലത്താണ് ഈ ക്ഷേത്രങ്ങള് സ്ഥിതി ചെയ്യുന്നത്.
മലൂട്ടി ക്ഷേത്രങ്ങള്
ഐഹോളെ
ചാലൂക്യന്മാരുടെ ഭരണകാലത്ത് നിര്മ്മിച്ച അതിശയിപ്പിക്കുന്ന ശില്പകലകളുള്ള ക്ഷേത്രങ്ങളാണ് ഐഹോളെയിലെ ഏറ്റവും പ്രധാനപ്പെട്ട പ്രത്യേകത. അഞ്ചാം നൂറ്റാണ്ടിനും ഏഴാം നൂറ്റാണ്ടിനും ഇടയില് നിര്മ്മിക്കപ്പെട്ട ക്ഷേത്രങ്ങളാണ് ഇവിടെയുള്ളത്.
കുറേക്കാലത്തോളും മറഞ്ഞുകിടന്നിരുന്ന ഇവിടം വളരെ പെട്ടന്നാണ് സഞ്ചാരികള്ക്കിടയില് പ്രശസ്തമായി തീര്ന്നത്.
ലാഘ്പത് ഗുജറാത്ത്
ഗാഡ് ഗുന്ദര്
ചമ്പനീര്പാവഗഢ്
ചമ്പനീര്പാവഗഢ് ഗുജറാത്തിലെ പഞ്ചമഹല് ജില്ലയിലാണ് സ്ഥിതി ചെയ്യുന്നത്. യുനസ്കോയുടെ ലോകപൈതൃക സ്മാരകങ്ങളുടെ പട്ടികയില് ഇടം നേടിയിരിക്കുന്ന ഇവിടെ
കൊട്ടാരങ്ങള്, പ്രവേശന കവാടങ്ങള്, പുരാതന കമാനങ്ങള്, മസ്ജിദുകള്, ശവകുടീരങ്ങള്. ക്ഷേത്രങ്ങള്, പാര്പ്പിട യോഗ്യമായ കെട്ടിടസമുച്ഛയങ്ങള്, കാര്ഷിക ഘടനകളായ കിണറുകള്, ജലസംഭരണികള് എന്നിവയാണ് പ്രധാന ആകര്ഷണങ്ങള്.
ഷെട്ടിഹള്ളി റോസറി ചര്ച്ച്
സര്ക്കാര് 1960ല് സ്ഥാപിച്ച ഹേമാവതി ഡാമിന്റെ റിസര്വോയറിന്റെ ഭാഗമായി മാറുന്നതുവരെ ഈ ഗ്രാമത്തില് ആളുകള് ഉണ്ടായിരുന്നു. റിസര്വോയറിന്റെ ഭാഗമായി മാറിയതോടെ അടിക്കടിയുണ്ടാകുന്ന വെള്ളപ്പൊക്കം ഗ്രാമീണരെ ഇവിടെനിന്നും മാറിതാമസിക്കുന്നതിന് നിര്ബന്ധിതരാക്കി. തുടര്ന്ന് ദേവാലയവും സമീപ പ്രദേശങ്ങളും ഒറ്റപ്പെടുകയായിരുന്നുവത്രെ.
PC: Bikashrd