പൈതൃകത്തിനും സംസ്കാരത്തിനും വിശ്വാസങ്ങൾക്കും പേരുകേട്ട ഒരു നാട്ടിലൂടെ കെട്ടിടങ്ങളുടെ ഭംഗി നോക്കി യാത്ര ചെയ്താൽ എങ്ങനെയുണ്ടാവും.....ഒന്നും കാണാനുണ്ടാവില്ല എന്നു പറയുവാൻ വരട്ടെ...അതിപുരാതനമായ വാസ്തു വിദ്യകളും രീതികളും പിന്തുടരുന്ന നാടാകുമ്പോൾ അതിനു തക്ക കാഴ്ചകൾ എവിടെയെങ്കിലും കാണാതെയിരിക്കല്ലോ... പതിറ്റാണ്ടുകൾക്കു മുൻപ് നിർമ്മിക്കപ്പെട്ട്, ചരിത്രത്തിന്റെ ഭാഗമായി മാറിയിരിക്കുന്ന കുറച്ച് നിർമ്മിതികൾ.
അങ്ങനെയാണെങ്കിൽ ഇന്ത്യയിൽ ഇന്നു കാണാൻ സാധിക്കുന്ന, നിർമ്മാണ രീതി കൊണ്ട് വിസ്മയിപ്പിക്കുന്ന കുറച്ച് നിർമ്മിതികളെ പരിചയപ്പെടാം...
വിദ്യാശങ്കര ക്ഷേത്രം
12 സൂര്യ രാശികളുടെ പാതയ്ക്കനുസരിച്ച് നിർമ്മിക്കപ്പെട്ടിരിക്കുന്ന ക്ഷേത്രമാണ് വിദ്യാ ശങ്കര ക്ഷേത്രം. 12 സൂര്യ രാശികൾക്കുമായി ഇവിടെ 12 തൂണുകളുണ്ട്. ഇവിടുത്തെ പ്രത്യേകത എന്നു പറയുന്നത് ഓതു സൂര്യ രാശിയിലൂടെയാണോ കടന്നു പോകുന്നത്, സൂര്യ രശ്മികൾ ആ രാശിയ്ക്കായി നിർമ്മിച്ച തൂണിലായിരിക്കും അന്ന് ആദ്യം പതിക്കുക എന്നതാണ്. 14-ാം നൂറ്റാണ്ടിൽ ശൃംഗേരിയിലാണ് ഈ ക്ഷേത്രം നിർമ്മിക്കപ്പെട്ടിരിക്കുന്നത്.
ലോകത്തിലെ ഏറ്റവും ഉയരം കൂടിയ പ്രതിമ എന്നറിയപ്പെടുന്നതാണ് ഗുജറാത്തിലെ സര്ദാർ സരോവർ അണക്കെട്ടിനുള്ളിലെ ജലാശയത്തിനു നടുവിലുള്ള സാധു ബേട് ദ്വീപിനുള്ളിൽ സ്ഥിതി ചെയ്യുന്ന സ്റ്റാച്യൂ ഓഫ് യൂണിറ്റി. സർദാർ വല്ലഭായ് പട്ടേലിന്റെ സ്മരണയ്ക്കായി ഒരുക്കിയിരിക്കുന്ന ഈ പ്രതിമ ഐക്യ പ്രതിമ എന്നാണേ പൊതുവേ അറിയപ്പെടുന്നത്,
ലോകത്തിലെ ഏറ്റവും ഉയരം കൂടിയ പ്രതിമ
ലോകത്തിലെ ഏറ്റവും ഉയരം കൂടിയ പ്രതിമ എന്ന വിശേഷണവുമായാണ് പട്ടേൽ പ്രതിമ വരുന്നത്. 18 മീറ്റർ അഥവാ 597 അടിയാണ് ഈ പ്രതിമയുടെ ഉയരം. എന്നാൽ താഴെ നിന്നും നോക്കുമ്പോൾ ഈ പ്രതിമയുടെ യഥാർഥ ഉയരം 240 മീറ്റർ ആണ്.
ചൈനയിലെ ഹെനാനിലുള്ള സിപ്രിങ് ടെമ്പിൾ ബുദ്ധ (153 മീറ്റർ),ന്യൂയോർക്കിലെ സ്റ്റ്യാചു ഓഫ് ലിബർടി (93 മീറ്റർ),ബ്രസീലിലെ റിയോജി ജനീറോയിലുള്ള ക്രൈസ്റ്റ് ദ റെഡീമർ(40 മീറ്റർ) എന്നീ പ്രശസ്ത പ്രതിമകളെയാണ് പട്ടേൽ പ്രതിമ പിന്നിലാക്കിയിരിക്കുന്നത്.
പട്ടേൽ യാനം, കൺവെൻഷൻ സെന്റർ, പട്ടേലിന്റെ ജീവതത്തിലെ പ്രധാന കാര്യങ്ങൾ ഉൾക്കൊള്ളിച്ചുള്ള ലേസർ ഷോ , 500 അടി ഉയരത്തിൽ നിന്നും പട്ടേൽ പ്രതിമ കാണുവാനുള്ള സൗകര്യംതുടങ്ങിയവയൊക്കെ ഈ പ്രതിമയുടെ ഭാഗമായി ഉയർന്നു വരുന്ന കാര്യങ്ങളാണ്.