കുറഞ്ഞ ചിലവിൽ എങ്ങനെ ജീവിക്കണം എന്നറിയാവുന്നവര് മലയാളികളോളം ആരും കാണില്ല. എവിടെയാണെങ്കിലും ചിലവ് ചുരുക്കിയും പിശുക്കിയും ഒക്കെ ജീവിക്കുവാൻ നമ്മളെ കഴിഞ്ഞേ ആളുകളുള്ളൂ. നമ്മുടെ രാജ്യത്തു തന്നെ ജീവിക്കുമ്പോള് വ്യത്യസ്തതകളുടെ ഒരു കൂട്ടമാണ് ചുറ്റിലുമുണ്ടാവുക. പലയിടത്തുനിന്നും മാറിമാറി താമസിച്ച് അവസാനം ഒരു നഗരത്തിലെത്തിയവർ. എന്നാൽ എവിടെ താമസിച്ചാലും ജീവിത ചിലവ് ഒരു പ്രശ്നം തന്നെയാണ്. ഓരോ ദിവസവും ഉയരുന്ന ചിലവുകളിൽ നിന്നും കുറച്ചൊക്കെ രക്ഷപെട്ട് ജീവിക്കാൻ പറ്റിയ കുറച്ച് ഇടങ്ങൾ നമ്മുടെ നാട്ടിലുണ്ട്. എവിടെയാണെങ്കിലും ഗ്രാമങ്ങളിലെ ജീവിതം എന്നും എപ്പോഴും സുഖകരം തന്നെയാണ്. എന്നാൽ എല്ലായ്പ്പോളും അത് സാധ്യമാവണമെന്നില്ല. ജോലിയും പഠനവും ഒക്കെയായി പോകുമ്പോൾ നഗരങ്ങള് തന്നെയായിരിക്കും ശരണം. എന്നാൽ ഇവിടെ ചിലവു കുറച്ചൊരു ജീവിതം സാധ്യമാകുമോ എന്നൊരു സംശയമില്ലേ? ഇതാ ഏറ്റവും കുറഞ്ഞ ചിലവിൽ ജീവിക്കുവാൻ കഴിയുന്ന ഇന്ത്യയിലെ പ്രധാന നഗരങ്ങൾ...